چیمپینز ٹرافی کی افتتاحی تقریب 19 فروری کو کراچی میں،پی سی بی کا سرپرائز تیار
اشاعت کی تاریخ: 12th, February 2025 GMT
پاکستان کرکٹ بورڈ نے کراچی میں بھی چیمپینز ٹرافی کی افتتاحی تقریب کرانے کا فیصلہ کیا ہے۔چیمپینز ٹرافی کی افتتاحی تقریب 19 فروری کو کراچی میں ہوگی۔ذرائع کا کہنا ہے کہ پی سی بی نے چیمپینز ٹرافی کے افتتاحی میچ کے موقع پر فینز کیلئے سرپرائز تیار کرلیا ہے۔ زرائع کے مطابق تقریب میں ملکی اور غیر ملکی فنکار شرکت کریں گے۔ پاکستان کرکٹ بورڈ چیمپینز ٹرافی کی ایک تقریب 16 فروری کو لاہور میں بھی کرے گا۔
.ذریعہ: Nawaiwaqt
کلیدی لفظ: چیمپینز ٹرافی کی
پڑھیں:
نیشنل بینک اسٹیڈیم کی افتتاحی تقریب،بابر اعظم کا پرتپاک خیرمقدم،کراچی والوں سے گلہ
قومی ٹیم کے مایہ ناز بیٹر بابر اعظم نے کراچی کے شہریوں سے شکوہ کردیا۔نیشنل بینک اسٹیڈیم کی افتتاحی تقریب کے دوران شائقین کرکٹ کی جانب سے بابر اعظم کا پرتپاک خیرمقدم کیا گیا اور اسٹیڈیم بابر، بابر کے نعروں سے گونج اٹھا۔انہوں نے کہا کہ شائقین کی جانب سے بہت پیار ملتا ہے ان ہی کے لیے ہم کھیلتے ہیں، شائقین کی جانب سے پوری ٹیم کے لیے یہی سپورٹ چاہیے۔بابر اعظم نے کہا کہ کراچی والوں سے گلہ ہے کہ وہ میچز دیکھنے نہیں آتے، امید ہے افتتاحی تقریب کی طرح میچز میں بھی بڑی تعداد اسٹیڈیم کا رخ کرے گی۔انہوں نے کہا کہ نیا اسٹیڈیم بنا ہے کوشش کریں گے اچھی کارکردگی دکھائیں۔دوسری جانب فاسٹ بولر شاہین آفریدی کا کہنا تھا کہ کراچی والوں کا شکریہ آپ افتتاحی تقریب میں آئے، آپ کی سپورٹ اس طرح پورے ایونٹ میں چاہیے، یہ ٹیم آپ کی ہے اور ہم آپ کی سپورٹ سے ہی جیتیں گے۔نسیم شاہ نے کہا کہ بہت اچھا اسٹیڈیم ہے، کراچی والے ہمیشہ اپنی ٹیم کو سپورٹ کرتے ہیں، امید ہے کل بھی اسٹیڈیم آکر اپنی ٹیم کو سپورٹ اور میچ کو انجوائے کریں گے۔فخر زمان کا کہنا تھا کہ عام طور پر کراچی کے لوگ اسٹیڈیم کا رخ نہیں کرتے آج انہیں یہاں دیکھ کر خوشی ہوئی، پوری کوشش کریں گے اچھی کرکٹ کھیل کر شائقین کو خوشی دیں۔انہوں نے کہا کہ شائقین کو خوشی دیں گے تاکہ وہ آج کی طرح بار بار اسٹیڈیم آئیں۔
معصوم شہریوں کوغیرقانونی طور پر یورپ بھجوانے والا نیٹ ورک بے نقاب