آفاق احمد کی گرفتاری میں جو تیزی نظرآئی، دیگر چیزوں میں بھی دکھائی جائے، گورنر سندھ
اشاعت کی تاریخ: 12th, February 2025 GMT
کراچی:
گورنر سندھ کامران ٹیسوری نے کہا ہے کہ آفاق احمد کی گرفتاری میں جو تیزی نظرآئی، دیگر چیزوں میں بھی دکھائی جائے۔
وفاقی وزیر داخلہ محسن نقوی نے گورنر سندھ کامران خان ٹیسوری سے ملاقات کی، جس میں صوبے میں امن کے قیام، کرکٹ کے فروغ، پاکستان سپر لیگ سمیت دیگر اہم امور پر تبادلہ خیال کیا گیا۔
ملاقات میں گورنر سندھ نے کہا کہ امن و امان کے قیام میں قانون نافذ کرنے والے اداروں کا کردار قابل ستائش ہے۔ نیشنل اسٹیڈیم کی تعمیرِ نو سے کرکٹ کو فروغ حاصل ہوگا۔ محدود وقت میں نیشنل اسٹیڈیم کی شاندار تعمیرِ نو قابل تحسین ہے۔
انہوں نے کہا کہ پاکستان سپر لیگ سے کرکٹ کا نیا ٹیلنٹ ابھر کر سامنے آئے گا۔
اس موقع پر وفاقی وزیر داخلہ محسن نقوی کا کہنا تھا کہ گورنر انیشیٹیو کے تحت جاری منصوبے قابل تقلید ہیں۔ آئی ٹی کے جدید کورسز سے نوجوان کا مستقبل تابناک ہوگا۔ انہوں نے شجر کاری مہم کے تحت گورنر ہاؤس میں پودا بھی لگایا۔
بعد ازاں گورنر سندھ نے گفتگو کرتے ہوئے کہا کہ میں نے آج محسن نقوی کے کاموں کی تعریف کی ہے، انہوں نے 4 ماہ میں قذافی اسٹیڈیم تیار کیا، ان سے کراچی میں اسٹریٹ کرائمز کے معاملے پر بھی گفتگو ہوئی ہے۔
انہوں نے کہا کہ پچھلے 2 ماہ میں ڈمپرز سے لوگ مررہے ہیں ، افغانستان سے لائے گئے ڈمپرز بھی شہر میں چل رہے ہیں، کسی بھی شخص کو قانون ہاتھ میں لینے کی ضرورت نہیں۔
گورنر سندھ نے کہا کہ جتنی تیزی آفاق احمد کی گرفتاری میں دکھائی ہے اتنی ہی دیگر چیزوں میں بھی دکھائی جائے۔
کامران ٹیسوری کا کہنا تھا کہ عمران خان کا کوئی بندہ آکر گھنٹی بجاتا ہے، تو اس کے لیے ثالثی کا کردار ادا کرسکتا ہوں۔ اگر عمران خان کے بیرک میں بجلی نہیں تو ان کے لیے کوئی بندوبست ہوسکتا ہے۔
.ذریعہ: Express News
کلیدی لفظ: گورنر سندھ نے کہا کہ انہوں نے
پڑھیں:
سکولوں کے بچوں نے سٹیم مقابلوں میں بہترین کارکردگی دکھائی:مریم نواز
وزیر اعلیٰ پنجاب مریم نوازکا تقریب سے خطاب کرتے ہوئے کہنا تھا کہ مجھے اپنے ان بچوں پر فخر ہے پنجاب کے مختلف سکولوں کے بچوں کے پراجیکٹس دیکھے تھوری سی محنت اور وسائل کے ساتھ آپ پوری دنیا فتح کرسکتے ہو۔مریم نواز نے کہا کہ 11سو بچے مختلف سکولوں سے یہاں آئیں ہیں مختلف سٹیم مقابلے ہوئے جن میں بچوں نے بہترین کارکردگی کا مظاہرہ کیا، 11سو بچوں کو ایک ایک لیپ ٹاپ تقسیم کیے جائیں گے آپ لوگوں کے والدین کی محنت آج رنگ لائی ہیں ,2لاکھ 75ہزار بچوں نے حصہ لیا ہے بچے چھوٹے چھوٹے ہے مگر خواب بہت بڑے ہے اپ کے جو مقاصد ہے ۔وزیراعلیٰ نے کہا کہ زندگی میں ان کو حاصل کرنا ہے بطور ماں میرا یہ وعدہ ہے میں اپ کی بہتری کے لیے اسی طرح کام کرتی رہو گی، میرے جتنے بھی وسائل ہے ان کو اپ پر خرچ کیا جائے گا ،جن سکولوں میں فرنیچر اور باقی چیزوں کی ضرورت ان کو پورا کیا جائے گا ،آئی ٹی لیب جو شہباز شریف نے بنائی تھی ان کو مزید اپ گریڈ کیا جائے گا ۔انہوں نے کہا کہ آج آپ نے مریم نواز سے وعدہ کرنا کی کبھی بھی اپنے ملک کے خلاف قدم نہیں اٹھانا کوئی یہ کہیں کہ میٹرو بس کو آگ لگا دو تو کیا کہوں گے انہیں؟ ،دوسرے بچوں کو ترغیب دینا گالی دو جلاو گھیراؤ کرو۔مریم نواز نے کہا کہ 4سال حکومت کی کوئی کام نہیں کیا ،سکالرشپ کیوں نہ دی، ذاتی حملے کرنا نہیں عوام کی خدمت کرنا ہے ،کے پی کے کے بچے ہمیں کہتے ہے کہ ہمیں لیپ ٹاپ دیے جائیں ،آپ کے ہاتھ میں لیپ ٹاپ دے رہی ہو مگر کوئی تھا جو پیٹرول بم دے رہا تھا ،اپنے بچے باہر بیٹھے یہاں بچوں کا غلط ترغیب سیکھائی گئی۔
معصوم شہریوں کوغیرقانونی طور پر یورپ بھجوانے والا نیٹ ورک بے نقاب