کراچی میں ہونیوالی امن مشقیں دنیا کیلئے بڑا پیغام ہیں:کمانڈر ایرانی بحریہ
اشاعت کی تاریخ: 12th, February 2025 GMT
کراچی (ڈیلی پاکستان آن لائن )ایرانی بحریہ کے کمانڈر شہرام ایرانی نے کہا ہے کہ کراچی میں ہونے والی امن مشقیں 2025 میں دنیا کے ممالک کیلئے بڑا پیغام ہیں۔
نجی ٹی وی جیو نیوز کے مطابق انقلاب ایران کی سالگرہ کی مناسبت سے کراچی میں ایرانی قونصل خانے میں تقریب منعقد ہوئی جس میں ایرانی بحریہ کے کمانڈر شہرام ایرانی ، پاکستان میں ایران کے سفیر ڈاکٹر رضا امیری مقدم،کراچی میں ڈپلومیٹک کور کے ڈین ایرانی قونصل جنرل حسن نوریان،وزیراعلیٰ سندھ سید مراد علی شاہ اور مہمان خصوصی گورنر سندھ کامران خان ٹیسوری سمیت اہم شخصیات نے شرکت کی۔
تقریب کے بعد خصوصی انٹرویو میں ایرانی بحریہ کے کمانڈر نے کہا کہ دنیا میں ہمارا خطہ بہت اہم ہے، اس خطے کی اہمیت جیواکانومی،جیوسٹریٹیجک، جیو پولیٹکس کے لحاظ سے ہے۔
ریئرایڈمرل شہرام ایرانی نے کہا کہ خطے کی اہمیت اس لئے بھی ہے کہ 60فیصد سے زیادہ تجارت اس علاقے سے ہوتی ہے۔ امن مشقوں میں ایرانی فلیٹ کی شرکت سے متعلق سوال پر کمانڈر ایرانی بحریہ نے کہا کہ امن مشقوں 2025 نے تمام ممالک کوبڑا پیغام دیا ہے کہ ہم سب مل کر مشقیں کرسکتے ہیں اور ہم تمام راستوں کی حفاظت کرسکتے ہیں۔کمانڈر ایرانی بحریہ نے کہا کہ پیغام یہ بھی ہے کہ ہم میری ٹائم سکیورٹی بھی انجام دے سکتے ہیں۔
اس سے پہلے تقریب سے خطاب میں ایرانی بحریہ کے کمانڈر نے گورنر اور وزیراعلیٰ سندھ کو امن مشقوں اور امن ڈائیلاگ کے کامیاب انعقاد پر مبارکباد دی اور تقریب سے خطاب میں کہا کہ ایران اورپاکستان ایک دوسرے کی کامیابیوں سے خوش ہونے والے ممالک ہیں۔ان مشقوں کاانعقاد پاکستان ہی کیلئے اعزاز نہیں ہماری بھی کامیابی ہے۔انہوں نے ہم آہنگی کو طاقت قرار دیا۔
دوسری جانب گورنر سندھ کامران خان ٹیسوری نے کہا کہ انقلاب ایران دنیا بھر کے مظلوموں کے لئے امید کی کرن ہے اور بانی انقلاب آیت اللہ خمینی کو دنیا بھر میں یاد رکھا جائے گا۔ گورنر سندھ نے کہا کہ ایرانی سفیر اور قونصل جنرل کی غیرمعمولی کاوشوں کے سبب پاکستانی تاجروں اور زائرین کو غیرمعمولی سہولتیں ملتی ہیں اور انہی کے کردارکی وجہ سے یہ تعلقات 100 فیصد بڑھائے جاسکتے ہیں۔
کامران خان ٹیسوری نے یقین دہانی کرائی کہ سابق صدرابراہیم رئیسی کے دورہ پاکستان میں طے معاہدوں کو عملی جامہ پہنایا جائےگا۔
گورنرسندھ نے کہا کہ ہم سب اسلامی ممالک دنیا کے ساتھ کام کریں گے اور نام لئے بغیر کہا کہ ان ممالک کو بھی یہ پیغام دینا چاہتا ہوں کہ ہم آپ کے ساتھ کام کرنے کے لئے تیار ہیں ، آپ کے لئے کام کرنے کو تیار نہیں۔
اس کے علاوہ ایرانی قونصل جنرل حسن نوریان نے کہا کہ انقلاب کا دن ایران کی حالیہ تاریخ کا سب سے اہم دن ہے، 46 برس پہلے پہلوی حکومت کا خاتمہ کرکے ایسا اسلامی نظام قائم کیا گیا تھا جس میں حکومت غیرملکیوں کو نہیں عوام کو جوابدہ بنائی گئی تھی۔انہوں نے انقلاب کیلئے قربانیاں دینےوالوں کو خراج عقیدت پیش کیا۔
پاک ایران تعلقات کے حوالے سے ایرانی قونصل جنرل نے کہا کہ یہ دونوں پڑوسی مسلم برادر ملک مذہبی، ثقافتی اورجغرافیائی لحاظ سے جڑے ہوئے ہیں اور ان کی دوستی عوام کے ذہنوں اوردلوں میں بستی ہے۔دونوں ملکوں کے درمیان توانائی، تجارت، سکیورٹی،انسداد دہشت گردی اور سکیورٹی تعاون جاری ہے اور دوستی کا یہ رشتہ مضبوط تر کیا جائے گا۔
تقریب کے آغاز میں سنہری الفاظ سے قرآن مجید کی خطاطی کرنے والے ایرانی قاری پیران نے تلاوت کلام پاک کی۔
اس موقع پر قونصل خانے کو پھولوں اوربرقی قمقوں سے سجایا گیا تھا اور ہاتھوں سے بنائے گئے انتہائی مہنگے اور نایاب ایرانی قالین سٹیج کے عقب میں اور دیواروں پر آویزاں کئے گئے تھے جن سے عمارت کی خوبصورتی کو چارچاند لگ گئے تھے۔
اگر کوئی فوجی جوان پہلی بیوی کی مرضی کے بغیر دوسری شادی کرلے،تو کیا دوسرے شادی والے کو ملٹری کورٹ بھیجا جائے گا،جسٹس جمال مندوخیل
مزید :.ذریعہ: Daily Pakistan
کلیدی لفظ: ایرانی بحریہ کے کمانڈر ایرانی قونصل میں ایرانی کراچی میں میں ایران نے کہا کہ
پڑھیں:
امن ڈائیلاگ نے دنیا بھر سے آنے والی بحری قیادت کو مسائل پر بات چیت کا موقع فراہم کیا، آرمی چیف
فائل فوٹو۔پاک بحریہ کے زیراہتمام کراچی میں 9ویں کثیرالقومی مشق امن 2025 شمالی بحیرہ عرب میں انٹرنیشنل فلیٹ ریویو کے شاندار انعقاد کے ساتھ اختتام پذیر ہوگئی۔
آئی ایس پی آر کے مطابق اس موقع پر آرمی چیف جنرل سید عاصم منیر مہمان خصوصی تھے۔ پاک بحریہ کے جہاز معاون آمد پر نیول چیف ایڈمرل نویداشرف نے مہمان خصوصی کا استقبال کیا۔
آئی ایس پی آر کے مطابق گورنر، وزیراعلیٰ سندھ اور وفاقی وزیر برائے سمندری امور بھی اس موقع پر موجود تھے۔
آرمی چیف نے امن 2025 کی کامیاب میزبانی پر پاک بحریہ کو مبارکباد دی، مہمان خصوصی نے میری ٹائم سیکیورٹی میں تعاون کے عزم کے اظہار پر غیر ملکی بحری افواج سے اظہار تشکر کیا۔
انہوں نے کہا کہ فورم نے عالمی جغرافیائی طاقتوں کو محفوظ سمندر اور خوشحال مستقبل کے مشترکہ مقصدکے تحت جمع کیا، دنیا بھر سے بحری افواج کی مشق میں بھرپور شرکت اس کی عملی عکاس ہے۔
آرمی چیف نے کہا کہ امن ڈائیلاگ نے دنیا بھر سے آنے والی بحری قیادت کو بحری مسائل پر بات چیت کا موقع فراہم کیا۔
آئی ایس پی آر کے مطابق امن مشق میں تقریباً 60 ممالک نے بحری جنگی جہازوں، ایئر کرافٹ اور میرینز کے ساتھ حصہ لیا۔ ان ممالک کی اسپیشل آپریشن فورسز اور بڑی تعداد میں مبصرین کے ساتھ شرکت کی۔ انٹرنیشنل فلیٹ ریویو میں پاک بحریہ اور غیر ملکی بحری جنگی جہازوں نے امن فارمیشن کا شاندار مظاہرہ کیا۔
آئی ایس پی آر کے مطابق مشق میں شریک ممالک کے سفیروں، ہائی کمشنرز، غیر ملکی بحری افواج کے سربراہان اور سینئر ملٹری آفیسرز بھی تقریب میں شریک تھے۔
مہمان خصوصی نے انٹرنیشنل فلیٹ ریویو کے دوران مختلف آپریشنل مشقوں کا مظاہرہ دیکھا، فلیٹ ریویو میں پاکستان نیوی، پی اے ایف اور شریک غیر ملکی طیاروں کا شاندار فلائی پاسٹ بھی کیا گیا۔
آئی ایس پی آر کے مطابق فلائی پاسٹ کے بعد مشق میں شریک بحری جہازوں نے مین اینڈ چیئر شپ کا مظاہرہ کیا، مشق کا اختتام روایتی امن فارمیشن کی تشکیل کے ساتھ ہوا۔
امریکی صدر نے عالمی فوجداری عدالت پرپابندیاں عائد کردیں