چیمپیئنز ٹرافی سے قبل آسٹریلیا کا ایک اور اہم کھلاڑی ٹیم سے آؤٹ، نئے کپتان کا اعلان بھی ہوگیا
اشاعت کی تاریخ: 12th, February 2025 GMT
چیمپیئنز ٹرافی سے قبل آسٹریلوی ٹیم کے 3 اہم کھلاڑی پیٹ کمنز، مچل مارش اور جوش ہیزل ووڈ انجری کے سبب ٹیم سے باہر ہوچکے تھے جبکہ مارکس اسٹوئنس نے اچانک ریٹائرمنٹ کا اعلان کردیا تھا، اور اب فاسٹ بولر مچل اسٹارک نے بھی ذاتی وجوہات کی بنا پر ایونٹ میں شکست سے معذرت کرلی۔
بدھ کو کرکٹ آسٹریلیا نے چیمپیئنز ٹرافی 2025 کے لیے حتمی ٹیم کا اعلان کیا تو اس میں مچل اسٹارک کا نام شامل نہیں تھا جس کے بارے میں بتایا گیا کہ انہوں نے ذاتی وجوہات کی بنا پر ایونٹ میں شکست سے معذرت کی ہے۔
مزید پڑھیں: آسٹریلوی ٹیم کو ایک اور جھٹکا، چیمپیئنز ٹرافی کی ٹیم میں شامل کھلاڑی کا ریٹائرمنٹ کا اعلان
سابق اسٹیو اسمتھ کو سری لنکا کے خلاف ٹیسٹ سیریز میں آسٹریلیا کی شاندار کامیابی کے بعد ون ڈے ٹیم کی قیادت سونپی گئی ہے۔
آسٹریلیا کے ہیڈ کوچ اینڈریو میکڈونلڈ پہلے ہی واضح کرچکے تھے کہ پیٹ کمنز، مچل مارش اور جوش ہیزل ووڈ انجری کے باعث چیمپیئنز ٹرافی میں شرکت نہیں کرسکیں گے۔ اس کے ساتھ ہی مچل اسٹارک نے ذاتی وجوہات کی بنا پر اسکواڈ سے اپنا نام واپس لے لیا ہے۔
کرکٹ آسٹریلیا نے مچل اسٹارک کے فیصلے کا مکمل احترام کرتے ہوئے ان کی پرائیویسی کا خیال رکھنے کی حمایت کی ہے۔ آسٹریلیا کے چیف سلیکٹر جارج بیلی نے اسٹارک کے فیصلے پر کہا کہ ہم مچل اسٹارک کے فیصلے کو مکمل طور پر سمجھتے اور اس کا احترام کرتے ہیں۔ انہوں نے ہمیشہ بین الاقوامی کرکٹ میں آسٹریلیا کے لیے غیر معمولی کمٹمنٹ دکھائی ہے۔ ان کی غیر موجودگی یقیناً ایک بڑا نقصان ہے، مگر اس سے کسی اور کھلاڑی کو اپنی صلاحیتیں دکھانے کا موقع ملے گا۔
آسٹریلیا کے تینوں اہم فاسٹ بولرز کی عدم موجودگی کے بعد اسپنسر جانسن، بین ڈوارشیس، ناتھن ایلس اور شان ایبٹ کو اسکواڈ میں شامل کیا گیا ہے۔ آرون ہارڈی نے مارکس اسٹوئنس کی جگہ لی ہے جبکہ تنویر سنگھا کو بھی اسکواڈ میں شامل کیا گیا ہے۔ کوپر کونوولی کو ٹورنامنٹ کے لیے ٹریولنگ ریزرو کے طور پر رکھا گیا ہے۔
مزید پڑھیں: چیمپیئنز ٹرافی سے قبل آسٹریلیا کو ایک اور جھٹکا، پیٹ کمنز کی شرکت مشکوک، اگلا کپتان کون ہوگا؟
آسٹریلیا اپنا پہلا میچ 22 فروری کو روایتی حریف انگلینڈ کے خلاف لاہور میں کھیلے گا۔
آسٹریلیا کا چیمپیئنز ٹرافی 2025 کے لیے مکمل اسکواڈ:
اسٹیو اسمتھ (کپتان)، شان ایبٹ، ایلکس کیری، بین ڈوارشیس، ناتھن ایلس، جیک فریزر-مگرک، آرون ہارڈی، ٹریوس ہیڈ، جوش انگلس، اسپنسر جانسن، مارنس لبوشین، گلین میکسویل، تنویر سنگھا، میتھیو شارٹ، ایڈم زامپا۔
ٹریولنگ ریزرو: کوپر کونوولی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: چیمپیئنز ٹرافی آسٹریلیا کے مچل اسٹارک کا اعلان کے لیے
پڑھیں:
آئی سی سی چیمپیئنز ٹرافی کے میچز لائیو کہاں کہاں دیکھے جاسکتے ہیں؟
پاکستان میں 19 فروری سے شروع ہونے والی آئی سی سی چیمپیئنز ٹرافی کے لیے جہاں ہر جانب پاکستان کی تیاریاں زیرِ بحث ہے، وہیں اب لوگ ٹکٹوں کی خریداری سے لے کر میچوں کے شیڈول تک مختلف معلومات میں دلچسپی لیتے نظر آ رہے ہیں۔ ایک اور سوال جو سب سے زیادہ پوچھا جا رہا ہے وہ یہ کہ چیمپیئنز ٹرافی کے میچز لائیو کہاں کہاں دیکھے جاسکتے ہیں؟ آئیے آپ کو بتاتے ہیں۔
پاکستانی شائقین پی ٹی وی اسپورٹس، اے اسپورٹس ایچ ڈی اور ٹین اسپورٹس جیسے پلیٹ فارمز پر لائیو میچز دیکھ سکتے ہیں جبکہ tapmad، Tamasha، اور Myco
ایونٹ کو لائیو سٹریم کریں گے۔ چیمپئنز ٹرافی 2025 کے لائیو سٹریمنگ لنکس ان کی ویب سائٹس اور ایپس پر دستیاب ہوں گے۔
انڈین شائیقین کے لیے Disney+ Hotstar اور Star Sports Network جیسے پلیٹ فارمز سے لائیو سٹریمنگ ہوگی۔
آسٹریلیا، یوکے ،امریکا میں کرکٹ شائقین چیمپینز ٹرافی کے میچز لائیو فاکس اسپورٹس، سکائی اسپورٹس، ولو ٹی وی پر دیکھائے جائیں گے۔ اس کے علاوہ ان پلیٹ فارمز کی موبائل ایپس پر بھی دیکھے جاسکیں گے۔
واضح رہے کہ چیمپیئنز ٹرافی ایونٹ کا آغاز 19 فروری کو کراچی میں پاکستان اور نیوزی لینڈ کے درمیان میچ سے ہوگا۔ ٹورنامنٹ میں کل 8 ٹیمیں حصہ لیں گی، جن میں پاکستان، بھارت، آسٹریلیا، انگلینڈ، جنوبی افریقہ، بنگلہ دیش، افغانستان اور نیوزی لینڈ شامل ہیں۔ ٹورنامنٹ میں بھارت کے تمام میچز نیوٹرل وینیو دبئی میں ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی آئی سی سی چیمپینئز ٹرافی پاکستان کرکٹ لائیو اسٹریمنگ لائیو میچ
بھارتی اداکار سونو سود کے وارنٹ گرفتاری جاری