Daily Sub News:

علیمہ اور عظمیٰ خان جناح ہاؤس حملہ کیس میں بے قصور

اشاعت کی تاریخ: 12th, February 2025 GMT

علیمہ اور عظمیٰ خان جناح ہاؤس حملہ کیس میں بے قصور WhatsAppFacebookTwitter 0 12 February, 2025 سب نیوز

لاہور (سب نیوز) لاہور کی انسداد دہشتگردی عدالت میں نو مئی کے مقدمات میں علیمہ خان اور عظمیٰ خان کی عبوری ضمانتوں پر سماعت ہوئی، جس میں پولیس نے دونوں کو جناح ہاؤس حملہ کیس میں بے قصور قرار دے دیا۔ تفتیشی افسر نے عدالت کو آگاہ کیا کہ علیمہ خان اور عظمیٰ خان کے خلاف تفتیش مکمل ہو چکی ہے اور وہ جناح ہاؤس حملہ کیس میں بے قصور ثابت ہوئی ہیں۔

تفصیلات کے مطابق عدالت کے باہر میڈیا سے گفتگو کرتے ہوئے علیمہ خان نے کہا کہ بیس مہینے بعد اللہ نے ہمیں سرخرو کیا۔ انہوں نے کہا کہ اس عرصے میں انہوں نے نظام کے حوالے سے بہت کچھ سیکھا، اور انہیں بتایا گیا کہ وہ 9 مئی کے مقدمات میں مطلوب نہیں ہیں۔

کراچی میں گاڑیاں جلنے پر مہاجر قومی موومنٹ کے چیئرمین آفاق احمد گرفتار

علیمہ خان نے مزید کہا کہ اللہ تعالیٰ کسی دشمن کو بھی اس اذیت سے نہ گزارے۔ انہوں نے تفتیشی افسران کی غیرذمہ داری پر سوال اٹھاتے ہوئے کہا کہ اگر تفتیشی افسر پہلے دن ہی پیش ہو جاتا تو شاید نوبت یہاں تک نہ پہنچتی۔

عمران خان نے پی ٹی آئی کو وکلا تحریک کا ساتھ دینے کی ہدایت کردی

انہوں نے شکوہ کیا کہ ریکارڈ کی عدم دستیابی کے باعث انہیں بیس مہینے تک عدالتوں کے چکر لگانے پڑے، اور تفتیشی افسران کی کوتاہی کی وجہ سے کئی افراد کو غیر ضروری سزائیں بھگتنا پڑیں۔

اعظم سواتی قصوروار قرار
لاہور کی انسداد دہشتگردی عدالت میں 9 مئی کے پانچ مقدمات میں پی ٹی آئی رہنما اعظم سواتی کی عبوری ضمانتوں پر سماعت ہوئی۔ پولیس نے اپنی تفتیش میں اعظم سواتی کو قصوروار قرار دے دیا۔ عدالت نے وکلا کو ضمانتوں پر دلائل دینے کا آخری موقع فراہم کرتے ہوئے سماعت 25 فروری تک ملتوی کر دی۔

سماعت کے دوران اعظم سواتی نے کہا کہ ان کی طبیعت خراب ہے اور وہ آج ضمانتوں پر بحث نہیں کر سکتے، جس پر عدالت نے ریمارکس دیے کہ بحث آپ کے وکلا نے کرنی ہے۔ عدالت نے مزید کہا کہ ہوسکتا ہے ضمانت منظور ہو جائے، تاہم درخواستیں دائر ہوئے ایک سال سے زائد کا عرصہ ہو چکا ہے اور پولیس کی تفتیش بھی مکمل ہو چکی ہے۔

اعظم سواتی کی میڈیا سے گفتگو

عدالت کے باہر میڈیا سے گفتگو کرتے ہوئے اعظم سواتی نے کہا کہ ملک میں ”ڈاکوؤں کا راج“ ہے اور فیصلہ ساز ان کی پشت پناہی کر رہے ہیں۔ انہوں نے الزام لگایا کہ بار کونسلز بک چکی ہیں، جس کی وجہ سے نظام انصاف تباہ ہو چکا ہے۔

انہوں نے نیلسن منڈیلا کی مثال دیتے ہوئے کہا کہ وہ اپنے بنیادی حقوق سے محروم تھا لیکن جب عدالت جاتا تو اسے انصاف ملتا تھا۔ اعظم سواتی نے دعویٰ کیا کہ تمام مقدمات میں ضمانت کے باوجود انہیں فٹبال کی طرح مارا گیا۔

اعظم سواتی نے بانی پی ٹی آئی کی حمایت کا اظہار کرتے ہوئے کہا کہ وہ لوگوں کے دلوں پر راج کرتے ہیں اور ان کا نظریہ ہی ملک کو بچا سکتا ہے۔ انہوں نے عوام سے اپیل کی کہ وہ بانی پی ٹی آئی کا ”مضبوط بازو“ بنیں اور ملک کے مستقبل کے لیے متحد ہو جائیں۔ انہوں نے کہا کہ ”ان ڈاکوؤں سے یہ ملک نہیں چلے گا“ اور ملک کو بچانے کے لیے ہر شہری کو اپنا کردار ادا کرنا ہوگا۔

.

ذریعہ: Daily Sub News

کلیدی لفظ: جناح ہاؤس حملہ کیس میں بے قصور اعظم سواتی نے مقدمات میں ضمانتوں پر علیمہ خان کرتے ہوئے نے کہا کہ انہوں نے اور عظمی ہے اور

پڑھیں:

جی ایچ کیوحملہ کیس کا ٹرائل پھر ٹل گیا،سب انسپکٹرگواہ طلبی پربھی پیش نہ ہوئے

راولپنڈی کی انسداد دہشتگردی کی خصوصی عدالت نے جی ایچ کیو حملہ سمیت سانحہ 9 مئی کے 14 کیسز کی سماعت ملتوی کردی۔

انسداد دہشت گردی کی خصوصی عدالت  نے جی ایچ کیو حملہ کیس کی سماعت بغیر کسی کارروائی کے 16 اپریل اور سانحہ 9 مئی کے دیگر 13 مقدمات کی سماعت 19 اپریل تک ملتوی کردی۔ 3 تھانوں کے کیسز کے مقدمات کی چالان نقول ملزمان میں تقسیم کی گئیں۔ عدالت نے نو مئی کے 10 کیسز کے چالان آج تک پیش نہ ہونے پر اظہار برہمی کرتے ہوئے سابق ایس پی سٹی فیصل سلیم کو طلب کرلیا۔ جی ایچ کیو حملہ کیس کا ٹرائل پھر ٹل گیا۔

انسداد دہشت گردی کی خصوصی عدالت کے جج امجد علی شاہ نے جی ایچ کیو حملہ کیس سماعت 9 مئی کے تمام 14 مقدمات کی سماعت کی ۔ جی ایچ کیو حملہ کیس میں عدالت طلبی کے باوجود سب انسپکٹر گواہ ریاض پیش نہیں ہوئے۔ سب انسپکٹر ریاض  گزشتہ 2 ماہ سے بار بار طلبی کے باوجود پیش نہیں ہورہے۔ عدالت نے سماعت بغیر کسی کارروائی کے 16 اپریل تک ملتوی کر دی۔

مزید پڑھیں: جی ایچ کیو حملہ کیس میں سرکاری گواہ پیش نہیں ہوئے، جیل ٹرائل ٹل گیا

آئندہ تاریخ پر 2 گواہان مجسٹریٹ مجتبی اور سب انسپکٹر ریاض کی طلبی کی گئی ہے۔ گواہ آنے کی صورت میں ٹرائل اڈیالہ جیل عدالت میں ہوگا۔ 3 تھانوں وارث خان ، تھانہ سٹی اور نیو ٹاؤن کے 9 مئی ہنگامہ آرائی توڑ پھوڑ گھیراؤ جلاؤ  کے چالان پیش ہونے پر ملزمان میں ان کی نقول تقسیم کر دی گئیں۔ ان میں فرد جرم 19 اپریل کو عائد کی جائے گی۔ ان تینوں کیسز میں بانی چیئرمین پی ٹی آئی ،شاہ محمود قریشی ،شیریں مزاری عمر ایوب میں نقول تقسیم نہیں ہوسکیں جس کے باعث ان پر فرد جرم آئندہ تاریخ پر عائد نہیں ہوسکے گی۔

جی ایچ کیو گیٹ 4 حملہ ، صدر حساس ادارہ کی بلڈنگ جلانے ،آرمی میوزیم پر حملہ اور میٹرو بس اسٹیشن جلانے سمیت 10 کیسز کے چالان عدالت میں  تاحال پیش نہ ہوسکے جس پر عدالت نے سخت برہمی کا اظہار کرتے ہوئے سابق ایس پی سٹی فیصل سلیم کو طلب کرتے ہوئے آئندہ  تاریخ پران کیسز کے چالان بھی پیش کرنے کا حکم دیا جبکہ ان کیسز کے ملزمان کی بھی طلبی کی گئی۔

سابق ڈپٹی اسپیکر پنجاب اسمبلی واثق قیوم عباسی نے بھی تینوں کیسز میں چالان نقول وصول کرتے بتایا کے انہوں نے عمران خان کے خلاف وعدہ معاف گواہ بننے یا ان مقدمات میں سرکاری گواہ بننے کا پولیس کو کوئی بیان نہیں دیا نہ ہی کسی مجسٹریٹ کے سامنے ایسا کوئی بیان دیا ہے۔ اس بابت انہوں نے عدالت میں باقاعدہ درخواست اپنا بیان بھی جمع کرا دیا ہے۔ ان کیسز میں قائد حزب اختلاف عمر ایوب خان ، سابق وزیر داخلہ شیخ رشید احمد ،راشد شفیق ، میجر طاہر صادق ،صداقت عباسی ،سابق صوبائی وزیر قانون بشارت راجہ ،سیمابیہ طاہر سمیت 500 ملزمان عدالت پیش ہوئے۔ پولیس نے سیکورٹی کے بھی انتہائی سخت انتظامات کر رکھے تھے ۔