پہلی اہلیہ پر سید نور کی دوسری شادی کا انکشاف کیسے ہوا؟
اشاعت کی تاریخ: 12th, February 2025 GMT
پاکستانی فلم ساز سید نور نے بتا دیا کہ پہلی اہلیہ پر ان کی دوسری شادی کا انکشاف کیسے ہوا۔
ان کا کہنا ہے کہ پہلی اہلیہ رخسانہ نور کو میری دوسری شادی کے بارے میں ایک اخبار سے معلوم ہوا۔
حال ہی میں فلم ساز نے نجی چینل کے پوڈکاسٹ میں اپنی نجی زندگی اور کیریئر سمیت مختلف امور پر بات چیت کی۔
انہوں نے اعتراف کیا کہ پہلی بیوی سے دوسری شادی 4 سے 5 سال تک خفیہ رکھی، انہیں ایک اخبار کے ذریعے اس کا علم ہوا۔
سید نور نے بتایا کہ ایک اخبار نے صائمہ سے بات کی تو صائمہ نے انہیں شادی سے متعلق بتایا اور اخبار نے وہ خبر شائع کردی، جب رخسانہ کو اس بات کا علم ہوا تو وہ خاموش ہوگئیں، اس نے خود تو کبھی کچھ نہیں کہا لیکن ہماری ایک پڑوسن تھیں جو رخسانہ کی سہیلی بھی تھی، انہوں نے مجھ سے سوال کیا کہ میں نے یہ کیا کیا؟ جس پر میں نے کہا کہ اب تو یہ ہوگیا ہے۔
فلم ساز نے بتایا کہ رخسانہ نے کبھی اس حوالے سے کوئی بات نہیں کی، کوئی شکوہ شکایت نہیں کی، اگر بچے دوسری شادی کے حوالے سے مجھ سے بدتمیزی کرنے کی کوشش کرتے تو انہیں روکتیں اور سمجھاتیں۔
ہدایت کار نے صائمہ سے اپنی پہلی ملاقات اور رخسانہ نور سے صائمہ کی پہلی ملاقات کا احوال بھی بتایا۔
انہوں نے کہا کہ میری صائمہ سے پہلی ملاقات فلم گھونگھٹ کے سیٹ پر ہوئی تھی۔ بعدازاں مجھے ان سے محبت ہوگئی اور ہمارا نکاح صائمہ کے گھر والوں کے سامنے ہوا تھا۔
سید نور کے مطابق دونوں بیویوں کی پہلی ملاقات ہمارے گھر پر ہوئی تھی۔ صائمہ اقبال ٹاؤن میں اپنی فلم کی شوٹنگ کر رہی تھیں، وہیں ہمارا گھر تھا، صائمہ گھر آئیں اس وقت رخسانہ گھر پر موجود نہیں تھیں جب وہ واپس گھر آئیں تو انہوں نے پوچھا، گھر میں کون ہے، ملازمین نے جواب دیا کہ صائمہ، جس پر وہ چونک گئیں۔
انہوں نے بتایا کہ پھر رخسانہ کچن میں گئیں اور صائمہ کے لیے چائے، سینڈوچ اپنے ہاتھوں سے تیار کئے اور ملازمین سے کہا کہ انہیں دے دو اور خود اپنے کمرے میں چلی گئیں۔
.ذریعہ: Daily Mumtaz
کلیدی لفظ: پہلی ملاقات انہوں نے
پڑھیں:
طیارے سے آف لوڈ کیا گیا شخص کراچی ایئرپورٹ سے لاپتا، پولیس کو مقدمہ درج کرنے کا حکم
درخواست گزار کے مطابق قانون نافذ کرنے والوں نے کاشف علی اور اہلیہ کو طیارے سے آف لوڈ کیا۔ کاشف کی اہلیہ کو بعد ازاں چھوڑ دیا گیا۔ اسلام ٹائمز۔ سندھ ہائیکورٹ نے کراچی ایئرپورٹ سے لاپتا شخص کی بازیابی کی درخواست پر ایس ایچ او تھانہ ایئر پورٹ کو گمشدگی کا مقدمہ درج کرنے کا حکم دے دیا۔ تفصیلات کے مطابق کراچی ایئرپورٹ سے لاپتا شخص کی بازیابی کی درخواست پر سماعت سندھ ہائیکورٹ میں ہوئی، جس میں درخواست گزار کے وکیل نے مؤقف اختیار کیا کہ کاشف علی 27 مارچ کو بیرون ملک سفر کیلئے اپنی اہلیہ کے ہمراہ جناح ٹرمینل پہنچا تھا۔ درخواست گزار کے مطابق قانون نافذ کرنے والوں نے کاشف علی اور اہلیہ کو طیارے سے آف لوڈ کیا۔ کاشف کی اہلیہ کو بعد ازاں چھوڑ دیا گیا۔ کاشف کی بازیابی کیلئے متعدد خطوط لکھے ہیں، لیکن کاشف کا کوئی سراغ نہیں مل سکا، جبکہ ایئرپورٹ پولیس کاشف کی گمشدگی کا مقدمہ بھی درج نہیں کر رہی۔ عدالت نے ریمارکس دیئے کہ مسنگ پرسنز کا کیس سننے کے اختیارات آئینی بینچ کے پاس ہیں، یہ کیس آئینی بینچ کو ارسال کر رہے ہیں۔ علاوہ ازیں عدالت نے ایس ایچ او تھانہ ایئرپورٹ کو گمشدگی کا مقدمہ درج کرنے کا حکم دیتے ہوئے درخواست آئینی بینچ کو بھیج دی۔
گھر سے بے دخل خاتون ٹک ٹاکر نے نہر میں چھلانگ لگا دی