سربراہ آئی ایم ایف کا وزیر اعظم سے ملاقات میں معاشی استحکام کے لیے موثر گورننس پر زور
اشاعت کی تاریخ: 12th, February 2025 GMT
سربراہ آئی ایم ایف کا وزیر اعظم سے ملاقات میں معاشی استحکام کے لیے موثر گورننس پر زور WhatsAppFacebookTwitter 0 12 February, 2025 سب نیوز
اسلام آباد: عالمی مالیاتی فنڈ (آئی ایم ایف) کی منیجنگ ڈائریکٹر نے وزیر اعظم پاکستان شہباز شریف سے ملاقات کی اور طویل مدتی معاشی استحکام کو یقینی بنانے کے لیے مسلسل مالیاتی نظم و ضبط، ادارہ جاتی اصلاحات اور موثر گورننس کی اہمیت پر زور دیا۔
وزیر اعظم آفس کے پریس ونگ سے جاری بیان کے مطابق وزیر اعظم محمد شہباز شریف اور عالمی مالیاتی فنڈ (آئی ایم ایف) کی منیجنگ ڈائریکٹر (ایم ڈی) کرسٹالینا جارجیوا کی گزشتہ روز ورلڈ گورنمنٹس سمٹ (ڈبلیو جی ایس) 2025 کے موقع پر دبئی میں ملاقات ہوئی۔
ملاقات میں پاکستان کے جاری IMF پروگرام اور حکومتی اصلاحات کے ذریعے حاصل ہونے والے میکرو اکنامک استحکام پر گفتگو کی گئی۔
بات چیت میں ادارہ جاتی اصلاحات کے نفاذ اور مالیاتی نظم و ضبط کو برقرار رکھنے کے لیے پاکستان کے عزم کو اجاگر کیا گیا، جو کہ پاکستان کے معاشی استحکام کی بحالی اور ملک میں پائیدار ترقی و مستقبل کیلئے کلیدی اہمیت کے حامل ہیں۔
وزیراعظم شہباز شریف نے آئی ایم ایف کی توسیعی فنڈ سہولت (EEF) کے تحت ہونے والی پیش رفت کی اہمیت کو اجاگر کیا، جس نے پاکستان کی معیشت کو مستحکم اور اسے طویل مدتی بحالی کی راہ پر گامزن کرنے میں کلیدی کردار ادا کیا۔
وزیر اعظم شہباز شریف نے اصلاحات کی رفتار بالخصوص ٹیکس اصلاحات، توانائی کے شعبے کی بہتر کارکردگی اور نجی شعبے کی ترقی جیسے اہم شعبوں میں پیش رفت کو برقرار رکھنے کے لیے حکومت کے عزم کا اعادہ کیا۔
انہوں نے مینجنگ ڈائریکٹر کرسٹالینا جارجیوا کو پاکستان کے معاشی استحکام کے لائحہ عمل، مؤثر کارکردگی اور منصوبہ بندی کی پائیداری کیلئے حکومت کے عزم کا یقین دلایا جو پاکستان میں جامع اور پائیدار ترقی کے حصول کیلئے اہم اجزاء ہیں۔
مینجنگ ڈائیریکٹر کرسٹالینا جارجیوا نے آئی ایم ایف کے تعاون سے چلنے والے پروگرام کو مؤثر طریقے سے نافذ کرنے میں حکومتِ پاکستان کی کوششوں کو سراہتے ہوئے کہا کہ ملکی معیشت استحکام کے بعد ترقی کی سمت میں گامزن ہونے کے ساتھ ساتھ پاکستان میں افراط زر میں کمی کے ساتھ اچھی کارکردگی کا مظاہرہ کر رہی ہے۔
انہوں نے اس بات کا بھی اعتراف کیا کہ پاکستان معاشی بحالی کے حصول کے بعد ترقی کی راہ پر گامزن ہے.
آئی ایم ایف کی منیجنگ ڈائریکٹر نے ملک کے اصلاحاتی ایجنڈے پر عملدرآمد کے لیے وزیر اعظم شہباز شریف کی قیادت اور ذاتی عزم کی بھی تعریف کی، جنہوں نے پاکستان کے معاشی استحکام اور ترقی کے حصول میں اہم کردار ادا کیا۔
آئی ایم ایف کی منیجنگ ڈائریکٹر نے طویل مدتی معاشی استحکام کو یقینی بنانے کے لیے مسلسل مالیاتی نظم و ضبط، ادارہ جاتی اصلاحات اور موثر گورننس کی اہمیت پر زور دیتے ہوئے پاکستان کے اصلاحاتی ایجنڈے کی حمایت کے لیے آئی ایم ایف کے عزم کا اعادہ کیا۔
ذریعہ: Daily Sub News
کلیدی لفظ: کی منیجنگ ڈائریکٹر معاشی استحکام موثر گورننس ا ئی ایم ایف آئی ایم ایف پاکستان کے شہباز شریف استحکام کے کے عزم کے لیے
پڑھیں:
وزیرِاعظم پاکستان شہباز شریف کی صدر امارات شیخ محمد بن زاید النہیان سے ملاقات
دبئی(اُردو پوائنٹ اخبارتازہ ترین۔ 11 فروری2025ء)متحدہ عرب امارات کے صدر، شیخ محمد بن زاید النہیان نے اسلامی جمہوریہ پاکستان کے وزیرِاعظم، محمد شہباز شریف کا خیرمقدم کیا، جو ورلڈ گورنمنٹس سمٹ 2025 میں شرکت کے لیے متحدہ عرب امارات کے دورے پر ہیں۔ دبئی میں جاری یہ سربراہی اجلاس 'مستقبل کی حکومتوں کی تشکیل' کے موضوع کے تحت منعقد کیا جا رہا ہے۔ ابوظہبی کے قصر الشاطی میں ہونے والی ملاقات میں شیخ محمد بن زاید النہیان اور وزیرِاعظم شہباز شریف نے دونوں ممالک کے درمیان تعاون کو مزید گہرا کرنے اور باہمی مفادات کو فروغ دینے کے مواقع پر تبادلہ خیال کیا۔ اس دوران اقتصادی، تجارتی، اور ترقیاتی شعبوں میں تعلقات کو وسعت دینے پر زور دیا گیا، جبکہ دونوں ممالک کے پائیدار معاشی ترقی اور خوشحالی کے وژن کے مطابق مشترکہ منصوبوں کے امکانات پر بھی گفتگو ہوئی۔(جاری ہے)
دونوں رہنماؤں نے ورلڈ گورنمنٹس سمٹ کی اہمیت کو اجاگر کیا، جو عالمی طرز حکمرانی کے رجحانات کی نشاندہی کرتا ہے اور حکومتوں کو عالمی تبدیلیوں سے ہم آہنگ ہونے کے لیے عملی حکمتِ عملی فراہم کرتا ہے۔ اس موقع پر عالمی تبدیلیوں سے فائدہ اٹھاتے ہوئے ترقی کے عمل کو تیز کرنے اور ایک بہتر مستقبل کی تشکیل پر بھی تبادلہ خیال کیا گیا۔ ملاقات کے دوران علاقائی اور عالمی صورتحال پر بھی گفتگو ہوئی، خاص طور پر مشرقِ وسطیٰ کی تازہ ترین پیش رفت پر تبادلہ خیال کیا گیا۔ دونوں رہنماؤں نے خطے میں سلامتی، استحکام، اور امن کے قیام کے لیے دو ریاستی حل کی بنیاد پر جامع اور دیرپا امن کے لیے بین الاقوامی کوششیں تیز کرنے کی ضرورت پر زور دیا۔ وزیرِاعظم شہباز شریف نے پاکستان اور متحدہ عرب امارات کے دیرینہ تعلقات کو مزید مستحکم کرنے کے عزم کا اعادہ کیا اور اقتصادی، تجارتی، اور سرمایہ کاری کے شعبوں میں تعاون کو فروغ دینے پر زور دیا۔ انہوں نے دونوں ممالک کی ترقیاتی ترجیحات کے مطابق باہمی شراکت داری کو آگے بڑھانے کی خواہش بھی ظاہر کی۔ ملاقات میں ابوظہبی کے ولی عہد، شیخ خالد بن محمد بن زاید النہیان، شیخ حمدان بن زاید النہیان، شیخ سیف بن زاید النہیان، شیخ نہیان بن مبارک النہیان، علی بن حمد الشامسی، ڈاکٹر انور قرقاش، اور دیگر اعلیٰ حکام و وزراء بھی موجود تھے۔
نیا قانون اور ٹریڈ باڈیز کے نئے انتخابات