سیکیورٹی ڈپازٹ بڑھانے کی بجلی کمپنیوں کی درخواست پر فیصلہ موخر
اشاعت کی تاریخ: 12th, February 2025 GMT
اسلام آباد:
نیشنل الیکٹرک پاور ریگولیٹری اتھارٹی (نیپرا) نے منگل کے روز کہا ہے کہ بجلی کمپنیوں کی جانب سے صارفین کے سیکیورٹی ڈپازٹس میں اضافے سے متعلق فیصلے کو فی الحال موخر کیا جارہا ہے, تاوقتیکہ بجلی فراہم کرنے والی تمام کمپنیوں کا اس حوالے سے آڈٹ مکمل نہ کرلیا جائے۔
واضح رہے کہ بجلی کمپنیوں کا صارفین کے سیکیورٹی ڈپازٹ ریٹس 200 فیصد سے زائد تک بڑھانے کی درخواست کی تھی جس پر منگل کے روز نیپرا میں سماعت ہوئی۔
سماعت کے دوران نیپرا کے ممبران رفیق احمد شیخ، مطہر نیاز رانا، امینہ رشید اور مقصود انور خان نے بجلی ترسیلی کمپنیوں کے نمائندوں جن کی سربراہی عرفان بٹ کررہے تھے.
ان کے دلائل پر اپنے عدم اطمینان کا اظہار کیا اور کہا ہے کہ ان کا کیس کمزور نظر آتا ہے کیونکہ یہ وہی دلایل دہرا رہے ہیں جو انھوں نے گزشتہ سماعت پر دیے تھے اور بجلی کمپنیوں کی جانب سے ڈپازٹ میں اضافہ کمپنیوں کی عملی نااہلیت کو بوجھ صارفین پر ڈالنے کی کوشش نظر آتی ہے.
اس سے قبل نیپرا نے کے الیکٹرک اور سکھر الیکٹرک سپلائی کو بھی ہدایت کی تھی کہ وہ سیکیورٹی ڈپازٹ میں اضافے سے متعلق اسی طرح کی درخواستیں جمع کرائیں تاکہ اگر اضافے کا فیصلہ ہو تو اس کا اطلاق یکساں ٹیرف کی بنیاد پر سب پر ہو.
تاہم نیپرا کی اس تجویز پر مختلف سیاسی اور کاروباری حلقوں اور چیمبرز کی جانب سے سخت ردعمل سامنے آیا تھا.
کراچی چیمبر آف کامرس اینڈ انڈسٹری (کے سی سی آئی) کے تنویز باری کا کہنا تھا کہ سیکورٹی ڈپازٹ کو 2 ہزار روپے سے بڑھا کر 54 ہزار کرنے کی تجویز صارفین کے لیے ناقابل برداشت ہوگی اور جس کے نتیجے میں کاروباری افراد اور دیگر صارفین توانائی کے متبادل ذرائع تلاش کریں گے-
صنعتی شعبے کی نمائندگی کرنے والے عامر شیخ کا کہنا تھا کہ صنعتوں کے لیے سیکورٹی ڈپازٹ کی مد میں 25 سے 30 کروڑ روپے جمع کرانا ایک ایسے وقت میں جب معیشت پہلے ہی مشکل میں ہو ناقابل برداشت ہوگا،نیپرا اتھارٹی نے سماعت مکمل ہونے پر درخواست پر فیصلہ محفوظ کر لیا ہے، اتھارٹی اعداد و شمار یعنی آڈٹ کا جائزہ لے کر فیصلہ بعد میں جاری کرے گی۔
ذریعہ: Express News
کلیدی لفظ: بجلی کمپنیوں کمپنیوں کی
پڑھیں:
کوٹہ بڑھانے کی درخواست منظور ، 10 ہزار اضافی پاکستانی حج کی سعادت حاصل کرسکیں گے
سعودی عرب نے نائب وزیراعظم و وزیرخارجہ اسحاق ڈار کی درخواست پر 10 ہزار اضافی پاکستانی عازمین حج کو حج کی اجازت دے دی ہے۔
وزیراعظم شہباز شریف کی ہدایت پر نائب وزیراعظم و وزیر خارجہ محمد اسحاق ڈار نے سعودی وزیر خارجہ پرنس فیصل بن فرحان السعود سے ٹیلیفونک رابطہ کرکے پاکستانی عازمین حج کے لیے حج کوٹہ میں اضافے کی خصوصی درخواست کی۔
یہ بھی پڑھیں: عازمین حج کے لیے بہترین انتظامات، سعودی عرب جا کر سہولیات کا جائزہ لیا، وفاقی وزیر مذہبی امور
یہ درخواست ان شہریوں کے لیے کی گئی جو حج کی مقررہ آخری تاریخ گزر جانے کے بعد رجسٹریشن نہیں کرا سکے تھے، وزیراعظم شہباز شریف کی خصوصی ہدایت پر نائب وزیر اعظم و وزیر خارجہ کی کوششوں سے سعودی عرب نے پاکستان کے لیے مزید 10 ہزار حجاج کرام کو حج کی اجازت دینے کا فیصلہ کیا۔
پاکستان کی خصوصی درخواست سعودی حکام نے قبول کرتے ہوئے پاکستان کے لیے حج کوٹہ میں توسیع کی منظوری دی۔
یہ بھی پڑھیں: عازمین حج سے متعلق انتظامات میں بے قاعدگیوں کے بعد نجی اسکیم کیخلاف تحقیقات
یہ اقدام دونوں برادر اسلامی ممالک کے درمیان قریبی تعلقات، باہمی تعاون اور پاکستانی عوام کے لیے سعودی عرب کی خصوصی توجہ کا عملی اظہار ہے، اس اقدام کے بعد مزید 10 ہزار پاکستانی شہری حج 2025 کی سعادت حاصل کرسکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسحاق ڈار پاکستان عازمین حج نائب وزیراعظم وزیراعظم شہباز شریف وزیرخارجہ
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ