نیشنل باکسنگ چمپئن شپ، آرمی کی 3خواتین باکسر فائنل میں
اشاعت کی تاریخ: 12th, February 2025 GMT
کراچی :نیشنل ایلیٹ مینز باکسنگ چمپئن شپ کے دوران باکسرز ایکشن میں نظر آرہے ہیں
کراچی (اسپورٹس رپورٹر)پاکستان باکسنگ فیڈریشن کے زیر اہتمام،پاکستان آرمی اور کے پی ٹی کے اشتراک سے جاری41ویں نیشنل ایلیٹ مینز اور پانچویں ویمنز نیشنل باکسنگ چیمپئن کے دوسرے روز پاکستان آرمی کی تین باکسرز نے سیمی فائنلز میں جگہ بنالی،مردوں کی50کلوگرام کیٹیگری کی سیمی فائنل لائن اپ بھی مکمل ہو گئی۔کے پی ٹی اسپورٹس کمپلیکس میں جاری چمپئن شپ میں گزشتہ روز مزید متعدد باؤٹس کھیلی گئیں۔اس موقع پر پاکستان باکسنگ فیڈریشن کے سیکریٹری جنرل میجرعرفان یونس،سینئر نائب صدراصغر بلوچ،کے پی ٹی اسپورٹس منیجر میجر(ر)محمود لغاری،یونس پٹھان، قدسیہ راجا اور دیگر بھی موجود تھے۔نتائج کے مطابق 48 کلوگرام ویمنز مقابلوں کے کوارٹر فائنلز میں ایچ ای سی کی آمنہ نے بلوچستان کی محدثہ کو،نیوی کی گوہر تاج نے خیبر پختونخوا کی عظمیٰ نواز کو،پنجاب کی ثنا نے پی اے ایف کی حمیرا کو اور آرمی کی ام البنین نے سندھ کی شہلا کو شکست دے کر سیمی فائنل میں جگہ بنالی۔ویمنز کی51کلو گرام کیٹیگری کے کوارٹر فائنلز میں آرمی کی ماریہ رند نے بلوچستان کی مریم کو،واپڈا کی اقرا نے پنجاب کی لائبہ کو،نیوی کی مریم نے آزاد جموں کشمیر کی کشف کو اورپی اے ایف کی سحرش نے خیبر پختوانخوا کی سمیہ کو شکست دے کر سیمی فائنل میں جگہ بنائی ایک اور کوارٹر فائنل میں پاکستان آرمی کی ملائکہ نے بھی کامیابی سمیٹ کر سیمی فائنل کے لئے کوالیفائی کر لیا۔مردوں کے50 کلو گرام کے کوارٹر فائنلز میں ریلوے کے امیر علی نے خیبر پختونخواکے آصف اللہ کو،بلوچستان کے اصغر علی نے ایچ ای سی کے شیر علی کو،آرمی کے محمد فہیم نے واپڈا کے جہانزیب کو اور کے پی ٹی کے عبدالباسط نے نیوی کے ساجد رشید کو شکست دے کر سیمی فائنل کے لیے کوالیفائی کیا۔ مردوں کی80کے جی کے ابتدائی راؤنڈ میں پنجاب کے علی اصغر نے آزاد جموں کشمیر کے فہد لطیف کو،سندھ کے امیر علی نے اسلام آباد کے رافع نیازی کو،پولیس کے محمد وسیم نے بلوچستان کے محمد ادریس کو،آرمیکے احسان اللہ نے پاکستان ائر فورس کے سمیر کمال کو ہرا دیا جبکہ نیوی کے قیصر علی کو ریلوے کے شکیل جٹ کے خلاف واک اوور دیا گیا۔مردوں کی85کے جی کے ابتدائی راؤنڈکے مقابلوں میں اسلام آباد کے فاروق احمد نے کے پی ٹی کے شایان کو،سندھ کے ارشد نے بلوچستان کے مقیم کو ہرا دیا جبکہ ریلوے کے حمزہ فریاد کو پولیس کے وسیم کے خلاف واک اوور مل گیا۔مردوں کی90کلوگرام کے ابتدائی راؤنڈ میں پنجاب کے عبدالمجاہد نے کے پی ٹی کے اعظم کو اور آرمی کے اظہر نے پاکستا ن نیوی کے انس محمود کو شکست دے دی۔
.ذریعہ: Jasarat News
کلیدی لفظ: کر سیمی فائنل کوارٹر فائنل نے بلوچستان فائنلز میں کے پی ٹی کے کو شکست دے پاکستان ا فائنل میں ا رمی کی کو اور
پڑھیں:
کوئٹہ، تحریک تحفظ آئین پاکستان کے رہنماؤں کیخلاف مقدمہ درج
تحریک تحفظ آئین کے رہنماؤں کیخلاف کوئٹہ میں احتجاج کرنے پر پولیس کی مدعیت میں مقدمہ درج کر لیا گیا ہے۔ اسلام ٹائمز۔ پولیس نے دفعہ 144 کے نفاذ کے باوجود آٹھ فروری کو الیکشن میں مبینہ دھاندلی کے خلاف ریلی نکالنے پر تحریک تحفظ آئین پاکستان کے رہنماؤں کے خلاف مقدمہ درج کر لیا۔ کوئٹہ میں سٹی پولیس اسٹیشن کے ایس ایچ او کی مدعیت میں درج ایف آئی آر میں پاکستان تحریک انصاف بلوچستان کے صوبائی صدر داؤد شاہ کاکڑ، نور خان خلجی و دیگر کو نامزد کیا گیا ہے۔ پولیس نے تحریک تحفظ آئین پاکستان کے رہنماؤں پر الزام عائد کیا ہے کہ انہوں نے آٹھ فروری کو حکومت کے خلاف احتجاج کیا اور نعرے بازی کی، سڑک بند کی اور اشتعال انگیز تقاریر کرتے ہوئے نفرت پھیلائی۔ مقدمے میں دفعات 153A، 188، 341، 149 اور 147 شامل کی گئی ہیں، جبکہ لاڈ اسپیکر ایکٹ کی خلاف ورزی کا الزام بھی عائد کیا گیا ہے۔
دوسری جانب پی ٹی آئی بلوچستان کے صدر داؤد شاہ کاکڑ کا کہنا ہے کہ ان کے خلاف ایک اور بوگس مقدمہ درج کیا گیا ہے۔ حکومت انہیں اور دیگر رہنماؤں کو بانی پی ٹی آئی عمران خان سے وفاداری کی سزا دینا چاہتی ہے۔ انہوں نے کہا کہ ان پر اب تک 27 مقدمات درج ہو چکے ہیں، جو کہ بوگس مقدمات ہیں۔ ان مقدمات سے ہمارے حوصلے پست کرنے کی کوشش کی جا رہی ہیں۔ پی ٹی آئی بلوچستان کے ترجمان نے کہا کہ 8 فروری 2025 کو یوم سیاہ پر مینڈیٹ چوری، دھاندلی اور 47 کی نااہل حکومت کے خلاف پرامن احتجاج پر کوئٹہ، زیارت، قلعہ عبداللہ، پشین، قلعہ سیف اللہ، مسلم باغ، ہرنائی، دکی، شیرانی، ژوب اور چمن سمیت بلوچستان کے مختلف ڈسٹرکٹ میں ہمارے رہنماؤں کے خلاف ایف آئی آرز ہوئے ہیں۔ واضح رہے کہ ترجمان حکومت بلوچستان نے 7 فروری کو شام کے وقت دفعہ 144 کے نفاذ کا اعلان کیا تھا، جبکہ تحریک تحفظ آئین پاکستان نے دو ہفتے قبل ہی اپنے احتجاج کا اعلان کیا تھا۔
پی آئی اے کا برطانیہ کیلیے فلائٹ آپریشن کا پلان فائنل