حارث رئوف کی انجری، سہ ملکی اور چمپئنز ٹرافی کیلیے محمد وسیم جونیئر، محمد علی اور عاکف جاوید کے ناموں پر غور
اشاعت کی تاریخ: 12th, February 2025 GMT
لاہور(اسپورٹس ڈیسک )سہ ملکی سیریز کے پہلے میچ میں انجری کا شکار ہونیوالے قومی ٹیم کے فاسٹ بولر حارث رئوف کی جگہ سلیکشن کمیٹی نے 3 فاسٹ بولرز کو شامل کرنے پر غور شروع کردیا۔لاہور میں کھیلے گئے سہ ملکی سیریز کے پہلے میچ میں حارث رئوف انجری کا شکار ہوکر میدان سے باہر چلے گئے تھے، انہیں بولنگ کے دوران سینے اور پیٹ کے پٹھوں کی بائیں جانب سے شدید درد ہوا تھا۔قومی ٹیم کے فاسٹ بولر کو ابتدائی طبی امداد فراہم کردی گئی ہے تاہم رپورٹ میں بتایا گیا ہے کہ حارث رف کو سینے کے نچلے حصے پر پٹھوں میں موچ آئی ہے، البتہ انکے میدان پر واپس آنے کا فیصلہ ڈاکٹرز کی مشاورت کے بعد کیا جائے گا۔ سلیکشن کمیٹی نے سہ ملکی اور چیمپئینز ٹرافی کیلئے اسکواڈ میں محمد وسیم جونیئر، محمد علی اور عاکف جاوید کے ناموں پر غور شروع کردیا ہے۔ رپورٹس میں دعوی کیا گیا ہے کہ عاکف جاوید کو حارث رئوف کے متبادل کے طور پر شامل کیا جارہا ہے۔ دوسری جانب آئی سی سی کی ڈیڈلائن کے مطابق 11 فروری رات 12 بجے تک تمام ٹیمیں اپنے اسکواڈ میں تبدیلیاں کرسکتی ہیں۔
.ذریعہ: Jasarat News
پڑھیں:
نیب میں 35 اسسٹنٹ ڈائریکٹرز کے تبادلے، نوٹیفکیشن جاری
قومی احتساب بیورو (نیب) میں اعلیٰ سطح پر تقرر و تبادلوں کی بڑی لہر، 35 اسسٹنٹ ڈائریکٹرز کے تبادلے کر دیے گئے ہیں۔ اس حوالے سے باقاعدہ نوٹیفکیشن بھی جاری کردیا گیا ہے۔
تفصیلات کے مطابق نیب راولپنڈی، لاہور، کراچی، کے پی، بلوچستان، سکھر اور ہیڈکوارٹرز میں تعینات افسران کو ایک سے دوسرے دفتر بھیجا گیا ہے۔ تبادلوں کی اس فہرست میں متعدد اہم نام شامل ہیں۔
نوٹیفکیشن کے مطابق اسسٹنٹ ڈائریکٹر وقاص علیم کو راولپنڈی سے لاہور، محمد فائق کو کے پی سے لاہور اور فیض احمد کو کراچی سے لاہور ٹرانسفر کیا گیا ہے۔ اسی طرح علی عباس کو راولپنڈی سے کراچی، ہارون بھٹی کو راولپنڈی سے لاہور، رشید بدر کو لاہور سے نیب ہیڈکوارٹر جبکہ حیدر عظمت کو راولپنڈی سے لاہور ٹرانسفر کر دیا گیا۔
مزید پڑھیں: نیب کے اعلیٰ افسر کی اسلام آباد کے گیسٹ ہاؤس سے لاش برآمد
اس کے علاوہ عبدالرحمان طیب کا تبادلہ راولپنڈی سے لاہور، جہانزیب مرزا کا راولپنڈی سے کراچی، زاہد عثمان کا راولپنڈی سے کے پی اور محمد جہانزیب کا راولپنڈی سے کراچی کیا گیا۔
ناصر خان کے پی سے لاہور، شہراللہ کے پی سے ہیڈکوارٹر، عبدالجلیل کے پی سے راولپنڈی، نوید خان کے پی سے راولپنڈی، طیب لاہور سے کے پی، ذیشان لاہور سے راولپنڈی، عظمت بیگ لاہور سے راولپنڈی، روف عالم لاہور سے راولپنڈی، اور علی رضا لاہور سے سکھر ٹرانسفر ہوئے۔
کراچی سے عدیل ضیا کا راولپنڈی، غلام عباس، راہول رائے اور عمیر احمد کا کراچی سے کے پی تبادلہ کیا گیا۔یاسر خان کو کراچی سے بلوچستان، محمد عدیل کو کراچی سے راولپنڈی، جنید اقبال کو بلوچستان سے کراچی اور محمود احمد کو بلوچستان سے کے پی ٹرانسفر کر دیا گیا۔
مزید پڑھیں: ملک ریاض کے خلاف نیب ریفرنسز، عمران خان پھر مشکل میں؟
اسی طرح عبد الرحیم کو ہیڈکوارٹر سے بلوچستان، شفقت کو کے پی سے بلوچستان، شعیب حسین کو ہیڈکوارٹر سے کے پی، آصف راجا کو راولپنڈی سے کراچی، ولی اللہ کو سکھر سے کراچی، نوید ارشد کو کے پی سے بلوچستان، اور محمد احسن ارشد کو لاہور سے راولپنڈی ٹرانسفر کیا گیا ہے۔
ذرائع کے مطابق ان تقرریوں اور تبادلوں کا مقصد نیب کے مختلف دفاتر میں کارکردگی کو مزید مؤثر بنانا اور ادارے کے اندر پیشہ ورانہ صلاحیتوں کو بہتر انداز میں بروئے کار لانا ہے۔
ا
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تقرر و تبادلے قومی احتساب بیورو نیب
سولر پینلز کی قیمتوں میں مزید ہزاروں روپے کی کمی