امریکا کی نئے ٹیرف کی دھمکی، پاکستان میں بھی سونا مہنگا
اشاعت کی تاریخ: 11th, February 2025 GMT
کراچی: امریکی صدر ڈونلڈ ٹرمپ کی جانب سے نئے ٹیرف عائد کرنے کی دھمکیوں کے بعد عالمی منڈی میں سونے کی قیمتوں میں نمایاں اضافہ ہوگیا ہے۔
کراچی میں سونے کی فی تولہ قیمت میں 4 ہزار روپے کا اضافہ ہوا ہے، جس کے بعد فی تولہ سونا 3 لاکھ 3 ہزار روپے تک پہنچ گیا ہے، اس کے علاوہ، ملک میں 10 گرام سونے کا بھاؤ بھی 3 ہزار 429 روپے اضافے کے ساتھ 2 لاکھ 59 ہزار 773 روپے ہوگیا ہے۔
عالمی منڈی میں سونے کی قیمت میں اضافے کا سلسلہ جاری ہے، جہاں فی اونس سونے کی قیمت 2 ہزار 911 ڈالر سے تجاوز کر گئی ہے، جو پاکستانی روپوں میں تقریباً 8 لاکھ 12 ہزار روپے بنتی ہے۔
تجزیہ کاروں کا کہنا ہے کہ سرمایہ کاروں نے تجارتی جنگ اور مہنگائی کے خدشات کے پیش نظر سونے میں سرمایہ کاری کرنے کا فیصلہ کیا ہے، جس کے باعث سونے کی طلب میں اضافہ ہوا ہے اور قیمتیں بڑھ گئی ہیں۔ تجزیہ کاروں کے مطابق، سونے کی بڑھتی ہوئی قیمت عالمی اقتصادی عدم استحکام کی علامت بن سکتی ہے اور عالمی مارکیٹس میں افراتفری اور غیر یقینی صورتحال کی وجہ سے سونے کی قیمتوں میں مزید اضافہ متوقع ہے، اس کے نتیجے میں پاکستانی مارکیٹ میں بھی سونے کی قیمتوں میں اضافہ ہوا ہے، جس کا اثر مقامی خرید و فروخت پر پڑ رہا ہے۔
.ذریعہ: Jasarat News
کلیدی لفظ: سونے کی قیمت
پڑھیں:
سونے کے نرخ میں تاریخ ساز اضافہ، قیمت ملکی تاریخ کی نئی بلند ترین سطح پر
کراچی:
سونے کی قیمت میں آج پھر بڑا اضافہ ریکارڈ ہوا، جس کے بعد قیمت تاریخ کی بلند ترین سطح پر پہنچ گئی ہے۔
بین الاقوامی اور مقامی دونوں مارکیٹوں میں آج جمعہ کے روز سونے کی قیمتوں میں بہت بڑا اضافہ ریکارڈ ہوا۔ بین الاقوامی بلین مارکیٹ میں سونا 100 ڈالر فی اونس مہنگا ہوگیا، جس کے نتیجے میں نئی قیمت 3218 ڈالر فی اونس کی بلند ترین سطح پر پہنچ گئی ہے۔
اسی طرح مقامی صرافہ بازاروں میں بھی 24 قیراط کے حامل سونے کی قیمت میں 10 ہزار روپے فی تولہ کا تاریخ ساز اضافہ دیکھنے میں آیا، جس سے نئی قیمت 3 لاکھ 38 ہزار 800 روپے فی تولہ ہوگئی۔
مقامی سطح پر سونے کی فی 10 گرام قیمت میں 8573 روپے کے اضافے کے بعد نئی قیمت 2 لاکھ 90 ہزار 466 روپے ہوگئی ہے۔
Tagsپاکستان
100 سے زائد فلموں میں کام کرنیوالے سینیئر بھارتی اداکار انتقال کر گئے