سعودی عرب سمیت 6 ملکوں سے مزید 100 پاکستانی بے دخل، 17 گرفتار
اشاعت کی تاریخ: 11th, February 2025 GMT
اسلام آباد: سعودی عرب، کینیڈا، متحدہ عرب امارات سمیت 6 ممالک سے گزشتہ 24 گھنٹوں کے دوران مزید 100 پاکستانیوں کو بے دخل کر دیا گیا۔ سعودی عرب سے واپس بھیجے گئے 17 افراد کو حراست میں لے کر انسداد انسانی اسمگلنگ سیل منتقل کر دیا گیا ہے۔
غیر ملکی میڈیا رپورٹس کےمطابق گزشتہ 24 گھنٹوں میں سعودی عرب سے 4 پاکستانیوں کو بلیک لسٹ ہونے، 13 کو بھکاری ہونے، 5 کو پاسپورٹ میں قواعد کی تبدیلی اور زائد المیعاد قیام، 16 کو معاہدے کی خلاف ورزی، 23 کو کام سے مفرور ہونے، 13 کو کفیل کے بغیر کام کرنے اور 3 کو زائد المیعاد قیام کی وجہ سے واپس بھیجا گیا۔
عمان، صومالی لینڈ اور متحدہ عرب امارات سے 4 پاکستانیوں کو بلیک لسٹ ہونے پر ڈی پورٹ کیا گیا۔ اس کے علاوہ، کینیڈا سے 1 پاکستانی کو زائد المیعاد قیام، عراق سے 7 کو غیر قانونی داخلے اور زائد المیعاد قیام، متحدہ عرب امارات سے 1 کو دستاویزات نہ ہونے اور 9 پاکستانیوں کو جیل سے رہا کرنے کے بعد ڈی پورٹ کیا گیا۔
.ذریعہ: Jasarat News
کلیدی لفظ: زائد المیعاد قیام پاکستانیوں کو
پڑھیں:
یوکرینی شہر سومی پر روسی حملے اور بچوں سمیت شہریوں کی ہلاکت کی مذمت
اسلام آباد (اُردو پوائنٹ ۔ UN اردو۔ 14 اپریل 2025ء) اقوام متحدہ نے یوکرین کے شہر سومی پر روس کے میزائل حملے کی مذمت کی ہے جس میں دو بچوں سمیت 34 افراد ہلاک اور 100 سے زیادہ زخمی ہو گئے ہیں۔
مسیحی مذہبی تہوار پام سنڈے کے موقع پر شہر کے مرکز میں کیے گئے اس حملے میں ایک مصروف سڑک کو نشانہ بنایا گیا جس میں رہائشی عمارتیں، ایک تعلیمی ادارہ اور شہریوں کی گاڑیاں تباہ ہو گئیں۔
Tweet URLاقوام متحدہ کے ترجمان سٹیفن ڈوجیرک نے کہا ہے کہ سیکرٹری جنرل انتونیو گوتیرش نے اس حملے کو انتہائی تشویشناک اور ہولناک قرار دیا ہے۔
(جاری ہے)
ان کا کہنا ہے، پام سنڈے کے دن اور مسیحیوں کے مقدس ہفتے کے آغاز پر کیا جانے والا یہ حملہ حالیہ ہفتوں کے دوران یوکرین کے شہروں اور قصبوں پر کیے جانے والے ایسے ہی حملوں کا تسلسل ہے۔پائیدار جنگ بندی کا مطالبہانتونیو گوتیرش نے کہا ہے کہ شہریوں اور شہری تنصیبات پر حملے بین الاقوامی قانون کے تحت ممنوع ہیں اور انہیں فوری بند ہونا چاہیے۔
انہوں نے یوکرین میں پائیدار جنگ بندی کے مطالبے کو دہراتے ہوئے واضح کیا ہے کہ اقوام متحدہ منصفانہ، پائیدار اور جامع امن کے لیے ایسی کوششوں کی حمایت کرتا ہے جن میں اقوام متحدہ کے چارٹر، بین الاقوامی قانون اور اقوام متحدہ کی متعلقہ قراردادوں کی مطابقت سے ملکی خودمختاری، آزادی اور علاقائی سالمیت کو برقرار رکھا جائے۔
یوم امن پر تشددیوکرین کے لیے اقوام متحدہ کے امدادی رابطہ کار میتھائس شمالے نے سومی شہر پر کیے جانے والے اس حملے کو ہولناک قرار دیتے ہوئے کہا ہے کہ وہ امدادی برادری اور ملک میں اقوام متحدہ کی ٹیم کی جانب سے اس حملے کی سخت مذمت کرتے ہیں۔
انہوں نے اس واقعے میں ہلاک ہونے والوں کے خاندانوں سے تعزیت کا اظہار کیا ہے۔ان کا کہنا ہے کہ پام سنڈے امن و عبادت کا موقع ہے لیکن سومی کے لوگوں کو اس دن تشدد، دہشت اور نقصان کا سامنا کرنا پڑا۔
میتھائس شمالے نے واضح کیا ہے کہ بین الاقوامی انسانی قانون کے تحت شہریوں اور شہری تنصیبات پر حملے کی سختی سے ممانعت ہے۔ یہ قوانین انسانی زندگی اور وقار کو تحفظ دینے کے لیے بنائے گئے ہیں اور ان کا ہر طرح کے حالات میں احترام کرنا ضروری ہے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا