ٹرمپ کا غزہ منصوبہ ’سنگین جرم: فلسطینیوں کو بے دخل کرنے کی کوششیں ناکام ہونگی، شامی صدر
اشاعت کی تاریخ: 11th, February 2025 GMT
دمشق: سریا کے نئے عبوری صدر احمد الشعارا نے کہا ہے کہ وہ امریکی صدر ڈونلڈ ٹرمپ کے فلسطینیوں کو غزہ سے نکال کر وہاں کی اقتصادی ترقی کے منصوبے کو ایک سنگین جرم سمجھتے ہیں جو منصوبہ بالآخر ناکام ہوگا۔
غیر ملکی میڈیا رپورٹس کے مطابق شامی صدر نے کہاکہ میرے خیال میں کوئی طاقت لوگوں کو ان کی سرزمین سے نہیں نکال سکتی۔ کئی ممالک نے یہ کوشش کی ہے اور سب کو ناکامی کا سامنا ہوا ہے، خاص طور پر گزشتہ ایک سال اور نصف میں غزہ کی جنگ کے دوران۔
انہوں نے مزید کہاکہ فلسطینیوں کو اُن کی سرزمین سے نکالنے کا عمل نہ تو عقلمندی ہے اور نہ ہی اخلاقی یا سیاسی طور پر درست ہے کہ ٹرمپ فلسطینیوں کو ان کی سرزمین سے نکالنے کی کوشش کریں،80 سال سے اس تنازعے میں، فلسطینیوں کو ان کی سرزمین سے نکالنے کی تمام کوششیں ناکام ہو چکی ہیں؛ جو لوگ وہاں سے نکلے تھے، وہ اپنے فیصلے پر پچھتائے ہیں۔”
احمد الشعار کاکہنا تھاکہ حماس کی جہدوجہد سے ہر نسل نے یہ سبق سیکھا ہے کہ اپنی زمین کو تھامے رکھنا کتنا اہم ہے؟ غزہ کے لوگوں کے لیے اپنی سرزمین پر قائم رہنا ان کی شناخت اور مستقبل کے لیے ضروری ہے۔
خیال رہےکہ ٹرمپ نے یہ بیان دیا تھا کہ امریکہ غزہ کی جنگ سے تباہ حال پٹی کو اپنے قبضے میں لے گا اور وہاں فلسطینیوں کو کہیں اور آباد کر کے اس علاقے کو اقتصادی طور پر ترقی دے گا، اس منصوبے کے تحت فلسطینیوں کو غزہ میں واپسی کا حق نہیں دیا جائے گا۔
.ذریعہ: Jasarat News
کلیدی لفظ: فلسطینیوں کو کی سرزمین سے
پڑھیں:
ٹرمپ نے حماس کو ہفتے تک یرغمالی رہا نہ کرنے پر سخت دھمکی دے دی
واشنگٹن:امریکا کے صدر ڈونلڈ ٹرمپ نے فلسطین کی مزاحمتی تنظیم حماس کو دھمکی دی ہے کہ اگر اسرائیلی یرغمالیوں کو رہا نہ کیا تو صورتحال بے قابو ہو جائے گی۔
غیر ملکی میڈیا کی رپورٹ کے مطابق ٹرمپ کی یہ دھمکی حماس کی جانب سے یرغمالیوں کی رہائی غیر معینہ مدت تک ملتوی کرنے کے بعد سامنے آئی ہے۔
ٹرمپ نے کہا کہ ہفتے کے دن 12 بجے تک تمام اسرائیلی یرغمالیوں کو رہا کرنا ہو گا ورنہ بہت نقصان ہو گا۔
ان کا کہنا تھا کہ مقررہ وقت تک یرغمالی رہا نہ ہوئے تو میں اسرائیل سے معاہدے کو منسوخ کرنے کا کہہ دوں گا جس کے بعد سب کچھ ملیا میٹ ہو جائے گا، اور کچھ نہیں بچے گا۔
فلسطینیوں کی غزہ سے بے دخلی کے اپنے بیان پر قائم ڈونلڈ ٹرمپ کا کہنا تھا کہ اردن ممکنہ طور پر پناہ گزین لینے پر راضی ہو جائے گا، ٹرمپ نے اردن اور مصر کو دھمکی دیتے ہوئے کہ اگر فلسطینیوں کو اپنی سرزمین پر پناہ نہیں دی تو دونوں ممالک کی امداد بند کر دیں گے۔
ماحولیاتی تبدیلیوں سے نمٹنے کے لیے پاکستان فوری کلائمیٹ چینج اتھارٹی اور فنڈ قائم کرے، جسٹس منصور علی شاہ