انجینئرز کی آرٹیفیشل انٹیلیجنس کی تربیت کا آغاز
اشاعت کی تاریخ: 11th, February 2025 GMT
پاکستان انجینئرنگ کونسل کے حکام نے قائمہ کمیٹی کو بریفنگ دیتے ہوئے بتایا ہے کہ انجینئرز کی آرٹیفیشل انٹیلیجنس کی تربیت شروع کر دی گئی ہے۔
اسلام آباد میں سینیٹ کی قائمہ کمیٹی برائے سائنس و ٹیکنالوجی کا اجلاس ہوا۔
اجلاس کے دوران پاکستان انجینئرنگ کونسل کے حکام نے بریفنگ میں کہا کہ انجینئرز کی آرٹیفیشل انٹیلی جنس کی تربیت شروع کر دی گئی ہے، پہلے مرحلے میں 5 ہزار انجینئرز نے آرٹیفیشل انٹیلی جنس ٹریننگ میں شرکت کی، اس سال مزید 10 ہزار انجینئرز کو آرٹیفیشل انٹیلیجنس کی تربیت دی جائے گی۔پی ای سی حکام نے مزید بتایا کہ انجینئرنگ کونسل کی جانب سے گرین بلڈنگ کوڈز تیار کیے گئے ہیں، جس سے توانائی کی بچت، موسمیاتی تبدیلیوں سے نمٹنے میں مدد ملے گی، موسمیاتی تبدیلیوں سے متعلق میٹیریل تیار ہو رہا ہے، حکومتِ پاکستان کو لو کاسٹ ہاؤسنگ منصوبہ تیار کر کے دیا ہے، گلیات کے لیے بھی کم کاسٹ منصوبہ تیار کر کے دیا ہے۔
چیئرمین کمیٹی کامل علی آغا نے ہدایت کی کہ کم لاگت والے گھروں پر عام شہریوں کو آگاہی دی جائے۔
پاکستان انجینئرنگ کونسل کے حکام نے بتایا کہ انجینئرز کو گریجویشن کے دن ہی لائسنس دینے کا منصوبہ شروع کیا گیا ہے، انجینئرنگ کونسل کی جانب سے گریجویٹ ٹریننگ پروگرام شروع کیا گیا ہے۔
حکام نے یہ بھی بتایا کہ پی ای سی کی جانب سے تربیت ملنے کے بعد بڑی تعداد میں انجینئرز کو انڈسٹری میں ملازمت ملی ہے، انجینئرنگ کونسل نے 850 فائنل ایئر پروجیکٹس کو فنڈ کیا، انجینئرنگ کونسل نے تعمیراتی تنازعات کے لیے آؤٹ آف کورٹ سیٹلمنٹ کا نظام شروع کیا۔
چیئرمین کمیٹی نے کہا کہ آپ ایک ماہ میں اس سے متعلق رپورٹ تیار کر کے دیں، جامع رپورٹ آئے گی تو کابینہ تک بات پہنچائیں گے
.ذریعہ: Nawaiwaqt
کلیدی لفظ: انجینئرنگ کونسل کی تربیت حکام نے
پڑھیں:
کراچی تھر ڈیزرٹ سفاری ٹرین کا آغاز، مسافروں کا شاندار استقبال
پاکستان ریلویز کے تعاون سے سندھ حکومت نے کراچی سے تھر ڈیزرٹ سفاری سیاحتی ٹرین کا آغاز کر دیا۔ پہلی ٹرین کینٹ اسٹیشن سے تھرپارکر کے لیے روانہ ہوئی جہاں منزل مقصود پہنچنے پر اس کا شاندار استقبال کیا گیا۔
یہ بھی پڑھیں: بند کی گئی ٹرین سروس وسائل کی فراہمی کے ساتھ مرحلہ وار بحال کی جائیں گی، سربراہ پاکستان ریلویز
مسافر مختلف اسٹیشنز پر سیاحتی و ثقافتی ورثوں سے لطف انداز ہوئے۔ ٹرین کے افتتاحی سفر میں 100 سے زیادہ سیاح شامل تھے جنہیں بس کے ذریعے فوج کے تیار کردہ پرچی جی ویری کے پکنک پوائنٹ پر لے جایا گیا۔
پرچی جیویری، چھور پہنچنے پر، مسافر غروب آفتاب، لائیو موسیقی کے ساتھ الاؤ، اور روایتی سندھی کھانوں سے لطف اندوز ہوسکیں گے۔
ریلوے حکام کے مطابق تھر ڈیزرٹ ٹرین سفاری میں5 بوگیاں لگائی گئی ہیں اور ٹرین میں ایک ڈائننگ ہال اور بزنس کلاس بھی شامل ہے۔
صوبائی وزیر سید ذوالفقار علی شاہ نے تھرڈیزرٹ سفاری ٹرین کا افتتاح کیا تھا اور ٹرین میں سوار ہو کر روانہ ہوئے تھے۔ تھر ڈیزرٹ سفاری ٹرین کے مسافروں میں زندگی کے مختلف شعبوں سے تعلق رکھنے والے افراد شامل ہیں۔
مسافروں تھرپارکرکے خوبصورت صحرا اورسرحد کے نزدیک بھی سیر کرنے کا موقع ملا۔
مزید پڑھیے: پاکستان ریلوے اور کے الیکٹرک کے درمیان اصل تنازع ہے کیا؟
دریں اثنا چیف ایگزیکٹو آفیسر پاکستان ریلویز عامر علی بلوچ نے پیر کے روز ای کچہری میں عوامی سوالات کے جواب دیتے ہوئے کہا کہ مزید سیاحتی ٹرینوں کی بحالی کے لیے صوبائی حکومتوں کا تعاون ضروری ہے کیونکہ سیاحت کے لیے درکار فنڈز صوبوں کے پاس ہوتے ہیں۔
عامر بلوچ نے کہا کہ پاکستان ریلویز ایک وفاقی ادارہ ہے اور مسافروں کو بہترین سفری سہولیات فراہم کرنا اس کی اولین ترجیح ہے لیکن صفائی ستھرائی میں عوامی تعاون بھی ناگزیر ہے۔
انہوں نے مسافروں سے گزارش کی کہ وہ کھانے پینے کی باقیات صرف کچرا دان میں ڈالیں تاکہ ٹرینوں اور سٹیشنز کی صفائی برقرار رکھی جا سکے۔
عامرعلی بلوچ نے کہا کہ نئی ٹرینوں کے اجرا کے لیے خاطر خواہ وسائل درکار ہوتے ہیں جیسے ہی مطلوبہ وسائل دستیاب ہوں گے ہم نئی ٹرینز چلانے کا عمل شروع کریں گے۔
ان کا کہنا تھا کہ ایم ایل-ٹو پر ابھی کافی کام ہونا باقی ہے اور بند کی گئی ٹرینوں کو بھی وسائل کی فراہمی کے ساتھ مرحلہ وار بحال کیا جائے گا۔
لنڈی کوتل ریلوے ٹریک کی بحالی کا معاملہ
لنڈی کوتل ریلوے ٹریک کی بحالی کے حوالے سے ایک سوال کے جواب میں سی ای او پاکستان ریلویز کا کہنا تھا کہ پشاور سے لنڈی کوتل تک ریلوے ٹریک کی بحالی پر 10 ارب روپے سے زائد لاگت آئے گی اگر وسائل دستیاب ہوئے تو اس منصوبے پر کام کیا جائے گا۔
چیف ایگزیکٹو آفیسر نے رابطہ ایپلیکیشن کو مزید آسان اور یوزر فرینڈلی بنانے کی بھی ہدایت کی تاکہ مسافروں کو کسی قسم کی پریشانی کا سامنا نہ ہو۔
مزید پڑھیں: تھرپارکر میں آسمانی بجلی اتنی زیادہ کیوں گرتی ہے؟
ریلوے اسکولز کی بہتری کے حوالے سے چیف ایگزیکٹو آفیسرکا کہنا تھا کہ پاکستان ریلویز کے سکوز کی بہتری کے لیے بھی اقدامات جاری ہیں تاکہ ریلوے ملازمین کے بچوں کو معیاری تعلیم فراہم کی جا سکے۔
ای کچہری میں88 ہزار سے زائد افراد نے شرکت کی جبکہ تقریبا 7 ہزار 800 کے قریب کمنٹس موصول ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تھر ڈیزرٹ سفاری چھور کراچی تھر ڈیزرٹ سفاری کراچی تھر سفاری ٹرین
8 فروری کو یوم سوگ منانے کا اعلان،نوٹیفکیشن جاری