پنجاب میں کاشت کاروں کو 1 ہزار ٹریکٹرز مفت دینے کی منظوری
اشاعت کی تاریخ: 11th, February 2025 GMT
پنجاب حکومت نے گندم کے کاشت کاروں کے لیے 1 ہزار ٹریکٹرز مفت دینے کی منظوری دے دی۔
لاہور میں وزیراعلیٰ پنجاب مریم نواز کی زیر صدارت صوبائی کابینہ کا 23 واں اجلاس ہوا، جس میں کئی بڑے منصوبوں کی منظوری دی گئی۔
اجلاس میں اسپیشل اکنامک زون انڈسٹریل اسٹیٹ اور اسمال انڈسٹریل اسٹیٹ کےلیے زیرو ٹائم ٹو اسٹارٹ پالیسی کی منظوری دی گئی۔
دوران اجلاس وزیراعلیٰ مریم نواز نے کہا کہ پنجاب میں صنعت کاروں کو بزنس کے لیے ہر قسم کی آسانی دینا چاہتے ہیں، سرمایہ کار آئیں، انڈسٹری لگائیں، کام کریں، کارروائی بعد میں ہوگی۔
انہوں نے مزید کہا کہ جتنی انڈسٹری لگاسکتے ہیں لگائیں، فوری طور پر این او سی ملے گا، انڈسٹری لگانے کےلیے مشکل پراسس کو آسان اور بزنس فرینڈلی بنائیں گے۔
دوران اجلاس ماس ٹرانزٹ سسٹم میں اسپیشل افراد اور سینئر سٹیزن کےلیے مفت سفر کی سہولت کی منظوری دی گئی جبکہ طلبہ کےلیے خصوصی ٹریول کارڈ متعارف کرانے کی تجویز پر اتفاق کیا گیا۔
اس موقع پر وزیراعلیٰ پنجاب نے ٹرام سروس شروع کرنے کےلیے پلان طلب کیا اور صوبے میں کینسر کا جدید طریقہ علاج متعارف کرانے کا فیصلہ کیا۔
اجلاس میں کینسر کے مریضوں کی کیموتھراپی کے متبادل ’کرایوبلیشن‘ مشین کےلیے 580 ملین کے فنڈز کی منظوری دی گئی۔
کابینہ اجلاس میں صوبے بھر میں اسپیشل ایجوکیشن سینٹرز کو سینٹر آف ایکسیلنس بنانے کےلیے فنڈز منظور کیے گئے جبکہ وزیراعلیٰ نے اسپیشل ایجوکیشن مراکز کو اسپیشل افراد کےلیے بہتر بنانے کی ہدایت کی اور اسپیشل افراد کےلیے خصوصی ٹرانسپورٹ متعارف کرانے کا فیصلہ کیا۔
اجلاس میں 5 ہزار 960 کانسٹیبل، چلڈرن پروٹیکشن اینڈ ویلفیئر بیورو میں 87 اسامیوں، ماس ٹرانزٹ اتھارٹی میں 127 بھرتیوں، اسپیشلائزڈ ہیلتھ کیئر کے آئی سی ٹی میں 25، مری ٹریفک مینجمنٹ پلان کے تحت 500 بھرتیوں کی منظوری دی گئی۔
کابینہ اجلاس میں نگہبان رمضان پیکیج کےلیے 30 ارب روپے کی منظوری دی گئی، جس سے 3 کروڑ افراد مستفید ہوں گے، صوبے میں پہلی مرتبہ عوام کو لائنوں میں نہیں لگنا پڑے گا گھر بیٹھے 10 ہزار روپے ملیں گے، اگلے سال سے نگہبان رمضان پیکیج کا اے ٹی ایم کارڈ متعارف کرایا جائےگا۔
.ذریعہ: Jang News
کلیدی لفظ: کی منظوری دی گئی اجلاس میں
پڑھیں:
ارسا نے سندھ کو زیادہ پانی دینے سے متعلق پنجاب حکومت کی رپورٹ مسترد کر دی
ارسا نے سندھ کو زیادہ پانی دینے کی رپورٹ مسترد کر دی، پانی کی تقسیم پر پنجاب حکومت کا لکھا گیا خط ارسا کوموصول ہو گیا۔
پانی کی تقسیم پر پنجاب حکومت کا لکھا گیا خط ارسا کوموصول ہوگیا۔ ارسا نے سندھ کو زیادہ پانی دینے کی رپورٹ مسترد کردی۔
ترجمان ارسا ک جانب سے کہا گیا کہ محکمہ آبپاشی پنجاب حکومت کے خط کا جائزہ لے رہے ہیں، پانی کی کمی چاروں صوبے مل کر برداشت کر رہے ہیں۔
ترجمان کا کہنا ہے کہ حساس صورتحال کے پیش نظر الزام تراشی سے اجتناب کیا جائے، صوبوں نے اپنے حصے کا پانی ربیع فصل میں استعمال کیا۔
وضح رہے کہ پنجاب حکومت نے پانی کی جانبدارانہ اور ناانصافی پر مبنی تقسیم پر ارسا کو سخت مراسلہ جاری کیا ہے، جس میں سندھ کو پنجاب کے حصے سے زیادہ پانی دینے کے فیصلے کی شدید مذمت کی گئی ہے۔
پنجاب حکومت پانی کی غیرمنصفانہ اور جانبدارانہ تقسیم پر برہم، پنجاب کا پانی سندھ کو دینے پر صوبائی حکومت نے ارسا کو سخت مراسلہ جاری کردیا۔
خط میں کہا گیا ہے کہ پنجاب کو حصے سے کم اور سندھ کو حصے سے زیادہ پانی دیا گیا، جس کی وجہ سے کسانوں میں بے چینی بڑھ رہی ہے۔
خط میں کہا گیا کہ سندھ کو سکھر بیراج پر رائس کینال کو غیر قانونی پانی دیا جاتا رہا جو چھپایا گیا ہے، ایسے اقدامات سے امن و امان کا مسئلہ پیدا ہوسکتا ہے۔
پنجاب حکومت کے مطابق مارچ میں ارسا کے تکنیکی اور مشاورتی اجلاسوں کے فیصلوں پر عمل نہیں ہو رہا ، ارسا ناانصافیاں روکے اور فوری طور پر فیصلے کے مطابق پنجاب کو اس کے حصے کا پانی مہیا کیا جائے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا