سندھ حکومت کراچی کے شہریوں کو سفری سہولت فراہم کرنے میں ناکام،ریڈبسیں خراب ہونے لگیں
اشاعت کی تاریخ: 11th, February 2025 GMT
کراچی(رپورٹ:منیر عقیل انصاری) 15برس بعد سندھ حکومت کے زیر انتظام چلنے والی پیپلز بس سروس(ریڈ بسیں) کراچی کے شہریوں کو سفری سہولت فراہم کرنے میں ناکام،70سے زاید ریڈ بسیں خراب ہونے کے باعث کراچی کے مختلف بس ڈ یپو میں کھڑی کردی گئی ہیں۔کراچی کے شہری آرام دہ سفر سے محروم ہوتے جارہے ہیں۔ریڈ لائن بسیں کراچی کی خستہ حال سڑکوں کے باعث خراب ہونے لگیں ہیں،کروڑوں روپے مالیت کی ریڈ بسوں کو کراچی کی کھنڈر سڑکیں اور گٹر کے پانی میں خراب ہونے کے لیے چھوڑا دیا گیا ہے۔
تفصیلات کے مطابق پیپلز بس سروس(ریڈ بسیں) کراچی کی سڑکوں کی خرابی کے باعث بڑی تعداد میں بس ڈیپو میں کھڑی کردی گئی ہیں۔ سندھ حکومت نے جون 2022 سے اب تک ڈھائی سال کے دوران کراچی کے مختلف علاقوں میں10 روٹس پر270 پیپلز بس سروس رواں دواں تھی،جبکہ خواتین کیلئے شہر میں R-01 پر نو پنک بسوں کے ساتھ اور R-02 پر نو پنک بسوں کے ساتھ چل رہی ہے۔ خستہ حال سڑکوں گڑھوں اور ابلتے گٹروں کے پانی کی وجہ سے بڑی تعداد میںیہ بسیں خراب ہونا شروع ہو گئیں ہیں بسوں میں تکنیکی خرابیاں بہت زیادہ بڑھ رہی ہیں جس سے بڑی تعداد میں ریڈ بسوں کو نقصان پہنچ رہا ہے ۔
ریڈ بسوں میں لگے سنسر میں بھی آئے روز خرابی پیدا ہوجاتی ہے اور ان بسوں کے ڈرائیورز سے یہ گاڑیوں اسٹارٹ نہیں ہو پاتی ہیں چائنا سے درآمد کی گئی یہ ریڈ بسیں کراچی کے سڑکوں پر موجود گڑہوں اور خستہ حال سڑکوں کی وجہ سے نکارہ ہوتی جارہی ہے ۔جبکہ بسوں میں ہونے والی ٹیکنکل خرابی کو دور نہیں کیا جارہا ہے اس وجہ سے بھی ریڈ بسیں ڈیپو میں کھڑی ہوگئی ہیں۔ٹاور سے ماڈل کالونی پر چلنے والی ریڈ بسیں ہی نہیں دیگر روٹس پر چلنے والی ریڈ لائن بسیں بھی سڑکوں کی بدحالی کے سبب نقصان سے دوچار ہیں۔
دوسری جانب پیپلز بس سروس ذارئع کے مطابق غیر قانونی رکشہ اور چنگچی ماحول پر منفی اثرات مرتب کر رہے ہیں۔شہر میں غیر قانونی رکشوں اور چنگچیوں کی موجودگی بسوں کی روانی اور معیار پر منفی اثر ڈالتی ہے۔
یاد رہے کہ پیپلز بس سروس میں ڈیزل، الیکٹرک اور ہائی بِرڈ بسیں شامل ہیں۔ہائی برڈ بسوں میں کچھ بیٹری پر اور کچھ سپر کیپیسیٹر پر چلتی ہیں۔اس حوالے سے موقف جاننے کے لیے جسارت نے پیپلز بس سروس کے منیجر عبدالشکور سے متعداد بار رابط کرنے کی کوشش کی تاہم انہوں نے فون کال اٹینڈ نہیں کی۔
.ذریعہ: Jasarat News
کلیدی لفظ: پیپلز بس سروس خراب ہونے ریڈ بسیں کراچی کے
پڑھیں:
بیانیہ کینالز کا
وہ بیانیہ جو کبھی اپنی بنیاد نہیں بنا سکتا ،جو غیر فطری ہو،ایسے بیانیہ ہم بنا تو لیتے ہیں مگر وہ بے بنیاد رہ جاتاہے ہیں، چاہے ہم اس بیانیہ کے لیے کتنی ہی تگ ودو کریں یا پھر بہترین ذرایع کا استعمال کریں۔
چھ کینالوں کے حوالے سے اس وقت اندروں سندھ میں ایک تحریک نے زور پکڑا ہے اوربیانیہ کی مثال ہمیں اسی تحریک سے مل جائے گی ۔ یہ ایک الگ بحث کہ ان کینالوں کی منظوری صدر آصف علی زرداری نے پچھلے سال آٹھ جولائی کو ہی دے دی تھی اور صدر صاحب کو اس منظوری کے اختیارات حاصل ہیں بھی کہ نہیں؟
یا پھر اس اس منظوری کے اختیارات صرف مشترکہ مفادات کی کونسل کو ہی ہیں کیونکہ مشترکہ مفادات کی کونسل ایک آئینی ادارہ ہے،لیکن ہلکی سی بازگشت اس وقت سنی جارہی تھی اور پھر سندھ کے قوم پرستوں نے اس آواز کو اپنے ہاتھوں میں لیا، وہ قوم پرست چھوٹے قد کے لیڈر تھے جن کی آواز نگار خانے میں طوطی کی مانند تھی۔
پھر آہستہ آہستہ یہ آواز سندھی اخباروں میں کالم نگاری کے ذریعے ابھری، ایک بحث چھڑی، سندھی میڈیا کی توسط سے سوشل میڈیا تک رسائی ہوئی اور اس آواز نے تحریک کی صورت اختیارکی۔ پیپلز پارٹی نے اپنا موقف یہی رکھا کہ کینالز نہیں بن رہی ہیں۔ پھر انھوں نے یہ کہنا شروع کردیا کہ ہم کینالز نہیں بنانے دیں گے،مگر پنجاب حکومت کا بیانیہ کچھ اور تھا۔ وہاں تو مباحثے بھی رک گئے، ارسا نے سر پلس پانی کا سر ٹیفکیٹ بھی جاری کردیا اور اس طرح سے یہ بیانیہ مضبوط ہوتا گیا کہ کینالز بن رہے ہیں۔
ذوالفقار جونیئر جو سندھ میں ماحولیاتی مسائل کی باعث متحرک تھے، اب وہ دریا اور پانی کی تقسیم کو بھی ماحولیات سے جوڑتے ہوئے متحرک ہیں۔سندھ کے وڈیروں کے خلاف پچھلے دو برسوں سے ویسے ہی بیانیہ بنتا رہا، پھر پچھلے سولہ برسوں سے پیپلز پارٹی کی بری حکمرانی!ان تمام حقائق کی بناء پر بڑی تیزی سے کینالوں کا بیانیہ بنایا ،اب سندھ میں اس سے بڑا کوئی بیانیہ نہیں ہے ۔ اس بیانیے کو آخر میں پیپلز پارٹی نے خود سے جوڑنے کی کوشش کی مگر ایسا ہو نہ سکا۔
سندھ میں کینالوں کی بنیاد پر بننے والا بیانیہ آج ایسا ہی ہے جیسا کہ آج سے چالیس سال پہلے کراچی میں بشریٰ زیدی کا تھا جو بس کے نیچے آکر ہلاک ہوئی تھیں۔وہ بات بھی ایسے ہی بڑھی تھی کہ کراچی میں مہاجروں میں ایلیٹ کلاس اور جماعت اسلامی کے پاس جو قیادت تھی، ان کے ہاتھ سے کراچی کی سیاست نکل چکی تھی اور مہاجر قیادت و سیاست متوسط طبقے کے ہاتھوں میں آگئی جو بلدیاتی انتخابات میں کامیاب ہوئے۔سندھ و قومی اسمبلی کے ممبر بنے اور وفاق میں نمایندگی پائی۔
یہ بیانیہ جو اس وقت سندھ میں کینالوں اور پانی پر بنا ہے، اس کے خدوخال وڈیروں کے خلاف ہیں۔یہ بیانیہ سندھ میں پیپلز پارٹی کے خلاف پچاس سال بعد بنا ہے ۔ اس سے پہلے محور بھٹوخاندان کی شہا دتیں تھیں۔اب جو محور ہے وہ دریائے سندھ ہے جس کا وجود خطرے میں ہے۔بیانیہ کے حوالے سے پیپلز پارٹی اپنا کیس سندھ میں ہار رہی ہے۔
پیپلز پارٹی کے پاس سندھ کی تمام نشستیں روایتی ہیں۔اس بار لوگوں نے ووٹ پیپلز پارٹی کو نہیں دیا تھا بلکہ اس وڈیروں اور جاگیرداروں کو دیا تھا جن کے ہاتھوں میں اقتدار کی باگ ڈور تھی۔اب بھٹو کا نام ان وڈیروں کو ایک چھتری کے نیچے جمع کرنے کا نام ہے۔ آصف زرداری کو اندازہ ہی نہ ہوا کہ پارٹی بری حکمرانی کے دلدل میں پھنس چکی ہے۔اقرباء پروری انتہا پر رہی۔ کوئی بڑا ترقیاتی کام نہ ہو سکا۔ٹرانسفر اور پوسٹنگ ایک خاص مقصد کے لیے ہوتیں۔یہ پارٹی ، افسر شاہی کے اندر اپنی جڑیں بناتے ہوئے ان من پسند لوگوں کو آگے لائی ،اس طرح کے سوالات لوگوں کے ذہنوں میں ابھرے۔
یہ تمام گرج ، غم و غصہ اور پھر انڈس ڈیلٹا کی صورتحال۔ جب سو سالہ ریکارڈ ہے کہ دریا کبھی بھی اس قدر خشک نہ ہوا جو اس دفعہ ہوا ہے۔خشک سالی ہو رہی ہے۔ان تمام باتوں نے کینالوں کے خلاف بیانیہ کو مضبوط کیا۔پیپلز پارٹی یہ چاہتی ہے کہ اس بیانیہ کا رخ وفاق اور پنجاب کی طرف موڑا جائے اور وہ اس بیانیہ میں بھی رہے۔
مگر لوگ اس بات کو سمجھ رہے ہیں کہ وفاق میںسندھ کا کیس پیپلز پارٹی صحیح نہیں رکھ سکی ہے۔یہ تبدیلی جو دہائیوںسے سندھ میں ناگزیر تھی اب جنم لے چکی ہے۔سندھی جن کی نفسیات پر یا تو بھٹو یا پھر پیر اور وڈیرے طاری تھے اور انھوں نے ہمیشہ اپنا ووٹ بھی انھی کو دیا ہے۔بھٹو جن کا نام آہستہ آہستہ وڈیروں اور جاگیرداروں کے مفاد سے جڑ گیا اور عوام کے مفاد سے کٹ گیا۔بھٹو کا نام اور وڈیرے ایک بن گئے اور عوام اس سفر میں کٹ گئے۔
اب قوم پرستوں کے پاس جو بیانیہ ہے وہ انتخابات کے زمانوں میں ان کو ایوانوں میں لے آئے گا۔سندھ سے ایک بھی قوم پرست ان پچھتر سالوں میں ایوانوں تک نہیں پہنچ سکا اور ایک بھی ایسی نشست نہیں جو سندھ کے عوام نے کسی بیانیہ کی نذر کی ہو سوائے بھٹو۔ مگر اب ایسا لگ رہا ہے کہ آیندہ انتخابات میں پیپلز پارٹی کے خلاف کچھ قوم پرست پانی کے بیانیہ کی مدد سے دو چار نشستیں لے کر ایوانوں تک پہنچ سکیں۔
ایک تاثر یہ بھی ہے کہ پیپلز پارٹی نے کینالوں پر سمجھوتہ ، بلاول بھٹو کو دوسال کے لیے وزیرِ اعظم بنانے کے لیے کیا ہے،لیکن اس بیانیہ پر ابھرتی تحریک سے ایسا نظر آ رہا ہے کہ موجودہ حکومتی اتحاد میں درڑا پڑ سکتی ہے ۔
اب یہ اتحاد انتہائی غیر فطری نظر آ رہا ہے۔مجبور ہوکر پیپلز پارٹی نے قومی اسمبلی میں قرارد داد جمع کرنے کی کوشش کی لیکن کرا نہ سکی۔جب کہ پی ٹی آئی نے کینالوں کے خلاف قومی اسمبلی میں قرارداد جمع کر وادی اور اگر پیپلز پارٹی اس قرار داد کی حمایت نہیں کرتی تو ان کا سندھ سے خاتمہ ہو جائیگا اور اگر پیپلز پارٹی اس قراداد کی حمایت کرتی ہے تو شہباز شریف کی حکومت کے لیے منفی پوائنٹ ہوگا۔
اس بیانیہ کے ثمرات سندھ میں آیندہ دو چار برسوں میں ملیں گے۔پہلی بار ایک نئی قیادت سندھ سے بنے گی جس کا تعلق پیپلز پارٹی سے نہیں ہوگا۔بلاول بھٹو تک پہنچتے پہنچتے سندھ میں پارٹی اپنی افادیت کھو چکی ہے۔ماضی میں پیپلز پارٹی جس بیانیہ پر چلی وہ بیانیہ سندھ اور پنجاب میں یکساں تھا اور اس دفعہ پارٹی نے یہ چا ہا کہ اس بیانیہ کو جو سندھ اور پنجاب میں بنا رہا ہے اپنے انداز سے لے کر چلے۔
اب اس ملک میں ایسا کوئی لیڈر نہیں جو بے نظیر کی طرح چاروں صوبوں کی زنجیر ہو، بانی پی ٹی آئی اپنے آپ کو کینالوں کے بیانیہ سے جوڑ کر شہباز شریف کی حکومت کے خلاف مشکلات پیدا کرنا چاہتا ہے ۔ یہ تحریک صرف سندھ تک محدود نہیں رہے گی بلکہ پورے ملک کو اپنی لپیٹ میں لے سکتی ہے ۔
شمالی وزیرستان میں تیل و گیس کا نیا ذخیرہ دریافت