افغانستان: قندوز میں خود کش دھماکا، 5 افراد جاں بحق، متعدد زخمی
اشاعت کی تاریخ: 11th, February 2025 GMT
قندوز: افغانستان کے صوبہ قندوز میں ایک خودکش دھماکے کے نتیجے میں 5 افراد جاں بحق اور متعدد زخمی ہو گئے۔
غیر ملکی میڈیا رپورٹس کےمطابق دھماکا قندوز کے کابل بینک میں اس وقت ہوا جب حکومتی اہلکار اپنی ماہانہ تنخواہیں حاصل کرنے کے لیے بینک میں جمع تھے، دھماکے کے بعد علاقے میں خوف و ہراس پھیل گیا اور قریبی عمارتوں میں بھی زبردست نقصان کی اطلاعات موصول ہوئیں۔
قندوز پولیس کے سربراہ جمعہ خان خاکسار نے دھماکے کی تصدیق کرتے ہوئے کہا کہ یہ ایک خودکش حملہ تھا جس میں خودکش حملہ آور نے تنخواہ حاصل کرنے والے افراد کو بینک آنےپر نشانہ بنایا۔
زخمیوں کو فوری طور پر اسپتال منتقل کر دیا گیا ہے جبکہ سیکیورٹی فورسز نے علاقے کو گھیرے میں لے کر تحقیقات کا آغاز کر دیا ہے۔
دھماکے کے وقت بینک میں کئی سرکاری ملازمین موجود تھے جو تنخواہیں لینے آئے تھے، جن میں سے بیشتر زخمی ہوئے ہیں، مقامی حکام کے مطابق زخمیوں کی تعداد میں مزید اضافہ ہونے کا خدشہ ہے۔
دوسری جانب افغان حکومت نے دھماکے کی شدید مذمت کرتے ہوئے حملہ آوروں کو فوری طور پر گرفتار کرنے کی یقین دہانی کرائی ہے،زخمیوں کی مدد کے لیے اعلیٰ حکام اسپتال پہنچے اور اس افسوسناک واقعے کے حوالے سے مزید معلومات حاصل کریں۔
خیال رہےکہ اب تک کسی گروہ نے اس حملے کی ذمہ داری قبول نہیں کی، لیکن طالبان کی حکومت کے بعد یہ خودکش حملہ ایک اور دہشت گردی کی کارروائی کے طور پر سامنے آیا ہے۔
.ذریعہ: Jasarat News
پڑھیں:
خارکیف یوکرین پر روس کا فضائی حملہ،11 افراد زخمی
جنگ جاری، روس نے یوکرینی شہر خارکیف پر فضائی حملہ کیا۔
غیرملکی خبر ایجنسی کے مطابق روسی فضائی حملے میں ایک بچے سمیت 11 افراد زخمی ہو گئے، یوکرین سٹیٹ ایمرجنسی سروس نے حملے میں زخمیوں کی تصدیق کر دی۔
خارکیف پر روسی فضائی حملے میں 13 عمارتوں کو بھی نقصان پہنچا، متاثرین میں سے تین شدید زخمی ہیں جنہیں ہسپتال منتقل کر دیا گیا ہے۔ خبر ایجنسی کے مطابق یوکرینی حکام کی جانب سے شہریوں پر روسی فضائی حملے کی شدید الفاظ میں مذمت کی گئی ہے۔
پی ٹی آئی میں مائنس ون فارمولا کامیاب بنانے میں مرکزی کردار کون تھا؟، پارٹی رہنما کا انکشاف