یونیورسٹی داخلے منسوخ،طلبا کے لئے اہم خبر آگئی
اشاعت کی تاریخ: 11th, February 2025 GMT
ڈاؤ یونیورسٹی نے دوہرے ڈومیسائل پر 18 داخلے منسوخ کر دیے، دوہرے ڈومیسائل پر تین ستمبر کی تاریخ درج تھی جبکہ داخلہ فارم جمع کرانے کیلئے ستمبر کے پہلے ہفتے کی تاریخ دی گئی۔
تفصیلات کے مطابق سندھ کی میڈیکل جامعات میں دہرے ڈومیسائل پر ڈاؤ یونیورسٹی انتظامیہ نے سیکریٹری صحت کو خط لکھ دیا۔خط میں کہا گیا ہے دہرے ڈومیسائل کی بنیاد پر اٹھارہ داخلے منسوخ کیے، ڈاؤ یونیورسٹی میرٹ پر داخلے فراہم کرتی ہے، تصدیق کے بعد داخلے منسوخ کئے ہیں۔محکمہ صحت حکام نے ڈاؤیونیورسٹی سے موصول خط کی تصدیق کردی، ذرائع نے بتایا کہ دہرے ڈومیسائل پر3 ستمبر کی تاریخ درج تھی جبکہ داخلہ فارم جمع کرانے کے لیے ستمبر کے پہلے ہفتے کی تاریخ دی گئی۔
ذرائع کا کہنا تھا کہ امیدواروں کے انٹرویو کے بعد ڈاؤیونیورسٹی نے داخلے منسوخ کئے، زیادہ تر ڈومیسائل کراچی شرقی کے تھے، کراچی کے تمام میڈیکل کالجوں میں داخلے کا اختیار ڈاؤ یونیورسٹی کودیا گیا ہے۔یونیورسٹی انتظامیہ کا کہنا ہے داخلے میرٹ، سندھ حکومت کی پالیسی اور پراسپکٹس کے تحت دیے جاتے ہیں۔ذرائع نے کہا کہ لیاقت میڈیکل یونیورسٹی نے بھی پانچ داخلے روک دیے ہیں۔ لیاقت میڈیکل یونیورسٹی جامشور میں بھی پانچ داخلے روکے گئے ہیں۔
آئی ایم ایف کا سرکاری افسران کے اثاثے ظاہر کرنے کیلئے مزید مہلت دینے سے انکار
.ذریعہ: Daily Ausaf
کلیدی لفظ: ڈومیسائل پر داخلے منسوخ کی تاریخ
پڑھیں:
طلبا کی شرارتوں سے تنگ استاد پولیس اسٹیشن پہنچ گیا
ویب ڈیسک: پشاور میں طلبا کی شرارتوں سے تنگ استاد نے پولیس میں شکایت درج کرا دی۔
پولیس کی جانب سے بتایا گیا ہے کہ استاد کی جانب سے تھانا یکہ توت میں طلبا کے خلاف درخواست جمع کروائی گئی ہے،درخواست میں استاد کا مؤقف ہے کہ طلباء کی شرارتوں کی وجہ سے میں ڈیوٹی نہیں کرپاتا، محکمہ تعلیم میرا تبادلہ کسی اور سکول میں کر دے۔
درخواست پر پولیس کا کہنا تھا کہ طلبا کو سمجھا سکتے ہیں، ان پر سخت کارروائی نہیں کر سکتے،پولیس نے طلباءکے والدین کوبلا کر معاملہ حل کرنے کی کوشش کی۔
راولپنڈی میں آپریشن،غیر قانونی 205 افغان باشندوں کو ملک بدر کر دیا گیا
سٹامپ پیپرز کا اجرا بائیومیٹرک ویری فکیشن سے مشروط