حیدرآباد میں قائم ہوابازی کی تربیت گاہ میں عالمی معیارکے کورسزکروانے کی منظوری
اشاعت کی تاریخ: 11th, February 2025 GMT
کراچی:
پاکستان ایئرپورٹس اتھارٹی نے حیدرآباد میں قائم ہوابازی کی تربیت گاہ میں بین الاقوامی معیارکے کورسزکروانے کی منظوری دے دی۔
ذرائع کےمطابق پاکستان ایئرپورٹس اتھارٹی انتظامیہ نےحیدرآباد میں قائم سول ایوی ایشن ٹریننگ انسٹیٹوٹ(کٹائی)میں عالمی سول ایوی ایشن سےبین الاقوامی معیارکےکورسز کروانے کی منظوری دی ہے، پہلی بارانٹرنیشنل سول ایوی ایشن آرگنائزیشن ٹیم کو 4 عالمی سطح کے ایوی ایشن شعبے کے کورس کرانے کے لیےمدعو کیا گیا ہے۔
بین الاقوامی معیارکےکورسز 17 فروری تا 25 مارچ ہوں گے،ٹریننگ انسٹرکٹر کورسز، ٹریننگ ڈیولپر، ٹریننگ منیجرز کے کورسزکروائے جائیں گے جبکہ پسنجر بورڈنگ برجز کورس کی تربیت بھی دی جائے گی۔
پاکستان ایئرپورٹس اتھارٹی اورانٹرنیشنل سول ایوی ایشن آرگنائزیشن نےکورسزکےمتعلق رجسٹریشن اور شیڈول اپنی ویب سائٹ پر جاری کردیے۔
سول ایوی ایشن ٹریننگ انسٹیٹیوٹ حیدرآباد میں ان کورسز سے پاکستان اورخطے میں موجود دیگر ایئرلائنزاور ایوی ایشن کمپنیزپاکستان میں ہی استفادہ کرسکیں گی، ملکی سطح پرکورسز کی سہولت سےکمپنیوں کومالی بچت ہوگی۔
واضح رہے کہ پاکستان ایئرپورٹس اتھارٹی نےعالمی سول ایوی ایشن آرگنائزیشن ٹیم سے رابطہ کیا تھا،عالمی سول ایوی ایشن آرگنائزیشن کورسزکرنے والوں کوبین الاقوامی سرٹیفکیٹ جاری کرے گی،ان کورسزسےملکی اوربین الاقوامی ایئرلائنز،ایوی ایشن کمپنیوں کوکورس کرنے کے لیے بیرون ملک نہیں جانا پڑےگا۔
یہ پہلی بار ہے کہ سول ایوی ایشن ٹریننگ انسٹیٹیوٹ میں عالمی سول ایوی ایشن ان بین الاقوامی کورسز کے لیے آرہی ہے۔
.ذریعہ: Express News
کلیدی لفظ: پاکستان ایئرپورٹس اتھارٹی سول ایوی ایشن آرگنائزیشن
پڑھیں:
سعودی عرب میں آئی ٹی کی بین الاقوامی نمائش لیپ کا آغاز
سعودی عرب میں آئی ٹی کی بین الاقوامی نمائش لیپ کا آغاز ہوگیا جس میں پاکستان سمیت دنیا بھر سے 18 سو سے زائد کمپنیوں کی جانب سے سٹالز لگائے گئے۔ پاکستانی پویلین کا افتتاح وزیر مملکت انفارمیشن ٹیکنالوجی شزا فاطمہ خواجہ نے کیا۔ نمائش میں ہزاروں کی تعداد میں ملکی اور غیر ملکی شائقین شرکت کر رہے ہیں۔
سعودی عرب میں ریاض ایگزیبیشن اینڈ کنونشن سینٹر ملھم میں آئی ٹی کی بین الاقوامی نمائش لیپ کا آغاز ہوگیا جس کا افتتاح سعودی وزیر کمیونیکشن اینڈ انفارمیشن ٹیکنالوجی عبداللہ السواحہ نے کیا۔4 روز تک جاری رہنے والی اس نمائش میں دنیا بھر سے 18 سو سے زائد آئی ٹی کمپنیوں کی جانب سے سٹالز لگائے گئے ہیں۔ان میں پاکستان سے 80 کمپنیوں کی جانب سے سٹالز لوگوں کی توجہ کا مرکز بنے ہوئے ہیں۔
پاکستانی آئی ٹی کمپنیوں کے پویلین کا افتتاح وزیر مملکت انفارمیشن ٹیکنالوجی شزا فاطمہ خواجہ نے کیا اور پاکستانی سٹالز کا جائزہ لیا اس موقع پر ان کا کہنا تھا کہ پاکستان انفارمیشن ٹیکنالوجی میں ایک خاص مقام رکھتا ہے اور اس کے آئی ٹی پروفیشنلز دنیا بھر میں اپنی صلاحیتوں کو منوا رہے ہیں۔
یہ بھی پڑھیےسعودی عرب میں جدید ٹیکنالوجی کا سب سے بڑا ایونٹ ’لیپ 2025‘
انہوں نے کہ اکہ وہ سعودی سرمایہ کاروں کو پاکستان کے فِن ٹیک، سائبر سکیورٹی اور کلاؤڈ کمپیوٹنگ کے شعبوں میں سرمایہ کاری کی دعوت دیتی ہیں۔ پاکستان اور سعودی عرب کے درمیان ڈیجیٹل سرمایہ کاری اور تکنیکی تعاون کے لیے سنہری مواقع موجود ہیں۔
شزا فاطمہ خواجہ کا مزید کہنا تھا کہ پاکستان اور سعودی عرب کے درمیان ڈیجیٹل اور اقتصادی شراکت داری کو مزید وسعت دی جا رہی ہے۔
لیپ 2025 کے موقع پر اپنے خطاب میں انہوں نے کہا کہ ڈیجیٹل فارن ڈائریکٹ انویسٹمنٹ (ڈی ایف ڈی آئی) فورم جلد اسلام آباد میں ہوگا جس میں عالمی سرمایہ کاروں کو شرکت کی دعوت جائے گی۔
شزا فاطمہ خواجہ نے کہا کہ پاکستان عالمی معیار کی ڈیجیٹل سروسز فراہم کر رہا ہے، سرمایہ کاروں کے لیے شاندار مواقع موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’لیپ 2025‘ ٹیکنالوجی
بھارتی فوج کالڑاکاطیارہ جل کر راکھ کے ڈھیر میں تبدیل