فلم الفا کے لیے عالیہ بھٹ کی ٹریننگ ویڈیو نے دھوم مچادی
اشاعت کی تاریخ: 11th, February 2025 GMT
بالی ووڈ اداکارہ عالیہ بھٹ اپنی آنے والی ایکشن فلم "الفا" کے لیے سخت ٹریننگ کر رہی ہیں۔
انہوں نے حال ہی میں انسٹاگرام پر ایک ورزش ویڈیو شیئر کی، جس میں وہ فلائنگ پش اپس کرتی نظر آئیں۔ یہ ویڈیو دیکھ کر ان کے مداح حیران رہ گئے، اور عالیہ کی فٹنس کے لیے ان کی محنت کی خوب تعریف کی۔
عالیہ بھٹ نے نیلے جم ٹاپ اور بلیک یوگا پینٹس میں اپنی ورزش کی ویڈیو پوسٹ کرتے ہوئے لکھا: "محنت ضروری ہے۔" ویڈیو میں عالیہ ایک مزاحمتی بینڈ کے ساتھ فلائنگ پش اپس کرتی دکھائی دیتی ہیں، جو ان کے ایکشن رول کے لیے سخت تیاری کو ظاہر کرتا ہے۔
عالیہ بھٹ نے گزشتہ سال اکتوبر میں کشمیر میں فلم "الفا" کی شوٹنگ شروع کی تھی اور وہاں سے حسین مناظر کی تصاویر شیئر کی تھیں۔
یہ فلم یونیک فلمز یش راج فلمز اسپائی یونیورس کا پہلا خواتین پر مبنی ایکشن پروجیکٹ ہے، جس میں وہ شاروری واگھ کے ساتھ جلوہ گر ہوں گی، جبکہ بابی دیول کے بھی کاسٹ میں شامل ہونے کی خبریں گردش کر رہی ہیں۔
یہ فلم ادتیہ چوپڑا کے YRF اسپائی یونیورس کی چھٹی قسط ہوگی، جس میں پہلے "ایک تھا ٹائیگر"، "ٹائیگر زندہ ہے"، "وار"، "پٹھان" اور "ٹائیگر 3" جیسی فلمیں شامل ہیں۔
اس کے علاوہ عالیہ سنجے لیلا بھنسالی کی فلم "لو اینڈ وار" میں بھی نظر آئیں گی، جس میں ان کے ساتھ رنبیر کپور اور وکی کوشل بھی شامل ہیں۔
View this post on InstagramA post shared by Alia Bhatt ???? (@aliaabhatt)
عالیہ کے فٹنس اور اداکاری کے جذبے نے ایک بار پھر مداحوں کو متاثر کر دیا، اور ان کی فلم "الفا" کا شدت سے انتظار کیا جا رہا ہے۔
.
ذریعہ: Express News
کلیدی لفظ: کے لیے
پڑھیں:
کوئٹہ، پولیس ٹریننگ کالج کی گیٹ پر دستی بم دھماکہ
پولیس نے بتایا کہ نامعلوم ملزمان ٹریننگ کالج کی گیٹ پر دستی بم پھینک کر فرار ہو گئے۔ دھماکہ میں کوئی جانی نقصان نہیں ہوا۔ اسلام ٹائمز۔ بلوچستان کے صوبائی دارالحکومت کوئٹہ میں واقع پولیس ٹرینگ کالج کی گیٹ پر نامعلوم افراد دستی بم پھینک کر فرار ہو گئے۔ کسی جانی نقصان کی اطلاع نہیں ہے۔ پولیس ذرائع کے مطابق سریاب روڈ پر واقع پولیس ٹریننگ کالج کے مرکزی گیٹ پر نامعلوم افراد نے دستی بم سے حملہ کیا ہے۔ دھماکے میں کوئی جانی نقصان نہیں ہوا ہے۔ جبکہ ملزمان واردات کے بعد فرار ہو گئے۔ پولیس کے مطابق ملزمان کی تلاش جاری ہے، جبکہ قانونی کارروائی کا بھی آغاز کر دیا گیا ہے۔
سندھ میں 14 فروری کو شب برات کے موقع پر تمام تعلیمی اداروں میں تعطیل کا اعلان