حارث رؤف سہ فریقی سیریز سے باہر، کیا چیمپیئنز ٹرافی کھیل پائیں گے؟
اشاعت کی تاریخ: 11th, February 2025 GMT
قومی کرکٹ ٹیم کے تیز رفتار بولر حارث رؤف زخمی ہونے کے باعث پاکستان میں جاری سہ فریقی سیریز کے بقیہ میچز نہیں کھیل پائیں گے۔
یہ بھی پڑھیں: سہ ملکی سیریز: کراچی میں میچز کے دوران جامع سیکیورٹی پلان مرتب کرلیا گیا
یاد رہے کہ 8 فروری کو سہ فریقی سیریز کے پہلے میچ میں نیوزی لینڈ کے خلاف بولنگ کرواتے ہوئے حارث رؤف انجری کا شکار ہو کر اوور مکمل کروائے بغیر کھیل سے باہر ہوگئے تھے۔
ان کی جگہ اب عاکف جاوید کو سہ فریقی سیریز کے لیے قومی ٹیم میں شامل کرلیا گیا ہے۔
مزید پڑھیے: جنوبی افریقہ کے خلاف میچ میں حارث رؤف کی شرکت میڈیکل رپورٹ سے مشروط
یاد رہے کہ اتوار کو پی سی بی اپنی پریس ریلیز میں ایم آر آئی اور ایکسرے اسکین کے بعد اس بات کی تصدیق کی تھی کہ حارث رؤف کو نیوزی لینڈ کے خلاف ہفتے کے روز ہونے والے میچ کے دوران سینے کے نچلے حصے میں موچ آئی۔
مزید پڑھیں: سہ ملکی سیریز: فاسٹ بولر حارث رؤف کو پسلیوں میں تکلیف، اوور ادھورا چھوڑ کر گراؤنڈ سے جانا پڑا
کرکٹ بورڈ کا کہنا تھا کہ چوٹ سنگین نہیں ہے اور توقع ہے کہ وہ 19 فروری سے کراچی میں شروع ہونے والی آئی سی سی چیمپئنز ٹرافی 2025 کے لیے مکمل طور پر صحت یاب ہو جائیں گے۔
تاہم احتیاطی تدابیر اور ان کی جاری بحالی کے حصے کے طور پر وہ 12 فروری کو جنوبی افریقہ کے خلاف اہم میچ کے لیے دستیاب نہیں ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 20225 حارث رؤف سہ فریقی کرکٹ سیریز عاکف جاوید.ذریعہ: WE News
کلیدی لفظ: ا ئی سی سی چیمپیئنز ٹرافی 20225 سہ فریقی کرکٹ سیریز کے خلاف کے لیے
پڑھیں:
جنوبی افریقہ کے خلاف میچ میں حارث رؤف کی شرکت میڈیکل رپورٹ سے مشروط
پاکستان کے فاسٹ باؤلر حارث رؤف کو جنوبی افریقہ کے خلاف جاری سہ ملکی سیریز کے میچ میں آرام دیئے جانے کا امکان ہے۔
میڈیا رپورٹ کے مطابق حارث رؤف پہلے سے بہتر محسوس کر رہے ہیں، تاہم ٹیم انتظامیہ انہیں جنوبی افریقہ کیخلاف کھیلا کر کوئی خطرہ مول نہیں لینا چاہتی۔
حارث رؤف کی میچ کے لیے حتمی دستیابی ان کی ایم آر آئی رپورٹس کے نتائج پر منحصر ہوگی۔
یاد رہے کہ حارث رؤف کو نیوزی لینڈ کے خلاف سہ فریقی سیریز کے پہلے میچ کے دوران پسلیوں میں ہونے والے درد کے باعث 6.2 اوورز کرانے کے بعد میدان چھوڑنا پڑا تھا۔
واضح رہے کہ سیریز کے افتتاحی میچ میں نیوزی لینڈ نے پاکستان کو شکست دی تھی۔ جب کہ پاکستان اور جنوبی افریقہ 12 فروری کو کراچی میں آمنے سامنے ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایل ٹی 20کا فائنل اور بھی مشکل ہوگا، گلبدین نائب