سہ ملکی سیریز: کراچی میں میچز کے دوران جامع سیکیورٹی پلان مرتب کرلیا گیا
اشاعت کی تاریخ: 11th, February 2025 GMT
کراچی میں سہ ملکی سیریز کے میچوں کے دوران اسپیشل سیکیورٹی یونٹ نے جامع سیکیورٹی پلان مرتب کرلیا۔ اور میچ دیکھنے آنے والے شائقین کے لیے خصوصی ہدایات جاری کی گئی ہیں۔
میچز کے دوران ایس ایس یو اور دیگر قانون نافذ کرنے والے اداروں کے 5 ہزار سے زیادہ اہلکار تعینات ہوں گے۔
یہ بھی پڑھیں سہ ملکی سیریز: جنوبی افریقہ کو شکست دے کر نیوزی لینڈ نے فائنل کے لیے کوالیفائی کرلیا
اسپیشل سیکیورٹی یونٹ کے مطابق 12 اور 14 فروری کو ہونے والے میچز کے دوران ایس ایس یو کے 620 کمانڈوز بشمول لیڈی کمانڈوز اپنے فرائض انجام دے رہے ہیں۔
اسپیشل سیکورٹی یونٹ نے بتایا کہ سیکیورٹی ڈویژن کے 1220، ٹریفک پولیس کے 1390، اسپیشل برانچ کے 280 اہلکار اپنے فرائض انجام دے رہے ہیں۔ یہ اہلکار نیشنل بینک کرکٹ اسٹیڈیم، کراچی ایئرپورٹ، روٹس، پارکنگ پوائنٹس، ہوٹلز اور دیگر مختلف مقامات پر مامورہیں۔ اس کے علاوہ ماہر نشانہ باز بھی حساس مقامات پر تعینات ہیں۔
ایس ایس یو کے مطابق جدید تربیت یافتہ کمانڈوز پر مشتمل ٹیم کسی بھی ہنگامی صورتحال سے نمٹنے کے لیے الرٹ رہے گی۔
ڈی آئی جی سیکیورٹی ڈاکٹر مقصود احمد نے بتایا کہ شائقین کرکٹ سے درخواست ہے کہ وہ سیکیورٹی اہلکاروں کے ساتھ مکمل تعاون کریں، میچ والے دن ٹریفک پلان کو فالو کریں تاکہ کسی قسم کی مشکلات سے بچا جا سکے۔
انہوں نے کہاکہ سیکیورٹی انتظامات کا مقصد تمام تماشائیوں کو محفوظ ماحول فراہم کرنا ہے، ایس ایس یو کی خصوصی کمانڈ اینڈ کنٹرول بس اسٹیڈیم کے اطراف امن و امان کی نگرانی کے لیے تعینات کی جائے گی۔ جبکہ نیشنل بینک اسٹیڈیم میں میچ دیکھنے آنے والے شائقین کے لیے پارکنگ کا انتظام کیا گیا ہے۔
ڈی آئی جی کے مطابق اسٹیڈیم کے اطراف تمام سڑکیں ٹریفک کی آمدورفت کے لیے کھلی رہیں گی، جبکہ اسٹیڈیم سے متصل چائنا گراؤنڈ میں گاڑیوں اور موٹر سائیکلوں کی پارکنگ کا انتظام کیا گیا ہے۔
انہوں نے مزید کہاکہ وی آئی پیز اور خصوصی پاسز کی حامل گاڑیوں کی پارکنگ اسٹیڈیم کے اندر رکھی گئی ہے، اسٹیڈیم میں داخلے کے لیے صرف مرکزی گیٹ اور گیٹ نمبر 12، 13 اور 14 استعمال کیے جا سکیں گے۔ صرف وی آئی پیز اور اسٹیکر/پاسز کی حامل گاڑیاں گیٹ نمبر 8 سے داخل ہوسکیں گی۔
ڈی آئی جی کے مطابق اسٹیڈیم کے احاطے میں سی این جی سلینڈر نصب شدہ گاڑیوں کے داخلے پر سخت پابندی ہوگی، نیشنل بینک اسٹیڈیم کے تمام گیٹ میچ کے شروع ہونے سے 3 گھنٹے پہلے کھول دیے جائیں گے، شائقین کرکٹ اسٹیڈیم میں داخل ہونے کے لیے اپنا اصل قومی شناختی کارڈ لازمی ہمراہ لائیں، جبکہ اصل میچ ٹکٹ کی ہارڈ کاپی کا ہونا لازمی ہے، آن لائن ٹکٹس پر اسٹیڈیم میں داخلہ ممکن نہیں ہوگا، آن لائن بکنگ کرانے والے ٹی سی ایس کے مقرر کردہ مراکز سے فزیکل ٹکٹس حاصل کر سکتے ہیں۔
ڈی آئی جی نے کہاکہ تماشائیوں کو اسٹیڈیم میں کھانے پینے کی کوئی بھی چیز لانے کی اجازت نہیں ہوگی، مشروبات، گلاس، پلاسٹک بوتلیں یا کوئی بھی نشہ آور اور ممنوع اشیا لانے کی اجازت نہیں ہوگی، کھانے پینے اور ریفریشمنٹ کی اشیا اسٹیڈیم کے اندر لگے اسٹالز پر دستیاب ہوں گی۔
یہ بھی پڑھیں سہ ملکی سیریز: قومی ٹیم میں تبدیلی سے متعلق بولنگ کوچ اظہر محمود کا اہم بیان
انہوں نے مزید کہاکہ ممنوعہ اشیا میں آتشی اسلحہ، کھلونا بندوق، دھماکا خیز مواد، آتشبازی اور سیگریٹ شامل ہیں، اس کے علاوہ میچ باکس، لائٹر، خواتین کے ہینڈ بیگ، تیز دھار اشیا، دھاتی لکڑی کی اشیا اندر لانا ممنوع ہیں، تمام تماشائیوں کو داخلی دروازوں پر سیکیورٹی چیکنگ سے گزارا جائے گا، اس کے علاوہ ڈرون کیمروں کے استعمال پربھی سخت پابندی ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان جامع سیکیورٹی پلان جنوبی افریقہ سہ ملکی سیریز کراچی میچز نیوزی لینڈ وی نیوز.ذریعہ: WE News
کلیدی لفظ: پاکستان جنوبی افریقہ سہ ملکی سیریز کراچی میچز نیوزی لینڈ وی نیوز سہ ملکی سیریز اسٹیڈیم میں اسٹیڈیم کے ایس ایس یو ڈی ا ئی جی کے مطابق کے دوران کے لیے
پڑھیں:
انجرڈ حارث رؤف کے متبادل کا فیصلہ کرلیا گیا
کراچی:انجری کا شکار ہونے والے تجربہ کار حارث رؤف کی جگہ نوجوان عاکف جاوید کو پاکستان اسکواڈ کا حصہ بنا لیا گیا۔
ذرائع کے مطابق خیبر پختون خواہ تعلق رکھنے والے 24 سالہ آل راؤنڈر عاکف جاوید سہ قومی ون ڈے سیریز کے اگلے دونوں میچز میں پاکستان اسکواڈ کا حصہ ہوں گے۔
بدھ کو نیشنل اسٹیڈیم میں جنوبی افریقہ کے خلاف کھیلے جانے والے میچ میں عاکف جاوید کی شرکت کا فیصلہ ٹیم منجمنٹ کرے گی۔
چھ فٹ ایک انچ کی قدوقامت والے عاکف جاوید بنگلہ دیش پریمیئر لیگ میں عمدہ کارکردگی کے سبب سلیکٹرز کی نظروں میں آئے، 2019 میں اپنا پہلا فرسٹ کلاس میچ کھیلنے والے عاکف جاوید قائد اعظم ٹرافی کے لیے بلوچستان اسکواڈ کا حصہ بنے۔
مزید پڑھیں، چیمپئنز ٹرافی اسکواڈ؛ سلیکشن کمیٹی بھی تبدیلی نہ کرنے پر بضد
رائٹ ہینڈ بیٹسمین اور لیفٹ آرم فاسٹ بولر عاکف جاوید نے اسی برس قومی ٹی ٹوئنٹی کپ میں بھی شرکت کی، 2020 میں ہی انہوں نے پی ایس ایل میں اسلام اباد یونائٹیڈ کی نمائندگی کی تھی، اگلے برس وہ سری لنکا ٹور کے لیے پاکستان شاہینز کا حصہ بنے تھے۔
عاکف جاوید کو لاہور قلندرز اور کراچی کنگز کی نمائندگی کا بھی اعزاز حاصل ہے، سہ قومی ون ڈے سیریز میں موقع ملنے پر وہ اپنا پہلا ون ڈے انٹرنیشنل بھی کھیل سکتے ہیں۔
آئی ایل ٹی 20کا فائنل اور بھی مشکل ہوگا، گلبدین نائب