منشا پاشا نے اپنی پہلی شادی کو زندگی کا سب سے مشکل وقت قرار دے دیا
اشاعت کی تاریخ: 11th, February 2025 GMT
پاکستانی اداکارہ منشا پاشا نے اپنی پہلی شادی کو اپنی زندگی کا سب سے مشکل ترین وقت قرار دیا ہے حال ہی میں ایک مارننگ شو میں شرکت کے دوران منشا پاشا نے اپنی زندگی کے چیلنجنگ لمحات پر بات کی اور پہلی شادی کے حوالے سے کھل کر گفتگو کی انہوں نے بتایا کہ پہلی شادی اور کالج کے دوران زندگی کے وہ ادوار تھے جب انہیں اپنے مستقبل کے بارے میں شدید بے یقینی کا سامنا تھا تاہم وقت گزرنے کے ساتھ انہوں نے سمجھا کہ یہی مشکلات انسان کی شخصیت کی نشوونما میں اہم کردار ادا کرتی ہیں منشا پاشا نے 2014-2015 کو اپنے لیے انتہائی مشکل وقت قرار دیا اس دوران وہ کام میں مصروف تھیں شادی شدہ زندگی گزار رہی تھیں اور ساتھ ہی ان کے والد کو کینسر کی تشخیص ہوئی جبکہ ان کی والدہ کو دل کا دورہ پڑا اداکارہ کا کہنا تھا کہ اس وقت ایسا لگ رہا تھا جیسے ان کی زندگی کا ہر چیز بکھر رہی ہو یاد رہے کہ منشا پاشا نے 2013 میں اسد فاروقی سے شادی کی تھی جو 2018 میں ختم ہوگئی اس کے بعد وہ معروف وکیل جبران ناصر کے ساتھ خوشگوار ازدواجی زندگی گزار رہی ہیں حیدرآباد میں پیدا ہونے والی اور کراچی میں پرورش پانے والی منشا پاشا نے ڈرامہ 'ہمسفر' میں معاون کردار کے ذریعے شوبز کی دنیا میں قدم رکھا اور بعد ازاں 'زندگی گلزار ہے'، 'شہر ذات'، 'محبت صبح کا ستارہ ہے' اور 'سراب' جیسے مشہور ڈراموں میں اپنی اداکاری کے جوہر دکھائے
.ذریعہ: Nawaiwaqt
کلیدی لفظ: منشا پاشا نے پہلی شادی
پڑھیں:
جب اللّٰہ کو منظور ہو گا تب دوسری شادی کر لوں گا: آغا علی
پاکستان شوبز انڈسٹری کے معروف اداکار و گلوکار آغا علی نے دوسری شادی کے حوالے سے لب کشائی کر دی۔
ان کا کہنا ہے کہ ابھی زخم بہت گہرا ہے، ایسا لوگوں کو لگتا ہے لیکن جب اللّٰہ کو منظور ہو گا تب دوسری شادی کر لوں گا۔
آغا علی نے حال ہی میں نجی چینل کے پروگرام میں شرکت کی، جہاں انہوں نے مختلف امور پر بات کرتے ہوئے دوسری شادی کا عندیہ بھی دے دیا۔
پروگرام کے دوران اداکار نے ناصرف میزبان کے بلکہ شرکاء کے سوالوں کے بھی جواب دیے۔
پروگرام میں شریک ایک خاتون نے ان سے سوال کیا کہا کہ آپ کی طلاق ہو گئی ہے تو کیا اب آپ دوباہ شادی کریں گے؟
خاتون کے سوال پر اداکار نے مبہم انداز میں جواب دیتے ہوئے دوسری شادی کا عندیہ دیا۔
انہوں نے کہا کہ ابھی زخم بہت گہرا ہے، ایسا لوگوں کو لگتا ہے لیکن ایسا ہے نہیں، فی الحال اس بارے میں سوچا نہیں ہے لیکن سوچنے سے کیا ہوتا ہے، میں نے تو طلاق کے حوالے سے بھی نہیں سوچا تھا لیکن ہو گئی، ہوتا وہی ہے جو اللّٰہ کو منظور ہو۔
آغا علی نے کہا کہ جب اللّٰہ کو منظور ہو گا تب دوسری شادی بھی کر لوں گا۔
انہوں نے کہا کہ آج کے دور میں کسی کو بھی اس بات سے فرق نہیں پڑتا کہ کون کیسا دکھائی دیتا ہے، اگر کسی چیز کی اہمیت ہے تو وہ کامیابی ہے، آپ کی اچھی و پُر کشش شخصیت کی کامیابی کے بغیر کوئی اہمیت نہیں ہے۔
یاد رہے کہ آغا علی نے 2020ء میں کورونا لاک ڈاؤن کے دوران ساتھی اداکارہ حنا الطاف کے ساتھ شادی کی تھی پھر 2022ء میں اس جوڑے کے درمیان علیحدگی کی خبریں گردش کرنے لگیں جنہیں پہلے تو آغا علی نے مسترد کر دیا تھا۔
بعد ازاں اس جوڑے نے اپنی علیحدگی کی خبروں پر مکمل خاموشی اختیار کی ہوئی تھی تاہم گزشتہ برس آغا علی نے ایک پوڈ کاسٹ کے دوران طلاق کی تصدیق کی تھی۔
معاشی شعبے میں بنیادی اصلاحات پر عمل پیرا ہیں، اہم کامیابیاں ملیں: وزیر خزانہ