خاتون جھلس کر جاں بحق، شوہر کا بھائی مقدمے میں نامزد
اشاعت کی تاریخ: 11th, February 2025 GMT
کراچی میں خاتون کے جھلس کر جاں بحق ہونے کے کیس میں شوہر کے بھائی کو نامزد کردیا گیا۔
پولیس کے مطابق کراچی کےعلاقے کورنگی میں خاتون کے جھلس کر جاں بحق ہونے اور بیٹا اور بیٹی کے زخمی ہونے کے کیس میں شوہرکے بھائی کو نامزد کردیا گیا۔
جان بحق خاتون گلشن کے شوہر راشد کی مدعیت میں قتل اور دیگر دفعات کے تحت مقدمہ درج کیا گیا۔ عوامی کالونی تھانے میں درج مقدمے میں مدعی کے بھائی دلاور کو نامز کیا گیا ہے۔ مدعی کے مطابق میرا اپنے بڑے بھائی دلاور سے گذشتہ 6 ماہ سے گھریلو تنازع چل رہا ہے۔ ماضی میں بھی بڑے بھائی سے کئی مرتبہ لڑائی جھگڑا ہوا۔ پیر کو دکان میں بیٹھا تھا کہ میرا بھائی دلاور پیٹرول کی بوتل لے کر زبردستی میرے گھر میں داخل ہوا۔
مدعی کے مطابق بھائی دلاور نے میری بیوی گلشن پر پیٹرول چھڑکا۔ بیٹی اسما نے بچانے کی کوشش کی تو اس پر بھی پیٹرول چھڑک دیا۔ دلاور نے پیٹرول چھڑکنے کے بعد دونوں کو آگ لگادی۔ اطلاع ملنے پر بیٹا موقع پر پہنچا تھا اور بیچ بچاؤ میں جھلس کر زخمی ہوا تھا۔ پولیس کا کہنا ہے کہ واقعے کے بعد ملزم دلاور فرار ہے جس کی گرفتاری کی کوشش جاری ہے۔
.ذریعہ: Express News
کلیدی لفظ: جھلس کر
پڑھیں:
خاتون مداح نے اربوں کی جائیداد سنجے دت کے نام کر دی
اپنی جاندار اداکاری اور پرفارمنس سے لاکھوں مداحوں کے دلوں میں گھر کرنے والے بالی ووڈ کے معروف اداکار سنجے دت کی ایک مداح ایسی بھی تھیں جنہوں نے مرنے سے قبل اربوں روپے کی جائیداد اداکار کے نام کر دی تھی۔بھارتی میڈیا رپورٹس کے مطابق سنجو بابا پرتعیش زندگی گزارتے ہیں اور ان کے اثاثوں کی مالیت 250 کروڑ بھارتی روپے ہے، تاہم 2018ء میں ایک انوکھا واقعہ پیش آیا۔
رپورٹس کے مطابق نشا پاٹل نامی مداح نے مرنے سے قبل اپنی 72 کروڑ بھارتی روپے (موجودہ 2 ارب 28 کروڑ سے زائد پاکستانی روپے) کی جائیداد اداکار کے نام وصیت کر دی تھی۔بھارتی میڈیا کے مطابق 2018ء میں سنجے دت کو پولیس کی جانب سے ایک کال موصول ہوئی، پولیس نے اداکار کو نشا پاٹل کی موت کے ایک روز بعد کال کرکے ان کی وصیت سے آگاہ کیا۔
پولیس نے اداکار کو بتایا کہ ان کی ایک پرستار نے موت سے قبل ان کے لیے 72 کروڑ روپے کی وصیت کی ہے، تاہم سنجے دت نے یہ رقم وصول کرنے سے انکار کر دیا۔سنجے دت کے مطابق میں نشا پاٹل کا جانتا نہیں، اس لیے میں یہ رقم وصول نہیں کر سکتا۔
62 سالہ نشا پاٹل کا تعلق ممبئی سے تھا، جنہوں نے قبل از موت اپنی تمام جائیداد، جس کی مالیت 72 کروڑ روپے تھی، سنجے دت کے نام کر دی تھی۔موذی مرض سے زندگی کی جنگ لڑنے والی مذکورہ پرستار نے اس کام کے لیے اپنے بینک کو کئی خطوط بھی تحریر کیے، جن میں انہوں نے اپنے تمام اثاثے سنجے دت کو منتقل کرنے کی درخواست کی تھی۔
ٹرمپ کے غزہ پر قبضے کے اعلان کے بعد اسرائیل کا فوج کو تیار رہنے کا حکم