ایڈ شیرین کے ارجیت سنگھ کے ساتھ موٹر سائیکل پر سیر سپاٹے، ویڈیو وائرل
اشاعت کی تاریخ: 11th, February 2025 GMT
برطانوی گلوکار ایڈ شیرین کے گلوکار ارجیت سنگھ کے ساتھ موٹر سائکل پر سیر کی ویڈیو سوشل میڈیا پر وائرل ہو رہی ہے۔
برطانوی گلوکار ایڈ شیرین ان دنوں اپنے ’میٹ ٹور‘ کے سلسلے میں بھارت میں موجود ہیں اور حال ہی میں انہوں نے بنگلورو میں دو کنسرٹس بھی کیے۔ تاہم ان کی بھارت میں موجودگی کا ایک خاص لمحہ اس وقت دیکھنے کو ملا جب وہ گلوکار ارجیت سنگھ کے ہمراہ مغربی بنگال کے ضلع مرشد آباد کے شہر جیان گنج میں نظر آئے۔
View this post on InstagramA post shared by ARIJITIAN FANS (@arijitianfans)
سوشل میڈیا پر وائرل ویڈیوز میں ارجیت سنگھ کو اسکوٹر چلاتے ہوئے دیکھا جا سکتا ہے، جبکہ ایڈ شیرین ان کے پیچھے بیٹھے ہوئے ہیں۔ ان کے ساتھ چند دوست بھی موجود تھے، جو اپنی اپنی اسکوٹرز پر شہر کی گلیوں میں گھوم رہے تھے۔ ان مناظر نے مداحوں کو حیران کر دیا اور تبصروں میں لوگ ارجیت کی سادگی کی تعریف کرتے ہوئے نظر آئے۔
View this post on InstagramA post shared by Ed Sheeran (@teddysphotos)
بھارتی میڈیا کے مطابق ایڈ شیرین اور ارجیت سنگھ نے تقریباً پانچ گھنٹے جیان گنج میں گزارے اور بعد میں بھاگیرتھی ندی میں ایک گھنٹے کی کشتی سواری بھی کی۔ ڈی آئی جی نے تصدیق کی کہ شیرین نے اضافی سیکیورٹی لینے سے انکار کیا تھا۔
یاد رہے کہ اس سے قبل ایڈ شیرین نے بنگلورو کی چرچ اسٹریٹ پر ایک مختصر پرفارمنس دی تھی، جو پولیس کی مداخلت کے باعث درمیان میں رک گئی تھی۔
.ذریعہ: Express News
کلیدی لفظ: ارجیت سنگھ ایڈ شیرین
پڑھیں:
ڈمپر نے ایک اور نوجوان کی جان لے لی بہن شدید زخمی
کراچی(اسٹاف رپورٹر) کراچی میں قومی شاہراہ پر ایک اور نوجوان کو ڈمپر نے کچل دیا ۔ کراچی میں بڑھتے ٹریفک حادثات کے پیشِ نظر سندھ حکومت نے دن کے وقت کراچی میں ڈمپروں کے داخلے پر پابندی لگادی، جس کے تحت ڈمپروں کو صرف رات 11 سے صبح 6 بجے تک کراچی شہر میں داخلے کی اجازت ہوگی،شاہ لطیف ٹائون میں تیز رفتار ڈمپر نے موٹر سائیکل سوار بہن بھائی کو ٹکر مار دی، حادثے میں موٹر سائیکل سوار24سالہ بھائی حسنین جاں بحق اور اس کی13 سالہ بہن حجاب شدید زخمی ہوگئی،زخمی کو ہسپتال منتقل کردیا گیا ۔ اس حوالے سے متوفی حسنین کے دوست سید عمیس کا کہنا تھا کہ زخمی ہونے والی 13 سالہ حجاب مارشل آرٹ کی کھلاڑی ہے اور اس نے مقابلے میں پہلی پوزیشن حاصل کی تھی۔ مقابلہ جیتنے کی خوشی میں حسنین اپنی بہن کو کھانا کھلانیلے جا رہا تھا کہ راستے میں حسنین کی موٹر سائیکل کو تیز رفتار ڈمپرنے ٹکر ماری۔ متوفی کے دوست سید عمیس نے بتایا کہ حسنین اور بہن حجاب لانڈھی کے رہائشی ہیں، متوفی والدین کا اکلوتا بیٹا اور دو بہنوںکابھائی تھا۔علاوہ ازیںکورنگی کریک روڈ پرواقع نجی بینک کے قریب تیزرفتارڈمپرکی ٹکرسے موٹرسائیکل سوار3 افراد کے جاں بحق ہونے کے واقعے کا مقدمہ زمان ٹاؤن تھانے میں ڈمپرڈرائیوراوراس کے مالک کے خلاف درج کرلیا۔مقدمہ قتل بالسبب، تیز رفتاری غفلت لا پروائی سے ڈمپرچلانے اوراملاک کو نقصان پہنچانے کی دفعات کے تحت مقدمہ ڈمپرکے نامعلوم ڈرائیوراورڈمپرکے مالک فیاض شاہ کے خلاف درج کیا گیا۔
ٹرمپ کا غزہ پر قبضے کا اعلان، اسرائیلی وزیر دفاع نے فوج کو تیار رہنے کا حکم دیدیا