پنجاب لوکل گورنمنٹ ایکٹ 2024ء آج منظور کیے جانے کا امکان
اشاعت کی تاریخ: 11th, February 2025 GMT
—فائل فوٹو
وزیرِ اعلیٰ پنجاب نے آج صوبائی کابینہ کا اجلاس طلب کر لیا جس میں پنجاب لوکل گورنمنٹ ایکٹ 2024 ء منظور کیے جانے کا امکان ہے۔
آج وزیرِ اعلیٰ پنجاب مریم نواز کی زیرِ صدارت ہونے والے کابینہ کے اجلاس میں بلدیاتی انتخابات کے انعقاد کے لیے لوکل گورنمنٹ ایکٹ 2024ء کی منظوری ایجنڈے میں شامل ہے۔
آج کے اجلاس میں لاہور میٹرو پولیٹن کارپوریشن کے لیے1 ارب روپے کی منظوری دیئے جانے کا امکان ہے۔
وزیرِ اعلیٰ پنجاب مریم نواز نے کہا ہے کہ پولیس چیک پوسٹوں پر حملہ کرنے والوں کو ایسا سخت جواب دیں کہ آئندہ حملے کی جراّت نہ کریں، پولیس چیک پوسٹوں کے درمیان پولیس پیٹرولنگ کا انتظام کیا جائے۔
اجلاس میں پنجاب موٹر وہیکل آرڈنینس 1965ء، پنجاب ڈرگ ایکٹ 2024ء میں ترمیم کی منظوری دیے جانے کا بھی امکان ہے۔
آج کے اجلاس میں پنجاب فرانزک سائنس ایجنسی کی مختلف رپورٹس پیش کی جائیں گی، نیز پنجاب انرجی ایفی شینسی ایجنسی کے قیام کی منظوری دیے جانے کا بھی امکان ہے۔
.ذریعہ: Jang News
کلیدی لفظ: اجلاس میں کی منظوری امکان ہے جانے کا
پڑھیں:
انجینئر رشید کو پارلیمنٹ کے اجلاس میں شرکت کیلئے 2 دن کی حراستی پیرول
ستمبر میں 2024ء کے جموں کشمیر اسمبلی انتخابات کے دوران جیل میں بند رکن پارلیمنٹ کو 21 دن کی عبوری ضمانت دی گئی تھی لیکن دوبارہ جیل بھیج دیا گیا۔ اسلام ٹائمز۔ دہلی ہائی کورٹ نے ممبر آف پارلیمنٹ انجینئر رشید کو پارلیمنٹ میں حاضری کے لئے حراستی پیرول دے دیا ہے۔ ان پر انٹرنیٹ استعمال کرنے یا میڈیا سے بات کرنے پر پابندی ہے۔ عدالت نے انجینئر رشید کو 11 اور 13 فروری کے لئے کسٹڈی پیرول منظور کیا ہے۔ انجینئر رشید کو ان کے موبائل فون اور انٹرنیٹ تک رسائی سے روک دیا گیا ہے۔ عدالت نے کہا "درخواست گزار کسی بھی شخص کے ساتھ بات چیت نہیں کرے گا سوائے اس کے پارلیمنٹ میں جانے کی اپنی محدود ذمہ داری کے استعمال کے، وہ میڈیا سے کسی بھی طرح سے خطاب نہیں کرے گا"۔ اس کیس کا فیصلہ گزشتہ ہفتے محفوظ کر لیا گیا تھا۔
عدالت نے انجینئر رشید کی جانب سے سینیئر ایڈووکیٹ این ہری ہرن اور نیشنل انویسٹی گیشن ایجنسی (این آئی اے) کی جانب سے سینیئر ایڈووکیٹ سدھارتھ لوتھرا کی دلیلیں سنیں۔ پپو یادو کیس کا حوالہ دیتے ہوئے ہری ہرن نے کہا کہ انجینئر رشید کو بھی اسی طرح حراستی پیرول پر رہا کرنے کی اجازت دی جا سکتی ہے۔ انہوں نے دلائل دیتے ہوئے کہا کہ آج تک انجینئر رشید پر کسی گواہ پر اثر انداز ہونے کا کوئی الزام نہیں لگا ہے۔ حراستی پیرول کی منظوری کی مخالفت کرتے ہوئے لوتھرا نے سریش کلماڈی کیس میں سپریم کورٹ کے فیصلے کا حوالہ دیا جس میں کہا گیا تھا کہ پارلیمنٹ میں حاضری کسی کا ذاتی حق نہیں ہے۔ انہوں نے کہا کہ کلماڈی کے فیصلے کے پیش نظر یہ ریلیف ممکن نہیں۔
تہاڑ جیل سے انتخابات میں حصہ لے کر انجینئر رشید نے 2024ء کے پارلیمانی انتخابات میں وزیراعلٰی عمر عبداللہ اور پیپلز کانفرنس کے صدر سجاد غنی لون کو دو لاکھ سے زائد ووٹوں کے بڑے فرق سے شکست دی ہے۔ نیشنل انویسٹی گیشن ایجنسی (این آئی اے) نے ان پر دہشت گردی کی فنڈنگ اور منی لانڈرنگ کا الزام لگایا ہے۔ ستمبر میں 2024ء کے جموں کشمیر اسمبلی انتخابات کے دوران جیل میں بند رکن پارلیمنٹ کو 21 دن کی عبوری ضمانت دی گئی تھی لیکن دوبارہ جیل بھیج دیا گیا۔ اس کے بعد سے وہ دہلی کی پٹیالہ ہاؤس کورٹ میں ضمانت کے لئے درخواستیں دائر کر رہے ہیں لیکن این آئی اے اس کی مخالفت کر رہی ہے۔ انجینئر رشید نے 28 اکتوبر 2024ء کو تہاڑ جیل میں خودسپردگی کی۔ 10 ستمبر 2024ء کو پٹیالہ ہاؤس کورٹ نے انجینئر رشید کو جموں و کشمیر میں انتخابی مہم میں حصہ لینے کے لئے 2 اکتوبر 2024ء تک عبوری ضمانت دے دی۔ اس کے بعد عدالت نے انجینئر رشید کی عبوری ضمانت میں دو بار توسیع کی تھی۔ انجینئر رشید کو این آئی اے نے 2016ء میں گرفتار کیا تھا۔
شادی کیلئے آئی امریکی خاتون کے ذہنی بیماری ’بائی پولر ڈس آرڈر‘ میں مبتلا ہونے کا انکشاف