وزیر داخلہ کا زیر تعمیر ایف۔8 انٹرچینج کا دورہ، 18 فروری تک کام مکمل کرنے کی ڈیڈ لائن
اشاعت کی تاریخ: 11th, February 2025 GMT
وفاقی وزیر داخلہ محسن نقوی نے ایف۔8 جناح ایونیو انٹرچینج پراجیکٹ کا دورہ کیا اور زیر تعمیر فلائی اوور کے فنشنگ ورک کا معائنہ کیا۔
محسن نقوی نے منصوبہ 18 فروری تک 100 فیصد مکمل کرنے کی ڈیڈ لائن دے دی۔
انہوں نے فلائی اوور کے نیچے رابطہ سڑکوں اور ہارٹیکلچر کا کام بھی جلد مکمل کرنے کی ہدایت کردی۔
یہ بھی پڑھیے: اسلام آباد ایف ایٹ چوک انٹرچینج کا افتتاح کب ہوگا، وزیر داخلہ نے بتا دیا
وفاقی وزیر داخلہ نے اس موقع پر پراجیکٹ پر کام کرنے والے مزدوروں سے ملاقات کی اور ان کی محنت کو سراہا، مزدوروں نے انہیں بتایا کہ وہ دن رات منصوبے کی تکمیل کے لیے کام کررہے ہیں۔
انہوں نے پراجیکٹ کے اطراف پڑے ملبے کو فوری طور پر ہٹانے کا حکم دیتے ہوئے کہا کہ منصوبے کے بیوٹیفیکشن ورک میں کوتاہی برداشت نہیں کی جائے گی۔
یہ بھی پڑھیے: سرینا چوک انٹرچینج تکمیل کے مراحل میں، افتتاح کب ہوگا؟
اس موقع پر ان کے ہمراہ وفاقی سیکرٹری داخلہ خرم علی آغا، چئیرمین سی ڈی اے محمد علی رندھاوا، آئی جی اسلام آباد پولیس علی ناصر رضوی، ڈپٹی کمشنر اسلام آباد عرفان میمن، کنٹریکٹر اور متعلقہ حکام بھی موجود تھے۔
دورے کے دوران پراجیکٹ ڈائریکٹر نے وزیرداخلہ کو منصوبے کی پیش رفت کے بارے میں بریفنگ دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف ایٹ انٹرچینج فلائی اوور محسن نقوی.ذریعہ: WE News
کلیدی لفظ: فلائی اوور محسن نقوی وزیر داخلہ
پڑھیں:
08 فروری 2024 کے انتخابات کو ایک سال مکمل،مسلم لیگ ن مدینہ نےمنایا یوم تشکر،پاکستان کی کامیابیوں کا سال قرار
مدینہ منورہ !! (نمائندہ نوائے وقت) 08 فروری کو پاکستان مسلم لیگ ن مدینہ منورہ نے یوم تشکر کے طور پر جاوید اقبال بٹ صدر مسلم لیگ ن کی قیادت میں 08 فروری 2024 کے انتخابات کو ایک سال مکمل ھونے پر منایا۔ عمران خان کا دور حکومت پاکستان کے لئے نحوست اور منحوست کا دور تھا۔ جو پاکستان کی خیر کی بجائے شر اور فساد کا دور تھا۔ جس پر اب بھی اس تحریک انصاف اور اس کی قیادت اسی ڈگر پر چل رہی ہے۔ جس کے مطابق سری لنکا بنتاہوا پاکستان، ڈیفالٹ ہوتا ہوا پاکستان، تین ٹکڑے ہوتا ہوا پاکستان، ایٹمی ہتھیاروں سے محروم ہوتا ہوا پاکستان جیسے بیانیئے شامل ہیں۔ پی ٹی آئی کی بچھائی ہوئی سرنگوں سے بچتا ہوا پاکستان جو اتحادی حکومت نے وفاق اور بالخصوص پنجاب میں وزیر اعلی مریم نواز شریف نے پسماندہ علاقوں سے جدید تر علاقوں تک بلا تفریق ترقی کے منازل طے کرتے ہوئے تعلیم ،طب ، صحت، مواصلات زراعت، انجینرنگ انفارمیشن اور ڈیجٹل ٹیکنالوجی سے ہر سرکاری دفتر کو مربوط کر دیا ہے۔ خواتین اور نوجوان طالبات کے لئے بہت سے منصوبے شروع کیئے ہیں ۔ تحریک انصاف جس کی خواہش تھی کہ ملک ڈیفالٹ ہو جائے اب کہتے ہیں ۔ ہاۓ اللہ بچ گیا پاکستان ،الحمد اللہ دشمن کےتمام تر گھٹیا نعرے اور ناپاک ارادے خاک میں جا ملے گئے۔ اب جس نے رونا ہے رولیں۔اب ملک کی سمت اور منزل کا تعین ہو چکا ہے خوشحالی ہر گھر دستک دے رہی ہے۔ روزگار عام ہو رہا ہے۔ مہنگائی پر قابو پایا جا چکا ھے اب ھر طرف جیوے جیوے پاکستان کی صدا اور استحکام پاکستان کے نعرے لگ رھے ھیں۔ اسلیئے8 فروری یوم تشکر منایا ھے
بنگلہ دیش: مظاہرین نے شیخ حسینہ کے گھر کو آگ لگا دی