پی ٹی آئی چیف الیکشن کمشنر اور 2ممبران کیلیے مختلف ناموں پر غور کر رہی ہے، بیرسٹر گوہر
اشاعت کی تاریخ: 11th, February 2025 GMT
اسلام آباد:
چیئرمین پی ٹی آئی بیرسٹر گوہر کا کہنا ہے کہ ہماری پارٹی چیف الیکشن کمشنر اور دو ممبران کے لیے مختلف ناموں پر غور کر رہی ہے۔
پی ٹی آئی انٹرا پارٹی کیس کی سماعت بعد میڈیا سے گفتگو میں چیئرمین پی ٹی آئی بیرسٹر گوہر نے کہا کہ چیف الیکشن کمشنر اور دو ممبران اپنی آئینی مدت پوری کر چکے ہیں۔
کیس سے متعلق بیرسٹر گوہر نے کہا کہ الیکشن کمیشن سے استدعا کی ہے کہ دلائل سے پہلے ہمارا ریکارڈ بازیاب کروایا جائے، پانچ میں سے چار درخواست گزاروں نے انٹرا پارٹی انتخابات میں کسی طور پر حصہ نہیں لیا تھا جبکہ پانچواں درخواست گزار جو اکبر ایس بابر کا ساتھی ہے اسے پارٹی سے بہت عرصہ قبل نکالا جا چکا ہے۔
درخواست گزار اکبر ایس بابر کا میڈیا سے گفتگو میں کہنا تھا کہ میری درخواست پر تاحال پی ٹی آئی نے تحریری جواب جمع نہیں کروایا، بیرسٹر گوہر نے آج الیکشن کمیشن کے ساتھ غلط بیانی کی۔
کیس کی سماعت
قبل ازیں، الیکشن کمیشن نے انٹرا پارٹی انتخابات کیس میں پی ٹی آئی کو جواب جمع کرانے کے لیے چار مارچ تک کی مزید مہلت دے دی۔
پی ٹی آئی انٹرا پارٹی کیس کی سماعت چیف الیکشن کمشنر کی سربراہی تین رکنی کمیشن نے کی۔ پی ٹی آئی کی طرف سے بریسٹر گوہر خان الیکشن کمیشن کے سامنے پیش ہوئے۔
دوران سماعت بیرسٹر گوہر نے کہا کہ انہوں نے جواب جمع کروایا ہے تاہم دلائل کے لیے وقت دیا جائے۔
چیف الیکشن کمشنر نے ریمارکس دیے کہ درخواست گزاروں کی جمع کروائی گئیں دستاویزات کی کاپیاں آپ لے لیں۔ بیرسٹر گوہر نے کہا کہ مارچ کے دوسرے ہفتے تک سماعت ملتوی کر دیں تاہم الیکشن کمیشن نے سماعت 4 مارچ تک ملتوی کر دی۔
الیکشن کمیشن کی جانب سے چیئرمین پی ٹی آئی بیرسٹر گوہر اور رؤف حسن کو نوٹس جاری ہوئے تھے جبکہ الیکشن کمیشن نے اکبر ایس بابر اور دیگر درخواست گزاروں کو بھی نوٹس جاری کیے تھے۔
دفعہ 144 کی خلاف ورزی کے کیسز کی سماعت
دوسری جانب، ڈسٹرکٹ اینڈ سیشن کورٹس اسلام آباد میں چیئرمین پی ٹی آئی بیرسٹر گوہر خان و دیگر کیخلاف دفعہ 144 کی خلاف ورزی کے کیسز کی سماعت ہوئی۔
جوڈیشل مجسٹریٹ تھانہ کراچی کمپنی شہزاد خان نے کیسز پر سماعت کی۔ بیرسٹر گوہر خان کی جانب سے حاضری سے استثنا کی درخواست دائر کی گئی۔
ملزمان کی بریت کی درخواستوں پر آج بھی دلائل نہ ہو سکے۔ عدالت نے کیسز کی سماعت بغیر کارروائی 3 مارچ تک ملتوی کر دی۔
بیرسٹر گوہر خان و دیگر کے خلاف تھانہ آئی 9 میں دو مقدمات درج ہیں۔
.ذریعہ: Express News
کلیدی لفظ: چیئرمین پی ٹی آئی بیرسٹر گوہر بیرسٹر گوہر نے کہا کہ چیف الیکشن کمشنر الیکشن کمیشن انٹرا پارٹی گوہر خان کی سماعت
پڑھیں:
اگر امریکی وفد کی تقریب کا دعوت نامہ ملتا تو ضرور جاتا، چیئر مین پی ٹی آئی
اسلام آباد(ڈیلی پاکستان آن لائن)پاکستان تحریک انصاف ( پی ٹی آئی ) کے چیئرمین بیرسٹر گوہر علی خان نے کہا ہے کہ امریکی وفد کی تقریب کا دعوت نامہ نہیں ملا اور اگر ملتا تو ضرور جاتا۔پیر کے روز میڈیا سے گفتگو کرتے ہوئے چیئرمین پی ٹی آئی بیرسٹر گوہر علی خان کا کہنا تھا کہ اس وقت تحریک انصاف کے کسی سے مذاکرات نہیں ہو رہے۔
پی ٹی آئی چیئرمین کا کہنا تھا کہ امریکی وفد کے ساتھ ملاقات کے حوالے سے میرے ساتھ کسی قسم کا رابطہ نہیں کیا گیا اور نہ ہی کوئی دعوت نامہ ملا ہے تاہم اگر ملتا تو ملاقات کے لیے ضرور جاتا۔بیرسٹر گوہر کا کہنا تھا کہ بانی پی ٹی آئی سے ملاقات کیلئے کمیٹی بنائی ہے اور ہم نے فیصلہ کیا ہے کہ لسٹ والے لوگ ہی اڈیالہ جیل ملاقات کیلئے جائیں۔ان کا مزید کہنا تھا کہ بانی پی ٹی آئی نے کہہ رکھا ہے کہ ملکی مفادات پر اتفاق ہونا چاہیے اور دوست ممالک کے سربراہان یا وفود آئیں تو آپ کو ساتھ دینا ہے۔
امریکی ارکان کانگریس کی بانی سے ملاقات سے متعلق میرے سامنے کوئی بات نہیں ہوئی:عاطف خان
مزید :
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار