پی ٹی آئی میں گروپنگ کی کوئی گنجائش نہیں: جنید اکبر
اشاعت کی تاریخ: 11th, February 2025 GMT
صدر پی ٹی آئی خیبر پختونخوا جنید اکبر کا کہنا ہے کہ تحریکِ انصاف میں گروپنگ کی کوئی گنجائش نہیں۔
پشاور میں صحافیوں سے غیر رسمی گفتگو کرتے ہوئے پاکستان تحریکِ انصاف (پی ٹی آئی) خیبر پختونخوا کے صدر جنید اکبر کا کہنا تھا کہ پارٹی میں رہنا ہے تو محنت کرنی ہوگی، محنت نہ کرنے والوں کا راستہ روکنے کے لیے ہر حد تک جاؤں گا۔
جنید اکبر نے کہا کہ صوابی جلسے میں توقعات سے زیادہ لوگ آئے تھے، صوابی جلسہ کامیاب تھا، عمران خان نے صوابی جلسے پر خوشی کا اظہار کیا ہے۔
انہوں نے مزید کہا کہ بانی پی ٹی آئی نے جلسے کے حوالے سے ایک پیغام بھیجا ہے، اگر کسی نے یہ کہا کہ مجھے فنڈز نہیں دیے گئے تو وہ سیاست چھوڑ کر دکان کھول لے۔
صدر پی ٹی آئی خیبر پختونخوا نے کہا کہ پیسوں سے سیاست کرنے والے لوگ پارٹی کے نام پر دھبہ ہوں گے، صوابی جلسے سے متعلق رپورٹس مانگی ہیں، جلسے میں کتنے لوگ آئے تھے اس کی رپورٹ ریجن کے صدور پانچ روز کے اندر دیں گے، غیر تسلی بخش کارکردگی والوں کو آگے جانے نہیں دوں گا۔
ان کا کہنا تھا کہ شکیل خان کے ساتھ اب بھی کھڑا ہوں، ان کے حق کے لیے بولوں گا کسی کو اچھا لگے یا برا، وہ ایک ایماندار شخص ہے۔
.ذریعہ: Jasarat News
کلیدی لفظ: جنید اکبر پی ٹی آئی کہا کہ
پڑھیں:
جنید اکبر کا صوابی جلسے میں عدم دلچسپی دکھانے والوں کے خلاف کارروائی کا اعلان
جنید اکبر کا صوابی جلسے میں عدم دلچسپی دکھانے والوں کے خلاف کارروائی کا اعلان WhatsAppFacebookTwitter 0 9 February, 2025 سب نیوز
پشاور: پاکستان تحریک انصاف (پی ٹی آئی) خیبر پختونخوا کے صدر جنید اکبر نے صوابی میں ہونے والے جلسے کو کامیاب قرار دیتے ہوئے پارٹی رہنماؤں اور کارکنوں کا شکریہ ادا کیا ہے۔ انہوں نے جلسے میں عدم دلچسپی دکھانے والے عہدیداران کے خلاف کارروائی کا اعلان بھی کیا ہے۔
تفصیلات کے مطابق اپنے بیان میں جنید اکبر نے کہا کہ جلسے کی تیاریوں میں عدم دلچسپی دکھانے والے عہدیداروں کے خلاف سخت کارروائی کی جائے گی۔ انہوں نے واضح کیا کہ تین دنوں کے اندر ایسے عہدیداروں کی نشاندہی کی جائے گی جو جلسے کے لیے لوگوں کو متحرک کرنے میں ناکام رہے۔
جنید اکبر کا کہنا تھا کہ کامیاب جلسے کے باوجود جو عہدیدار اور تحصیل چیئرمین متحرک نظر نہیں آئے، ان کے خلاف بھی کارروائی عمل میں لائی جائے گی۔ انہوں نے مزید کہا کہ ان افراد کے نام پارٹی کے بانی چیئرمین کو فراہم کیے جائیں گے تاکہ تنظیمی نظم و ضبط کو مزید مؤثر بنایا جا سکے۔
علاوہ ازیں، صدر پی ٹی آئی خیبرپختونخوا نے پارٹی عہدیداروں کو ہدایت کی ہے کہ وہ اس بارے میں رپورٹ جمع کروائیں کہ صوابی جلسے میں اپنے ساتھ کون کتنے لوگ لایا تھا۔
جنید اکبر نے کہا کہ پارٹی کے ڈسٹرکٹ صدور، جنرل سیکرٹری، تحصیل ناظمین تیں دن میں رپورٹ دیں کہ کون کتنے بندے لے کر آیا تھا۔
انہوں نے پارٹی عہدیداروں کو ہدایت کی کہ رپورٹ ریجنل صدر کے پاس جمع کریں، رپورٹ خود سوشل میڈیا پر بھی شیئر کریں اور میں بھی شیئر کروں گا۔
پی ٹی آئی کے کے صدر نے کہا کہ رپورٹس عمران خان کو دوں گا اور کسی کے ساتھ پارٹی میں زیادتی نہیں ہوگی۔
بنگلہ دیش: مظاہرین نے شیخ حسینہ کے گھر کو آگ لگا دی