کرکٹ میچز کے دوران کراچی کے شہریوں کے لیے خصوصی ٹریفک پلان جاری
اشاعت کی تاریخ: 11th, February 2025 GMT
پاکستان کی میزبانی میں سہ فریقی سیریز کے میچز 12 اور 14 فروری جبکہ آئی سی سی چیمپئیز ٹرافی کے میچز 19، 21 فروری اور یکم مارچ کو نیشنل اسٹیڈیم کراچی میں کھیلے جائیں گے۔
شہر قائد میں ان اہم ایونٹس کے دوران کراچی ٹریفک پولیس نے خصوصی ٹریفک پلان ترتیب دیا جس پر عمل کرکے شہری دوران سفر مشکلات سے بچ سکتے ہیں اور شائقین کرکٹ کو پارکنگ میں بھی دشواری کا سامنا نہیں ہوگا۔
ڈپٹی انسپکٹر جنرل آف پولیس ٹریفک کراچی کے دفتر سے جاری پریس ریلیز کے مطابق سر شاہ سلیمان روڈ دونوں اطراف سے ٹریفک کیلئے کھلا رہے گا۔ اس کے علاوہ شائقین کرکٹ کیلئے پارکنگ کیلئے خصوصی ٹریفک پلان مرتب کیا ہے ۔
یہ بھی پڑھیے: چیمپیئنز ٹرافی: کراچی میں شاہراہ فیصل سے متصل سروس روڈ پر گاڑیاں پارک کرنے پر پابندی عائد
پریس ریلیز میں بتایا گیا ہے کہ کارساز سے آنے والے شہری حبیب ابراہیم رحمت اللہ روڈ، اسٹیڈیم فلائی اوور کے نیچے سے ہوتے ہوئے سر شاہ سلیمان روڈ پر نیشنل کوچنگ سینٹر اور چائنا گراؤنڈ میں اپنی گاڑی پارک کرسکتے ہیں۔
ملینیم سے آنے والے شہریوں کو اسٹیڈیم روڈ (پیر صبغت اللہ شاہ راشدی روڈ) سے ہوتے ہوئے، اسٹیڈیم فلائی اوور کے نیچے سے دائیں جانب سر شاہ سلیمان روڈ پر نیشنل کوچنگ سینٹر اور چائنا گراؤنڈ میں اپنی گاڑیاں پارک کرنے کی ہدایت کی گئی ہے۔
نیوٹاؤن سے آنے والے شہریوں کو اسٹیدیم روڈ (پیر صبغت اللہ شاہ راشدی روڈ) سے ہوتے ہوئے آغا خان ہاسپٹل کے بعد بائیں جانب سر شاہ سلیمان روڈ پر نیشنل کوچنگ سینٹر اور چائنا گراؤنڈ میں گاڑیاں پارک کرنے کا انتظام کیا گیا ہے۔
یہ بھی پڑھیے: راولپنڈی میں پی ایس ایل میچز : ٹریفک پلان جاری
اس کے علاوہ سہراب گوٹھ سے نیپا، لیاقت آباد نمبر 10 سے حسن اسکوائر، پی پی چورنگی سے یونیورسٹی روڈ، کارساز سے اسٹیڈیم، ملینیم سے نیو ٹاؤن اور اسٹیڈیم سگنل سے حسن اسکوائر میں ہر قسم کی ہیوی ٹریفک کا داخلہ منع ہوگا۔
کراچی ٹریفک پولیس نے شہریوں سے گزارش کی ہے کہ وہ کسی بھی پریشانی سے بچنے کے لیے قانون نافذ کرنے والے اداروں اور ٹریفک پولیس سے تعاون کریں اور اپنی گاڑیوں اور موٹر سائیکلوں کو صرف اوپر بتائے گئے پارکنگ مقام پر ہی پارک کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پارکنگ ٹریفک چیمیئنز ٹرافی 2025 سہ فریقی سیریز کراچی کرکٹ.ذریعہ: WE News
کلیدی لفظ: پارکنگ ٹریفک چیمیئنز ٹرافی 2025 کراچی کرکٹ ٹریفک پلان روڈ پر
پڑھیں:
قذافی اسٹیڈیم میں چیئرمین پی سی بی اور میئر کراچی مرتضی وہاب کے درمیان ملاقات
خوبصورت ترین نئے قذافی اسٹیڈیم میں پاکستان اور نیوزی لینڈ کے درمیان سہ ملکی سیریز کے پہلے میچ میں چیئرمین پاکستان کرکٹ بورڈ محسن نقوی سے میئر کراچی مرتضی وہاب نے ملاقات کی۔
ملاقات میں کراچی میں سہ ملکی کرکٹ سیریز اور چیمپئنز ٹرافی ٹورنامنٹ کے انتظامات پر تبادلہ خیال کیا گیا۔
ملاقات میں نیشنل اسٹیڈیم کراچی میں میچز کے انعقاد اور شائقین کرکٹ کی سہولت کے لیے انتظامات کا جائزہ لیا گیا۔
چیئرمین پی سی بی محسن نقوی نے کراچی میٹرو پولیٹن کارپوریشن کی جانب سے کرکٹ ٹورنامنٹس کے انعقاد کے لیے بھرپور تعاون پر میئر کراچی مرتضی وہاب کا شکریہ ادا کیا۔
چیئرمین پی سی بی محسن نقوی اور میئر کراچی مرتضی وہاب نے پاکستان اور نیوزی لینڈ کے درمیان میچ بھی دیکھا۔
میئر کراچی مرتضی وہاب نے ریکارڈ مدت میں قذافی اسٹیڈیم مکمل کرنے پر چیئرمین محسن نقوی کو خراج تحسین پیش کیا اور کہا کہ واقعی محسن اسپیڈ کرکٹ میں نظر آ رہی ہے۔ویل ڈن محسن نقوی صاحب۔ انتہائی شاندار معیاری قذافی اسٹیڈیم دیکھ کر دل خوش ہو گیا ہے۔ قذافی اسٹیڈیم کو دنیا کا خوبصورت ترین اسٹیڈیم بنانے کا کریڈٹ آپ کو جاتا ہے۔
مرتضی وہاب نے قذافی سٹیڈیم کی رنگارنگ افتتاحی تقریب پر بھی چیئرمین پی سی بی محسن نقوی کو مبارکباد دی۔
چیئرمین پی سی بی محسن نقوی نے کہا کہ 10 اکتوبر سے 7 فروری تک کے کٹھن اور پیچیدہ کام کا خوبصورت اور یادگار اختتام ہوا۔اس سفر میں میرے شانہ بشانہ چلنے والے ہر شخص کا دل کی اتھاہ گہرائیوں سے شکریہ ادا کرتا ہوں۔اللہ تعالیٰ کا جتنا بھی شکر ادا کروں کم ہے۔
کراچی: ٹریفک حادثے میں نوجوان جاں بحق، 3 کمسن بہن بھائی زخمی