گورنر پختونخوا نے ’’ملازمین برطرفی قانون 2025‘‘ مسترد کردیا
اشاعت کی تاریخ: 11th, February 2025 GMT
ڈیرہ اسماعیل خان (صباح نیوز) گورنر خیبر پختونخوا فیصل کریم کنڈی نے عدالت عظمیٰ اور سندھ ہائیکورٹ کے فیصلوں کی روشنی میں خیبر پختونخوا حکومت کے’’ملازمین برطرفی قانون 2025‘‘ کو مسترد کرتے ہوئے بل میں ترامیم کا مطالبہ کردیا، انہوںنے کہا کہ صوبائی حکومت کا بل بنیادی حقوق کی خلاف ورزی ہے۔ ان خیالات کا اظہار انہوں نے کنڈی ماڈل فارم میں پریس کانفرنس کے دوران کیا۔ گورنر پختونخوا نے کہا کہ غیر قانونی بھرتیوں کے ذمہ دار افسران کیخلاف کارروائی کی سفارشات لیکشن کمیشن کی اجازت سے بھرتی ملازمین کو بل سے نکالا جائے، ملازمین کو اپیل کے حق سے محروم کرنا آئین کے آرٹیکل 10A کی خلاف ورزی ہے، ماضی میں کی گئی قانونی بھرتیوں کو کالعدم قرار دینا غیر آئینی ہے، صوبائی حکومت بل پر نظرثانی کرے ورنہ عدالتی چیلنجز کا سامنا کرنا پڑ سکتا ہے۔
.ذریعہ: Jasarat News
پڑھیں:
کاشتکار تنظیموں کے نمائندہ جرگہ کی گورنر فیصل کریم کنڈی سے ملاقات ، زرعی ٹیکس کا نفاذمستر د کر دیا
کاشتکار تنظیموں کے نمائندہ جرگہ کی گورنر فیصل کریم کنڈی سے ملاقات ، زرعی ٹیکس کا نفاذمستر د کر دیا WhatsAppFacebookTwitter 0 9 February, 2025 سب نیوز
ڈیرہ اسماعیل خان( محمد ریحان) کاشتکار تنظیموں کے نمائندہ جرگہ نے گورنر ہائوس پشاور میں زرعی ٹیکس کے نفاذ کے خلاف گورنر پختونخوا فیصل کریم کنڈی سے ملاقات کی ۔
وفد میں اتحاد کاشتکاران پختونخوا کے سینئر وائس چیئرمین دائود جان خان ، لیاقت یوسفزئی ، احمد جان کاکا ، جنرل سیکرٹری اسفندیار خان، شہاب خان، ٹوبیکو گرورز ایسوسی ایشن کے آذاد خان، نور محمد ، انور خان، بونیر سے ظاہر شاہ خان،بلاد اللہ خان ،کاشتکار کوارڈینیشن کونسل کے فریدواللہ کاکا ، ناصر خان ، محمد علی ڈاگیوال ،انجمن کاشتکاران کے اجمل شاہ روغانی، کسان بورڈ کے عبدالاکبر خان،جاوید خان ، فرہاد خان شیرگڑہ،ابرار اللہ محنت کش لیبر یونین اور صوبہ بھر سے دوسرے نمائند گان نے شرکت کی
اس موقع پر پیپلز پارٹی کے صوبائی صدر محمد علی شاہ باچا ،پی پی پی صوابی صدر علی خان، بلند اقبال ترکی بھی موجود تھے ۔ اجلاس میں مطالبہ کیا گیا ہے کہ خیبر پختونخوا گذشتہ 20 سالوں سے حالت جنگ میں ہے ،زراعت نقصان میں جا رہی ہے ۔ صوبے میں جنگ کی وجہ سے کیمیائی کھادوں پر دہشتگردی کی وجہ سے پابندی ہے ، گورنر سے مطالبہ کیا گیا کہ وہ اس بل پر دستخط سے انکار کریں ، گورنر فیصل کریم کنڈی نے وفد کو اپنے خطاب میں یقین دلایا کہ وہ صوبے کی کاشتکاروں کے مفادات کا دفاع کریں گے اور بہت جلد پختونخوا کاشتکاروں کا بڑا کنونشن پشاور گورنر ہائوس میں منعقد کرئیگی ۔ جس میں کاشتکاروں کے مسائل اور اس کے حل کیلئے عملی اقدامات کئے جائیں گے ۔
بدین،جماعت اسلامی سندھ کے ڈپٹی جنرل سیکرٹری عبدالقدوس احمدانی ضلعی امیر سید علی مردانشاہ اورعبدالکریم بلیدی کشمیر ریلی سے خطاب کررہے ہیں