پڈعیدن،نواحی علاقوں میں پولیس کاکریک ڈائون ،11 گرفتار
اشاعت کی تاریخ: 11th, February 2025 GMT
پڈعیدن( نمائندہ جسارت) نواحی علاقوں میں پولیس کا کریک ڈائون 11 ملزمان گرفتار 3 پستول، 10 رائونڈز کارتوسز، 12 بوتلیں شراب، بیٹری اور دیگر مسروقہ سامان برآمد،مقدمات درج۔تفصیلات کے مطابق محبت دیرو اور لاکھاروڈ تھانوں کی پولیس نے الگ الگ کارروائیوں میں 3 اشتہاریوں کو گرفتار کرلیا،گرفتار ملزمان مشرف قریشی، عبدالغفار ڈھکن اور عاشق خاصخیلی دہشتگردی اور اغوا سمیت سنگین نوعیت کے مقدمات میں اشتہاری تھے،ابڑان اور ہالانی تھانوں کی پولیس نے مختلف مقامات پر الگ الگ کارروائیوں میں سنگین نوعیت کے مقدمات میں مطلوب 3 ملزمان کو گرفتار کرلیا،دوران انٹروگیشن گرفتار ملزمان ارشاد سانگی سے ایک پستول 3 رائونڈ، محمد رمضان سولنگی سے ایک پستول4 رائونڈ اور طوطو/ میر دوست چانگ سے ایک پستول 3 کارتوسز برآمد کرکے سندھ آرمس ایکٹ کے تحت مزید مقدمات درج کرلیے گئے ہیں۔محرابپور اور نوشہروفیروز سٹی پولیس نے الگ الگ کارروائیوں میں 2 منشیات فروش ملزمان کو گرفتار کرلیا،گرفتار ملزمان ذاکر ملاح سے 10 بوتلیں وسکی شراب اور اویس خانزادہ سے 2 بوتلیں وسکی شراب برآمد کی گئی ہیں۔محبت دیرو پولیس نے چوری کے مقدمے میں مطلوب 3 ملزمان کو گرفتار کرلیا، دوران انٹروگیشن گرفتار ملزمان پیروں کولاچی، سجاد چنا اور امتیاز جوگی کی نشاندہی پر ایک بیٹری اور دیگر مسروقہ سامان بھی برآمد کیاہے۔
.ذریعہ: Jasarat News
کلیدی لفظ: کو گرفتار کرلیا گرفتار ملزمان پولیس نے
پڑھیں:
راولپنڈی: فاسٹ فوڈ چین پر ہنگامہ آرائی ، 48 گھنٹوں میں 10 ملزمان گرفتار
راولپنڈی (نیوز ڈیسک) تھانہ کینٹ کے علاقے میں واقع ایک نجی فاسٹ فوڈ چین کی برانچ پر ہونے والی ہنگامہ آرائی کے معاملے پر پولیس نے بروقت کارروائی کرتے ہوئے 48 گھنٹوں کے اندر واقعے میں ملوث 10 مرکزی ملزمان کو گرفتار کرلیا۔ سی پی او راولپنڈی سید خالد محمود ہمدانی نے ڈی ایس پی کینٹ کے ہمراہ پریس کانفرنس کے دوران واقعے کی تفصیلات سے آگاہ کیا۔
سی پی او نے کہا کہ پولیس نے دن رات محنت کرتے ہوئے سی سی ٹی وی فوٹیجز کی مدد سے ملزمان کی شناخت کی اور کارروائی کرتے ہوئے بارہ رکنی گروہ میں سے 10 افراد کو گرفتار کرلیا ہے۔ گرفتار ملزمان میں کامران، نسیم، توصیف، خضر، منصور، زاہد، آصف، عظمت، ناصر اور حمزہ شامل ہیں۔
سی پی او کا کہنا تھا کہ واقعے کے دوران ہنگامہ آرائی کی گئی، فوڈ چین کے عملے اور وہاں موجود فیملیز کو ہراساں کیا گیا، اور توڑ پھوڑ کے بعد ملزمان فرار ہوگئے تھے۔ پولیس نے فوری ردعمل کے تحت ان کی تلاش شروع کی اور کامیابی حاصل کی۔
انہوں نے مزید کہا کہ شہریوں کو تحفظ دینا پولیس کی اولین ترجیح ہے، خصوصاً فیملیز، ریسٹورینٹس، اور کمرشل ایریاز میں موجود لوگوں کو۔ مری روڈ، کمرشل ایریاز اور صدر میں روزانہ ہزاروں کی تعداد میں لوگ آتے ہیں اور ان کے لیے محفوظ ماحول فراہم کرنا ہماری ذمہ داری ہے۔
سی پی او نے واقعے میں ملوث افراد کو “شر پسند عناصر” قرار دیتے ہوئے کہا کہ ایسے افراد کے ساتھ آہنی ہاتھوں سے نمٹا جائے گا اور شہر کے امن کو خراب کرنے کی اجازت کسی کو نہیں دی جائے گی۔ انہوں نے اس بات پر زور دیا کہ مہذب معاشروں میں ایسے واقعات ناقابل قبول ہیں اور ان کے تدارک کے لیے علمائے کرام اور میڈیا کے ساتھ مل کر اقدامات کیے جا رہے ہیں، جن میں آگاہی سیمینارز بھی شامل ہوں گے۔
سی پی او نے واضح کیا کہ گرفتار افراد کا کسی سیاسی جماعت سے کوئی تعلق نہیں ہے، تاہم ایک شخص ٹک ٹاکر ہے جو مبینہ طور پر ایڈونچر کی نیت سے اس ہنگامے میں شامل ہوا۔
پولیس نے شہر بھر میں سیکیورٹی مزید سخت کر دی ہے اور ایسے تمام مقامات کی نگرانی بڑھا دی گئی ہے جہاں ایسے خطرات موجود ہو سکتے ہیں۔
بنگلا دیشی پرواز کی کراچی میں میڈیکل ایمرجنسی لینڈنگ