تمام سب ڈویژن میں کسٹمر کیئرسینٹر فعال کیے جائیں
اشاعت کی تاریخ: 11th, February 2025 GMT
حیدرآباد(اسٹاف رپورٹر)حیسکو ترجمان کے مطابقچیف ایگزیکٹیو آفیسر فیض اللہ ڈاہری کی میٹنگ کے دوران تمام افسران کو ہدایات دیتے ہوے کہا کہ تمام سب ڈویژن میںکسٹمر کیئر سینٹر فعال کئے جائیں، جدید ٹیکنالوجی کی مدد سے صارفین کی شکایات کو سنیں اور ان کو مروجہ قانون کے مطابق فوری حل کریں یہ آپ تمام کی اولین ذمہ داری ہے حیسکو انتظامیہ صارف دوست سروس کے تحت اپنے معزز عوام / صارفین کو بجلی کی بہتر ترسیل دینے کے ساتھ ساتھ ان کے بجلی سے متعلق جائز مسائل فوری حل کررنے کیلئے عمل کررہی ہے، ہم ایک ٹیم ہو کر حیسکو کی نیک نامی کے لئے کام کریں، جس میں چیف کمرشل، ڈی جی (ایم آئی ایس)،اور تمام ایس ایز، ایکسینز اور ایس ڈی او ز کا پابند کیا کہ ہر سب ڈویژن کی سطح پر کسٹمر کیئر سینٹر کو فعال کیا جائے ہم حیسکو ہیڈکوارٹر کی ٹیمیں کسی بھی وقت چیک کریں گے جس میں تمام چیف انجینئرز اورمیں خود بھی اچانک دورہ کروں گا جہاں کہیں بھی غفلت پائی گئی تو اس کا وہ خود ذمہ دار ہوگا ہمار ااولین کام ہے کہ صارف دوست سروس کے تحت صارفین کا اعتماد بحال کرنا ہے جس کے لئے حیسکو انتظامیہ نے رکن قومی اسمبلی /ممبر اسٹینڈنگ کمیٹی برائے انرجی / پاورسید وسیم حسین،BoDممبران کی معاونت سے حیسکو چیف ایگزیکٹیو آفیسر فیض اللہ ڈاہری کی ہدایات پر کھلی کچہریوں کا انعقاد کر رہی ہے، جس کو عوام نے بے حد سراہا ہے، حیسکو انتظامیہ کو بجلی چوری کے خاتمہ اور واجبات کی 100فیصد وصولی کو یقینی بنانے کے لئے DSUڈسکو سپورٹنگ یونٹ کی مدد حاصل ہے۔
اولمپیئن آصف باجوہ کوصدمہ
حیدرآباد(اسٹاف رپورٹر)اولمپیئن آصف باجوہ صدر پنجاب ہاکی ایسوسی ایشن و سابق سیکرٹری پاکستان ہاکی فیڈریشن کی والدہ کے اچانک انتقال پر حیدرآباد ڈسٹرکٹ ہاکی ایسوسی ایشن کے پیٹرن چیف ڈپٹی کمشنر حیدرآباد زین العابدین میمن، صدر سید وسیم حسین ایم این اے، سینئر نائب صدر جمیل احسن ،نائب صدور زوہیب شیخ غلام علی ،سیکرٹری انجینئر طاہر حبیب عابد ایس ڈی او حیسکو،جوائنٹ سیکرٹری اشفاق انصاری، محمد آصف خزانچی ،عقیل احمد ایگزیکٹو کمیٹی، افضل بیگ ،محسن رضا مظہر، ضیغام علی، زبیر حسین اور دیگر ممبران ارسلان محمد مسعود، مدثر عثمان، سید شعیب رضوی، ایڈوائزر تکریم افتخار اور میڈیا کوآرڈینیٹر انوار ندیم سمیت دیگر نے اپنے مشترکہ تعزیتی بیان میں آصف باجوہ سے تعزیت کرتے ہوئے اپنے گہرے دکھ اور افسوس کا اظہار کیا ہے اور دعا کی کہ اللہ رب العزت مرحومہ کو اپنی جوار رحمت میں جگہ عطا فرمائے اور آصف باجوہ سے دیگر لواحقین کو اس سانحہ ارتحال پر صبر وجمیل عطا فرمائے۔
ذریعہ: Jasarat News
پڑھیں:
اسلام آباد ہائی کورٹ کا آئندہ ہفتے کا ڈیوٹی روسٹر جاری
اسلام آباد (آن لائن)اسلام آباد ہائی کورٹ نے آئندہ ہفتہ کا ڈیوٹی روسٹر جاری کردیا،آئندہ ہفتے 13 سنگل اور 6 ڈویژن بنچ دستیاب ہوں گے، چیف جسٹس کسی ڈویژن بنچ کا حصہ نہیں ہوں گے،چیف جسٹس عامر فاروق سنگل بنچ میں کیسز کی سماعتیں کریں گے،چیف جسٹس کی منظوری سے رجسٹرارآفس نے10سے14 فروری تک کا روسٹر جاری کیا،روسٹر کے مطابق
پہلا ڈویژن بنچ جسٹس سردار محمد سرفرازڈوگر اور جسٹس محمد آصف پر مشتمل ہوگا،دوسراڈویژن بنچ جسٹس محسن اخترکیانی اور جسٹس سرداراعجازاسحاق خان پر مشتمل ہوگا۔ تیسرے ڈویژن بنچ میں جسٹس میاں گل حسن اورنگزیب اورجسٹس ثمن رفعت امتیاز شامل ہیں۔ چوتھے ڈویژن بنچ میں جسٹس طارق محمود جہانگیری اور جسٹس محمد اعظم خان شامل ہیں،پانچویں ڈویژن بنچ میں جسٹس بابرستار اور جسٹس ارباب محمد طاہر شامل ہیں،چھٹا ڈویژن بنچ جسٹس خادم حسین سومرو اور جسٹس انعام امین منہاس پر مشتمل ہوگا،چیف جسٹس کی منظوری سے سپیشل اور لارجر بنچ بھی دستیاب ہوگا۔
روسٹر جاری
بنگلادیش پریمیر لیگ ، پولیس نے فرنچائز مالک کو گرفتار کرلیا