نورا فتیحی کا نیا میوزک دھماکا! مداحوں کو بڑی خبر سنادی
اشاعت کی تاریخ: 10th, February 2025 GMT
نورا فتیحی جو اپنی انٹرنیشنل کامیابیوں کی بدولت دنیا بھر میں مشہور ہو چکی ہیں، اب گریمی ایوارڈ یافتہ تھیرون بیلی اور معروف پروڈیوسر ٹومی براؤن کے ساتھ اپنے نئے میوزک پروجیکٹ کی تیاری کر رہی ہیں۔
نورا فتیحی نے اپنے سوشل میڈیا پر ایک پوسٹ شیئر کی جس میں وہ ٹومی براؤن کے ساتھ موجود ہیں اور انہوں نے کیپشن میں لکھا، "اس طرح باس بیٹھتے ہیں! ہم کچھ بڑا بنا رہے ہیں… 2025 میں کچھ بڑا ہونے والا ہے!"
View this post on InstagramA post shared by Nora Fatehi (@norafatehi)
اس پوسٹ نے مداحوں میں بے حد جوش پیدا کر دیا ہے کیونکہ یہ ان کے عالمی میوزک کیرئیر میں ایک اور بڑی کامیابی ہو سکتی ہے۔
نورا فتیحی کا پچھلا گانا "اسنیک" زبردست ہٹ رہا تھا، جس میں جیسن درولو اور ٹومی براؤن بھی شامل تھے۔ یہ گانا 24 گھنٹوں میں سب سے زیادہ دیکھا جانے والا ویڈیو بنا اور اسپاٹیفائی گلوبل چارٹس میں ٹاپ 3 میں شامل ہوا۔
اس کے علاوہ، نورا نے زیک نائٹ، ری وینی اور سی کے (CKay) جیسے انٹرنیشنل اسٹارز کے ساتھ بھی کام کیا ہے، جو ان کے گلوبل میوزک کیریئر کی کامیابی کا منہ بولتا ثبوت ہے۔
ٹومی براؤن، جو اریانا گرانڈے اور جسٹن بیبر جیسے اسٹارز کے ساتھ کام کر چکے ہیں، نورا کے اس پروجیکٹ کو ایک منفرد رنگ دے سکتے ہیں۔ جبکہ تھیرون بیلی، جو برونو مارز اور روز (ROSÉ) جیسے بڑے گلوکاروں کے لیے ہٹ گانے لکھ چکے ہیں، اس پروجیکٹ میں مزید جان ڈال سکتے ہیں۔
نورا فتیحی کے اس نئے میوزک پروجیکٹ کی تفصیلات ابھی خفیہ ہیں لیکن مداح پہلے ہی پرجوش ہو چکے ہیں کہ یہ عالمی میوزک اسٹیج پر ان کا ایک اور بڑا قدم ثابت ہو سکتا ہے۔
.ذریعہ: Express News
کلیدی لفظ: نورا فتیحی ٹومی براؤن کے ساتھ
پڑھیں:
ککڑ خاندان میں دراڑ، سونو ککڑ نے نیہا اور ٹونی سے تعلقات ختم کردیے؟
موسیقی کی دنیا کا مشہور ککڑ خاندان آج ایک المناک موڑ پر کھڑا ہے۔ سونو ککڑ، جو نیہا ککڑ اور ٹونی ککڑ کی بڑی بہن ہیں، نے اچانک اپنے سوشل میڈیا پر ایک دل دکھانے والا اعلان کرتے ہوئے کہا کہ وہ اب ان کا اپنے بہن بھائیوں سے کوئی تعلق نہیں۔
سونو ککڑ کی جانب سے اپنی بہن نیہا اور بھائی ٹونی ککڑ سے لاتعلقی کا یہ اعلان ان کے مداحوں کےلیے پریشان کن ثابت ہوا ہے۔
12 اپریل 2025 کی شام کو سونو ککڑ نے اپنے مداحوں کے نام ایک جذباتی پیغام میں لکھا: ’’میں انتہائی دل گرفتگی کے ساتھ یہ اطلاع دے رہی ہوں کہ میں اب دو باصلاحیت سپر اسٹارز ٹونی ککڑ اور نیہا ککڑ کی بہن نہیں رہی۔ یہ فیصلہ میں نے گہرے جذباتی درد کے تحت کیا ہے۔‘‘
دلچسپ بات یہ ہے کہ سونو نے اس فیصلے کی کوئی واضح وجہ بیان نہیں کی، جس نے سب کو حیران کردیا۔
سوشل میڈیا پر اس اعلان کے بعد ہلچل مچ گئی۔ کچھ مداحوں نے سونو کے فیصلے کو سراہا تو کچھ نے اسے خاندانی ڈرامے کا حصہ قرار دیا۔ ایک صارف نے لکھا: ’’یہ پی آر اسٹنٹ ہوسکتا ہے، ککڑ فیملی ڈراموں کےلیے مشہور ہے‘‘، جبکہ دوسرے نے کہا: ’’ٹونی کو سپر اسٹار کون کہتا ہے سوائے بہن کے؟‘‘
یہ بات قابل ذکر ہے کہ نیہا ککڑ اور ٹونی ککڑ نے اب تک اس معاملے پر کوئی ردعمل نہیں دیا۔ سونو ککڑ، جنہیں ’’سن بالیے‘‘ گانے کی وجہ سے شہرت ملی، نے متعدد زبانوں میں اپنی آواز کا جادو جگایا ہے۔
اب سوال یہ ہے کہ کیا یہ محض ایک عارضی جذباتی ردعمل ہے یا پھر ککڑ خاندان میں واقعی کوئی گہری دراڑ پڑگئی ہے؟ کیا یہ تعلقات دوبارہ بحال ہوں گے یا پھر یہ خاندان ہمیشہ کےلیے بکھر جائے گا؟ فی الحال تو یہ راز سونو کے دل میں دفن ہے، اور تمام مداحوں کی نظریں اس خاندان کے اگلے قدم پر لگی ہوئی ہیں۔
خلیل الرحمان ہنی ٹریپ کیس کی سماعت کل تک ملتوی