جائیداد کیلیے 86 سالہ صنعت کار کو پوتے نے موت کے گھاٹ اتار دیا
اشاعت کی تاریخ: 10th, February 2025 GMT
دولت کے لیے انسان کیا نہیں کرتا؟ اس معاملے میں وہ کسی بھی حد سے گزرنے کے لیے تیار رہتا ہے۔ کچھ ایسا ہی بھارت کے شہر حیدرآباد میں بھی ہوا۔ امریکا میں اعلیٰ تعلیم پانے والے ایک 29 سالہ بزنس مین نے جائیداد کے تنازع پر اپنے دادا کو چاقو کے 70 وار کرکے موت کے گھاٹ اتار دیا۔
86 سالہ ویلامتی چندرا شیکھر حیدرآباد کا معروف صنعت کار تھا۔ اُن نے نصف صدی سے بھی زائد مدت تک انتہائی محنت کے ذریعے ایک صنعتی سلطنت کھڑی کی جس میں سے پوتا حصہ مانگ رہا تھا اور نہ ملنے پر بہت زیادہ مشتعل ہوگیا۔ جب اُس نے دیکھا کہ دادا تو کچھ دینے کے لیے تیار ہی نہیں ہیں تو اُس نے سب کچھ بھلاکر صرف دولت کے حصول کو یاد رکھا اور چاقو سے دادا پر حملہ کردیا۔ وہ بوڑھے دادا پر وار پر وار کرتا گیا اور کسی میں اُسے روکنے کی ہمت پیدا نہ ہوئی۔
اس انسانیت سوز واردات سے قبل 29 سالہ کِلارو کیرتھی تیجا اور اُس کے دادا ویلجن گروپ کے چیئرمین ویلامتی چندرا شیکھر راؤ کے درمیان تند و تیز بحث ہوئی۔ بحث کی گرما گرمی کے دوران پوتا اپنے غصے پر قابو نہ پاسکا اور دادا پر پِل پڑتا۔ اِس سے پہلے کہ لوگ روکنے کے لیے آگے بڑھتے چاقو کے وار اپنا کام کرچکے تھے۔
ذرائع نے بتایا کہ دادا نے پوتے کو آبائی جائیداد میں حصے کے طور پر چار کروڑ روپے دیے تھے تاہم وہ بضد تھا کہ اُسے بہت کم ملا ہے، مزید دیا جانا چاہیے۔
.ذریعہ: Jasarat News
کلیدی لفظ: کے لیے
پڑھیں:
خاتون مداح نے اربوں روپے کی جائیداد سنجے دت کے نام کردی
بالی وڈ اداکار سنجے دت کی خاتون مداح نے اربوں روپے کی جائیداد اداکار کے نام کردی۔
مداح اداکاروں کو اسٹارز بناتے ہیں اور مداح اپنے پسندیدہ اداکار سے ملنے کیلئے کچھ بھی کر گزرنے کو تیار ہوتے ہیں۔ مداحوں کی دیوانگی کئی بار اداکاروں کیلئے مشکل کھڑی کردیتی ہے لیکن اب ایک مداح کا ایسا عمل سامنے آیا ہے جس نے سب کو ہلا کر رکھ دیا۔
بھارتی میڈیا رپورٹس میں انکشاف ہوا کہ خاتون مداح مرنے سے قبل وصیت میں 72 کروڑ بھارتی روپے ( 2 ارب 29 کروڑ سے زائد پاکستانی روپے) کی جائیداد اپنے پسندیدہ اداکار سجنے دت کے نام کرگئیں۔
رپورٹس میں بتایا گیا کہ 2018 میں سنجے دت کے پاس خاتون مداح نشا پٹیل کے مرنے کے ایک دن بعد پولیس کا فون آیا اور بتایا کہ خاتون مداح نے اپنے بینک اکاؤنٹس اور جائیداد آپ کے نام کر رکھی ہے جس کی مالیت 72 کروڑ بھارتی روپے ہے۔
رپورٹس میں کہا گیا کہ نشا نے مرنے سے قبل وصیت میں ساری جائیداد میں سنجے دت کو نامزد کیا جس کی تصدیق اب ان کے وکیل نے بھی کردی ہے۔
ان کے وکیل نے بتایاکہ سنجے دت نشا کو نہیں جانتے اس لیے وہ اس جائیداد پر دعویٰ نہیں کریں گے اور بالکل بھی اس میں سے حصہ نہیں لیں گے۔
خیال رہے کہ سنجے دت 295 کروڑ بھارتی روپے مالیت کے اثاثے رکھتے ہیں، ان کے پاس ممبئی اور دبئی میں گھر ہیں اور ایک فلم کا 5 سے 8 کروڑ بھارتی روپے معاوضہ لیتے ہیں۔
ان کے پاس لگژری گاڑیاں بھی ہیں جن میں رولز روئس، رینج روور، فراری، اوڈی اور بی ایم ڈبلیو شامل ہیں جن کی مالیت کروڑوں میں ہے۔
ثانیہ مرزا کی بدولت بھینسوں کی دیکھ بھال کرنے والا کروڑ پتی کیسے بنا؟ جانیئے