صاحبہ نے شادی شدہ جوڑوں کو اہم مشورہ دے دیا
اشاعت کی تاریخ: 10th, February 2025 GMT
شوبز انڈسٹری کی اداکارہ صاحبہ نے شادی شدہ جوڑوں کو اہم مشورہ دے دیا۔اداکارہ صاحبہ پاکستانی فلم اور ڈرامہ انڈسٹری کا بڑا نام ہیں، وہ فلمی گھرانے سے تعلق رکھتی ہیں اور تین دہائیوں سے سامعین کے درمیان اب بھی موجود ہیں۔انہوں نے حال ہی میں انڈسٹری میں واپسی کی ہے اور ایک کے بعد ایک ڈرامے کی زینت بن رہی ہیں۔صاحبہ نے ہمیشہ کام سے پہلے اہلخانہ کو ترجیح دی، ریمبو کے ساتھ ان کی کیمسٹری بے مثال رہی اور دونوں نے فلموں میں ساتھ اداکاری کے جوہر بھی دکھائے۔صاحبہ نے حال ہی میں ایک شو میں شرکت کی جس میں ان کا کہنا تھا کہ جیسے ہی صحیح شخص مل جائے شادی کر لینی چاہیے۔اداکارہ کا کہنا تھا کہ خواتین چاہے کسی بھی پروفیشن سے تعلق رکھتی ہوں، زندگی میں ایک مقام ایسا آتا ہے کہ کیریئر سے بریک لینا ضروری ہوجاتا ہے۔انہوں شادی شدہ جوڑوں کو مشورہ دیا کہ اگر مرد وفادار رہے اور عورت عزت دار رہے تو شادی ناصرف دیرپا رہے گی بلکہ خوشگوار بھی ہوگی۔اداکارہ کا کہنا تھا کہ شادی کی کامیابی کے لیے ضروری ہے کہ مرد اپنی نظریں اور عورت اپنی زبان قابو میں رکھے۔انہوں نے انڈسٹری سے بریک لینے کی وجہ بتاتے ہوئے کہا کہ میں نے بچوں کی وجہ سے بریک لیا۔ان کا مزید کہنا تھا کہ میں اور افضل چاہتے تھے کہ بچوں کی تربیت میں کوئی کسر نہ رہ جائے۔اداکارہ کا کہنا تھا کہ شادی اور دونوں بچوں کے بعد تعلیم کی اہمیت کا انداز ہوا اسی لیے بچوں کی پیدائش کے بعد انٹر اور گریجویشن کیا۔صاحبہ نے بیٹے کے شوبز انڈسٹری میں آنے کے حوالے سے بتایا کہ کبھی سوچا نہیں تھا کہ وہ ہماری انڈسٹری میں قدم رکھے گا۔ان کا کہنا تھا کہ جب بیٹے نے اپنے فیصلے سے آگاہ کیا تو ہمیں بہت حیرانی ہوئی۔
.ذریعہ: Nawaiwaqt
کلیدی لفظ: کا کہنا تھا کہ
پڑھیں:
کاجول ائیرپورٹ پرانجلی بن گئیں
ممبئی (شوبز ڈیسک)بھارتی اداکارہ کاجول کا ساڑھی میں ملبوس ہو کر ائیر پورٹ پہنچنا سب کی توجہ کا مرکز بن گیا۔فلم بینوں میں ‘سمرن’ اور ‘انجلی’ کے نام سے مشہور اداکارہ کاجول نے بالی وڈ میں اپنے سفر کا آغاز 1992 میں ریلیز ہونے والی فلم ‘بے خودی’ سے کیا، تاہم ان کی پہلی ہٹ فلم 1993 میں ریلیز ہونے والی فلم ‘بازی گر’ ثابت ہوئی جس میں ان کے ہمراہ بالی وڈ کے کنگ خان شاہ رخ خان نے منفی کردار نبھایا تھا۔
اداکارہ نے اپنے فلمی کرئیر کے عروج پر شادی کا فیصہ لیا جو آج بھی اداکاراؤں کیلئے حیران کن ہے کیونکہ یہ مانا جاتا ہے کہ اگر کوئی اداکارہ شادی کرلے اس کی فین فالوونگ میں کمی آجاتی ہے اور کرئیر لاکھ کوشش کے باوجود تنزلی کا شکار ہوجاتا ہے، تاہم اس خیال کے باوجود کاجول کا شادی کا فیصلہ لینا ایک جرأت مندانہ اقدام تھا۔
بھارتی فلم نگری کی مقبول ترین فلم ’کبھی خوشی کبھی غم‘ اور ’کچھ کچھ ہوتا ہے‘ میں ‘انجلی‘ کا نٹ کھٹ کردار نبھانے والی اداکارہ کاجول بالی وڈ میں اپنی نٹ کھٹ و شوخ اداؤں اور منفرد ناز وانداز کے سبب سب کے دلوں پر راج کرتی ہیں
وہ جتنا فلمی دنیا میں اپنے کرداروں کے سبب مشہور ہیں اتنا ہی وہ حقیقی زندگی میں اپنے بے ساختہ بول پڑنے کی وجہ سے بھی پہچانی جاتی ہیں۔
اداکارہ کی سوشل میڈیا پر ائیرپورٹ لُک توجہ کا مرکز بنی ہوئی ہے جس میں عام شرٹ پینٹس یا کمفرٹیبل ڈریس کی جگہ دیسی پہناوا ساڑھی میں ملبوس نظر آئیں۔
کاجول نے سفید شیفون ساڑھی پہنی اور گلے میں چوکر پہن کر اپنے لُک کو کیجوئل کی بجائے فارمل رکھا جسکو دیکھ کر متعدد سوشل میڈیا صارفین نے یہ اندازہ لگایا کہ شاید کاجول کو ائیرپورٹ سے سیدھا کسی ایونٹ میں جانا ہے جس کی ڈیمانڈ یہ لُک ہے۔
کاجول کو ساڑھی پہنا دیکھ کر متعدد بالی وڈ متوالوں کو ’کچھ کچھ ہوتا ہے‘ کی انجلی یاد آگئی جو راہول کے ساتھ باسکٹ بال کھیلتے ہوئے اپنی ساڑھی میں الجھی ہوئی تھی لیکن خوبصورتی میں اپنی مثال آپ لگ رہی تھی۔
مزیدپڑھیں:ہماری منزل تیزی سے ترقی کرتا پاکستان ہے، شہباز شریف
آخری معرکہ! مایوس ہیں نہ محروم ہیں ہم