آئی ایم ایف پروگرام کے بعد میکرو اکنامک استحکام آیا ہے، وزیراعظم شہباز شریف
اشاعت کی تاریخ: 10th, February 2025 GMT
معاشی استحکام کا سفر طویل مشکل اور چیلنجز سے بھرپور ہے، شہباز شریف - فوٹو: اسکرین گریب
وزیراعظم شہباز شریف نے کہا ہے کہ آئی ایم ایف پروگرام کے بعد میکرو اکنامک استحکام آیا ہے۔
دبئی میں پاکستانی سرمایہ کاروں اور تاجروں سے گفتگو کرتے ہوئے شہباز شریف کا کہنا تھا کہ مکمل معاشی استحکام کے حصول کیلئے سفر جاری ہے، معاشی استحکام کا سفر طویل مشکل اور چیلنجز سے بھرپور ہے۔
انکا کہنا تھا کہ معاشی ترقی کیلئے اشاریے بہتر ہوئے ہیں۔ برآمدات میں اضافہ ہو رہا ہے، شرح سود میں نمایاں کمی ہوئی ہے، آئی ٹی برآمدات میں مسلسل اضافہ ہو رہا ہے۔
جنوری میں ترسیلات زر 3 ارب ڈالرز تک پہنچ چکی ہے جبکہ گزشتہ سال کے مقابلے میں برآمدات میں بھی اضافہ ہوا ہے۔
خیال رہے کہ وزیرِ اعظم شہباز شریف دو روزہ سرکاری دورے پر متحدہ عرب امارات پہنچے ہیں۔
نائب وزیرِاعظم اسحاق ڈار، وفاقی وزراء خواجہ آصف، احد چیمہ، محمد اورنگزیب، اویس لغاری، عطاءاللّٰہ تارڑ اور معاون خصوصی طارق فاطمی وزیراعظم کے ہمراہ موجود ہیں۔
.ذریعہ: Jang News
کلیدی لفظ: شہباز شریف
پڑھیں:
شہباز شریف بیلاروس پہنچ گئے، ایئرپورٹ پر پُرتپاک استقبال
بیلاروس کے صدر کی دعوت پر وزیراعظم 10 سے 11 اپریل 2025ء تک بیلاروس کا سرکاری دورہ کر رہے ہیں۔ مسلم لیگ نون کے صدر اور سابق وزیراعظم بھی بیلاروس کے دورے پر روانہ ہو گئے، پارٹی ذرائع کے مطابق وزیراعلیٰ پنجاب بھی ان کے ساتھ روانہ ہوئی ہیں۔ اسلام ٹائمز۔ وزیراعظم شہباز شریف 2 روزہ سرکاری دورے پر بیلاروس پہنچ گئے، منسک ایئرپورٹ پر بیلاروس کے وزیراعظم الیگزینڈر تورچن نے شہباز شریف کا پُرتپاک استقبال کیا۔ بیلاروس میں پاکستانی سفارتخانے کے حکام بھی وزیراعظم کے استقبال کیلئے ایئرپورٹ پر موجود تھے۔ نائب وزیراعظم و وزیر خارجہ اسحاق ڈار، وفاقی وزیر اطلاعات و نشریات عطاء اللہ تارڑ اور وزیراعظم کے معاون خصوصی طارق فاطمی وزیراعظم کے ہمراہ ہیں۔ بیلاروس کے صدر الیگزینڈر لوکاشینکو کی دعوت پر وزیراعظم شہباز شریف 10 سے 11 اپریل 2025ء تک بیلاروس کا سرکاری دورہ کر رہے ہیں۔
دریں اثنا مسلم لیگ نون کے صدر اور سابق وزیراعظم میاں نواز شریف بھی بیلاروس کے دورے پر روانہ ہو گئے، پارٹی ذرائع کے مطابق وزیراعلیٰ پنجاب مریم نواز شریف بھی ان کے ساتھ روانہ ہوئی ہیں۔ سینئر صوبائی وزیر مریم اورنگزیب، حسن نواز، چیف سیکرٹری پنجاب زاہد اختر زمان بھی بیلاروس کے لیے روانہ ہوئے ہیں جب کہ نواز شریف کے ذاتی معالج ڈاکٹر عدنان بھی بیلاروس جانے والے وفد میں شامل ہیں۔ سیکرٹری اطلاعات نون لیگ مریم اورنگزیب نے اپنے بیان میں بتایا تھا کہ نواز شریف آج بیلاروس جا رہے ہیں، مہمان وفد بیلاروس کے صدر کی جانب سے دیئے گئے عشائیے میں بھی شریک ہوگا۔
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ