قذافی اسٹیڈیم کے باہر پولیس اہلکار نے پی سی بی ملازم کو تھپڑ دے مارا
اشاعت کی تاریخ: 10th, February 2025 GMT
لاہور(سپورٹس ڈیسک)لاہور کے قذافی اسٹیڈیم کی سیکیورٹی پر مامور پولیس اہلکار نے پی سی بی ملازم کو تھپڑ دے مارا۔
نجی ٹی وی کے مطابق قذافی اسٹیڈیم میں آج نیوزی لینڈ اور جنوبی افریقا کے درمیان میچ کھیلا گیا اس دوران سیکیورٹی پر مامور پولیس اہلکار نے قذافی اسٹیڈیم کے ملازم پر مبینہ تشدد کیا۔
پولیس اہلکار نے پی سی بی کے ملازم کو تھپڑ مارا ہے، ڈیوٹی پر مامور دیگر اہلکاروں نے بیچ بچاؤ کروایا۔
پولیس اہلکار کی فوٹیج بھی منظرعام پر آئی ہے جس میں اسے پی سی بی ملازم کو تھپڑ مارتے دیکھا گیا۔
واضح رہے کہ حال ہی میں مزدوروں نے ریکارڈ وقت میں قذافی اسٹیڈیم کی تزئین و آرائش کا کام مکمل کیا جس کے بعد محسن نقوی نے تعمیر میں حصہ لینے والے ورکرز سے کیا وعدہ پورا کیا تھا۔
چیئرمین پی سی بی نے دو روز قبل ورکرز کے اعزاز میں ظہرانہ دیا تھا اور اس دوران اُن سے گپ شپ بھی لگائی تھی، مزدور نے موبائل نہ ہونے کے باعث ٹک ٹاک استعمال نہ کرنے کا اظہار کیا تھا۔
محسن نقوی نے دوران گفتگو اس مزدور سے موبائل لے کر دینے کا وعدہ بھی جو آج انہوں نے پورا کردیا تھا۔
ویڈیو پیغام میں ورکر نے موبائل فون لے کر دینے پر محسن نقوی کا شکریہ ادا کیا تھا اور کہا تھا کہ چیئرمین پی سی بی نے میرے دل کی خواہش پوری کردی۔
مزیدپڑھیں:چیمپئنز ٹرافی: بھارتی فاسٹ بولر جسپرت بمراہ اِن یا آؤٹ؟ بڑی خبر آ گئی
ذریعہ: Daily Ausaf
کلیدی لفظ: پولیس اہلکار نے قذافی اسٹیڈیم پی سی بی
پڑھیں:
وزیر داخلہ محسن نقوی کا امریکی وفد کے ہمراہ کرتارپور راہداری اور گوردوارہ دربار صاحب کا دورہ
اسلام آباد: وزیر داخلہ محسن نقوی نے امریکی کانگریس کے وفد کے ہمراہ کرتارپور راہداری اور گوردوارہ دربار صاحب کا دورہ کیا ہے جس کے دوران امریکی وفد نے بیساکھی میلے میں شرکت کی اور سکھ یاتریوں کیلئے کیے گئے انتظامات کو سراہا۔
وفاقی وزیرداخلہ محسن نقوی نے امریکی کانگریس مینز تھامس رچرڈ سوازی اور جوناتھن جیکسن کے ہمراہ کرتارپور کا دورہ کیا جبکہ وفد میں قائم مقام امریکی سفیر نیٹلی بیکر اور قونصل جنرل کرسٹن کے ہاکنز بھی شریک تھیں۔
محسن نقوی اور امریکی وفد کا درشنی ڈیوڑی کے باہر سکھ برادری کی سرکردہ شخصیات نے پرتپاک استقبال کیا اور پھول پیش کیے۔
محسن نقوی اور کانگریس مینز نے سکھ برادری کو بیساکھی میلے کی مبارکباد دی اور انہوں نے گوردوارہ صاحب میں بابا گرو نانک سے وابستہ مختلف اشیاء دیکھیں اور تاریخی کنواں کا بھی مشاہدہ کیا۔
وزیر داخلہ اور وفد کو گوردوارہ صاحب کے حوالے سے بریفنگ بھی دی گئی۔
دعائیہ تقریب میں شرکت کے بعد وفد کو روایتی طور پر سروپا پہنایا گیا اور کرپان پیش کی گئی۔
اس موقع پر بھارت سے آئے سکھ یاتریوں نے محسن نقوی اور امریکی وفد سے ملاقات کی اور تصاویر بھی بنوائیں جبکہ امریکی کانگریس مینز نے سکھ یاتریوں کیلئے کیے گئے انتظامات کو مثالی قرار دیا۔
اس موقع پر گفتگو کرتے ہوئے امریکی کانگریس مین ٹام سوزی نے کہا کہ بیساکھی واحد تہوار ہے جو پاکستان اور بھارت کو قریب لانے کا باعث بنتا ہے، دونوں ملکوں کی تاریخ صدیوں پر محیط ہے اور امید ہے ایک دن دونوں ملکوں کے بہترین تعلقات ہونگے۔
ان کا کہنا تھا کہ میں ایک امید لے کر آج یہاں آیا ہوں ، اس بیساکھی پر ہم اچھے مستقبل کیلئے دعاگو ہیں ، نئے سال کو نئے طریقے سے اور اچھے مستقبل کیلئے منانا چاہیے، پاکستان میں اپنے دوستوں کا شکریہ ادا کرتا ہوں اور سرحد کے اس پار اپنے دوستوں کو دھنے واد کہتا ہوں۔
Post Views: 3
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار