سنجے دت کی مداح جس نے اپنی 72 کروڑ کی جائیداد اداکار کے نام کر دی
اشاعت کی تاریخ: 10th, February 2025 GMT
بالی ووڈ کے معروف اداکار سنجے دت کے لاکھوں مداح ہیں، مگر 2018 میں انہیں اپنی مقبولیت کا ایک ایسا ثبوت ملا جس نے سب کو حیران کر دیا۔
ایک خاتون مداح نیشا پاٹل نے اپنی 72 کروڑ روپے کی جائیداد اداکار کے نام کر دی، حالانکہ وہ سنجے دت سے کبھی ملی بھی نہیں تھیں۔
نیشا پاٹل ممبئی کی رہائشی ایک 62 سالہ گھریلو خاتون تھیں، جو ایک مہلک بیماری میں مبتلا تھیں۔ انہوں نے بینک کو متعدد خطوط لکھے اور اپنی پوری جائیداد سنجے دت کے نام کرنے کی خواہش ظاہر کی۔
یہ خبر پولیس کے ذریعے سنجے دت تک پہنچی، جس پر وہ شدید حیرت میں مبتلا ہو گئے۔
سنجے دت نے یہ جائیداد لینے سے صاف انکار کر دیا اور کہا کہ وہ نیشا پاٹل کو ذاتی طور پر نہیں جانتے تھے اور اس خبر سے بہت زیادہ جذباتی ہو گئے ہیں۔
ان کے وکیل نے بھی تصدیق کی کہ اداکار جائیداد پر کوئی دعویٰ نہیں کریں گے اور اسے نیشا پاٹل کے اہل خانہ کو واپس کرنے کے لیے قانونی کارروائی کریں گے۔
سنجے دت نے چار دہائیوں پر مشتمل کامیاب کیریئر میں 135 سے زائد فلموں میں کام کیا ہے۔ 2023 میں وہ تھلاپتی وجے کے ساتھ فلم Leo میں نظر آئے تھے، جبکہ اب وہ ٹائیگر شروف کے ساتھ فلم Baaghi 4 کی تیاری کر رہے ہیں، جو 5 ستمبر 2025 کو سینما گھروں میں ریلیز ہوگی۔
.
ذریعہ: Express News
پڑھیں:
پی ایس ایل بمقابلہ آئی پی ایل؛ وارنر کی تنخواہ میں کتنا فرق ہے؟
پاکستان سپر لیگ (پی ایس ایل) کے 10ویں ایڈیشن کے مہنگے ترین کھلاڑی ڈیوڈ وارنر کی آئی پی ایل سے تنخواہ کا موازنہ کیا جانے لگا۔
ڈیوڈ وارنر پی ایس ایل کے 10ویں ایڈیشن میں کراچی کنگز کی بطور کپتان نمائندگی کریں گے، وہ رواں سیزن میں لیگ کے مہنگے ترین کھلاڑی ہونے کا اعزاز بھی رکھتے ہیں۔
کراچی کنگز نےڈیوڈ وارنر کو پلیٹینم کٹیگری میں 3 لاکھ ڈالر (8 کروڑ 41 لاکھ روپے سے زائد) کے معاوضے کے ساتھ اپنی ٹیم میں شامل کیا۔
مزید پڑھیں: کیا ڈیوڈ وارنر پریکٹس پچ پر ناراض ہوئے؟ میدان چھوڑ کر چلے گئے
تاہم آئی پی ایل کے سیزن 2024 میں انہیں 6.25 کروڑ روپے میں دہلی کیپیٹلز نے اپنے اسکواڈ کا حصہ بنایا تھا، جو پی ایس ایل کے مقابلے انکی دوگنی تنخواہ ہے۔
ڈیوڈ وارنر کیرئیر کے عروج یعنی 2019 سے 2021 کے دوران 12.5 کروڑ بھارتی روپوں میں فی سیزن بھی کھیل چکے ہیں۔
مزید پڑھیں: ڈیوڈ وارنر پی ایس ایل 10 کے مہنگے ترین کھلاڑی بن گئے
آسٹریلوی کرکٹر نے آئی پی ایل کیرئیر میں 184 میچز میں 6 ہزار 565 رنز بنائے جس میں انکی اوسط 36.63 رہی جبکہ اسٹرائیک ریٹ 140.5 رہا، جس میں 4 سینچریاں اور 60 نصف سنچریاں بھی شامل ہیں۔
مزید پڑھیں: بابراعظم، نسیم، صائم اور اعظم؛ کس سے شادی کرنا چاہتی ہیں؟
دوسری جانب پاکستان سپر لیگ (پی ایس ایل) میں کراچی کنگز کے کپتان کی آئی پی ایل کے مقابلے کم سیلری پر انہیں بھارتی فینز کی جانب سے طعنے دیے جارہے ہیں۔
ملتان، شہداء کی یاد میں چراغاں