وزارت مذہبی امورنےعمرہ زائرین کیلئے پولیو ویکسی نیشن لازمی قرار دیدی
اشاعت کی تاریخ: 10th, February 2025 GMT
عمرہ آپریٹرز اور ایئر لائنز کیلئے وزارت مذہبی امور کی جانب سے ہدایات نامہ جاری کر دیا گیا ۔
وزارت مذہبی امورکی جانب سے جاری کر دہ ہدایت نامے کے مطابق عمرہ زائرین کیلئے پولیو ویکسی نیشن لازمی قرار دیدی گئی بغیر پولیو ویکسین کے سعودی عرب جانے کی اجازت نہیں ہوگی،عمرہ زائرین روانگی سے 4 ہفتے قبل پولیو ویکسی نیشن کروا کر سرٹیفکیٹ حاصل کریں۔
جاری کر دہ ہدایت نامے کے مطابق پولیو ویکسین 6 ماہ سے زیادہ پرانی نہیں ہونی چاہیے،سختی سےعملدرآمد کی ہدایت کردی گئی،شرائط پر عمل نہ کرنے والے عمرہ زائرین کو آف لوڈ کیا جا سکتا ہے،تمام ادارے پولیو و یکسی نیشن کی شرط پر سختی سے عمل کرائیں، عمرہ زائرین کیلئےویکسی نیشن مراکز سے بروقت سرٹیفکیٹ لینا ضروری ہے۔
وزارت مذہبی امورکی جانب سے جاری کر دہ ہدایت نامے کے مطابق شرائط کی خلاف ورزی پر سخت قانونی کارروائی ہوگی۔
ذریعہ: Daily Mumtaz
پڑھیں:
سعودی ائیرلائن نے پاکستانی عمرہ زائرین کو آف لوڈ کردیا
لاہور : پاکستانی عمرہ زائرین کو پولیو ویکسین سرٹیفکیٹ نہ ہونے پر آف لوڈ کر دیا گیا، سعودی عرب نے مسافروں کیلئے پولیو ویکسین سرٹیفکیٹ ہونا لازم قرار دیا ہے۔
تفصیلات کے مطابق سعودی عرب جانے والے مسافروں کو پولیو ویکسین کے معاملے پر عمرے کی ادائیگی کیلئے جانیوالے متعدد زائرین کو سفر کی اجازت نہیں دی گئی۔ذرائع نے بتایا کہ لاہورایئرپورٹ پرسعودی عرب جانیوالے متعدد مسافروں کو بورڈنگ کارڈ جاری نہیں ہوئے اور پولیوویکسین سرٹیفکیٹ نہ ہونے پر مسافروں کو آف لوڈ کیا گیا۔ذرائع کا کہنا تھا کہ علامہ اقبال انٹرنیشنل ایئرپورٹ پر 100سے زائد عمرہ زائرین کو آف لوڈ کیا گیا. جس پر زائرین نے احتجاج کیا۔24گھنٹوں کے دوران ملک بھر کے ایئر پورٹ سے سیکڑوں مسافر آف لوڈ کیے گئے، کیونکہ سعودی ایوی ایشن گاکا کی جانب سے مسافروں کیلئے پولیو ویکسین سرٹیفکیٹ ہونا لازم قرار دیا ہے۔اس دوران اسپیکر پنجاب اسمبلی ملک احمد خان علامہ اقبال انٹرنیشنل ایئرپورٹ پہنچے تو عمرہ زائرین نے انہیں گھیر لیا اور شکایات کے انبار لگا دیے۔زائرین نے سعودی ایئر لائن کے افسران کی بدسلوکی اور اف لوڈ کیے جانے پر شدید احتجاج کیا۔مسافروں نے اسپیکر پنجاب اسمبلی کے سامنے مطالبہ کیا کہ انہیں فوری طور پر روانہ کرنے کے انتظامات کیے جائیں۔عمرہ زائرین نے ایئرپورٹ سے واپس جانے سے انکار کر دیا اور سعودی ایئر لائن کے رویے کے خلاف نعرے بازی کی۔
یاد رہے اس سے قبل سعودی عرب نے عمرہ یا حج کے لیے مملکت جانے والے پاکستانی مسافروں سے نیسیریا گردن توڑ بخار کی ویکسینیشن کی شرط ختم کردی تھی۔سعودی جنرل اتھارٹی آف سول ایوی ایشن (GACA) نے جمعرات کو مختلف ممالک کے مسافروں کے لیے ایک نیا سرکلر جاری کیا تھا۔
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط