آغا علی نے طلاق کے دو سال بعد دوسری شادی کا عندیہ دیدیا
اشاعت کی تاریخ: 10th, February 2025 GMT
لاہور(شوبز ڈیسک)مقبول اداکار آغا علی نے طلاق کے دو سال بعد دوسری شادی کا عندیہ دیتے ہوئے کہا ہے کہ لوگوں کا لگتا ہے کہ ان کا زخم ابھی بہت گہرا ہے لیکن ایسا نہیں۔
آغا علی نے حال ہی میں ’ نیوز 365’ کے پروگرام میں شرکت کی، جہاں انہوں نے مختلف معاملات پر کھل کر بات کی۔
پروگرام کے دوران انہوں نے انکشاف کیا کہ انہوں نے ’کراچی‘ کے نام سے ایک ڈرامے کی کہانی لکھ رکھی ہے لیکن ابھی تک اس پر ڈراما یا فلم بنانے کے حوالے سے کوئی پیش رفت نہیں ہوئی۔
انہوں نے اپنی گلوکاری پر بھی بات کی اور بتایا کہ فوری طور پر ان کا ایلبم ریلیز کرنے کا کوئی ارادہ نہیں جب کہ انہیں شروع سے ہی گلوکاری کا شوق تھا۔
خوبصورتی بڑھانے کے لیے حوالے سے میک اپ سرجریز کے سوال پر آغا علی نے دعویٰ کیا کہ انہوں نے کبھی کوئی میک اپ پراسیجر نہیں کروایا۔
ان کے مطابق چوں کہ انہیں جلد کی بیماری ’چمبل‘ ہے، اس لیے انہیں ڈاکٹرز نے پہلے سے ہی میک اپ سرجریز کروانے سے روک رکھا ہے۔
انہوں نے اعتراف کیا کہ بعض افراد نے انہیں ٹھوڑی کی سرجری کروانے کا مشورہ دیا تھا اور وہ اس حوالے سے ڈاکٹر کے پاس بھی گئے تھے لیکن انہوں نے سرجری نہیں کروائی۔
پروگرام کے دوران ایک خاتون مداح نے ان سے دوسری شادی سے متعلق سوال کیا، جس پر اداکار نے مبہم انداز میں دوسری شادی کا عندیہ دیا۔
آغا علی کا کہنا تھا کہ انہوں نے فی الحال ایسا کچھ نہیں رکھا لیکن ان کے سوچنے سے کیا ہوتا ہے، انہوں نے تو پہلی شادی کے ختم ہونے کا بھی نہیں سوچا تھا۔
اداکار نے کہا کہ بہت سارے لوگوں کو لگتا ہے کہ ان کا زخم ابھی بہت گہرا ہے، خدا نے ان کے نصیب میں جو لکھا ہے، وہی ہوگا اور انہیں معلوم نہیں کہ ان کے لیے کیا لکھا ہوا ہے؟
آغا علی کے مطابق ان کے ساتھ بہت کچھ ایسا ہوا جس کا انہیں علم نہیں تھا لیکن وہ سب چیزیں ان کے نصیب میں لکھی تھیں تو ان کے ساتھ ہوئیں اور خدا نے لکھا ہوگا تو وہ دوسری شادی بھی کریں گے۔
اداکار نے سوال کرنے والی خاتون کو کہا کہ اگر ان کے پاس کوئی رشتہ ہے تو وہ انہیں بتا سکتی ہیں اور اگر وہ انہیں بتانا چاہتیں تو پروگرام کے پروڈیوسر کو بتادیں، وہ اداکار کو بتادیں گے۔
خیال رہے کہ آغا علی نے پہلی بار اکتوبر 2024 میں اداکارہ حنا الطاف سے طلاق کی تصدیق کی تھی، بعد ازاں دسمبر 2024 میں اداکار نے بتایا تھا کہ ان کی طلاق ڈیڑھ سال قبل ہی ہوچکی تھی۔
آغا علی اور حنا الطاف نے کچھ عرصہ تعلقات میں رہنے کے بعد مئی 2020 میں شادی کی تھی اور 2022 میں ہی ان کے درمیان اختلافات کی خبریں سامنے آئیں اور بعد ازاں ان کی طلاق کی چہ مگوئیاں ہونے لگیں۔
طلاق کی خبریں ڈیڑھ سال تک پھیلنے کے بعد آغا علی نے اکتوبر 2024 میں پہلی شادی ختم ہونے کی تصدیق کی تھی اور اب انہوں نے دوسری شادی کا عندیہ بھی دے دیا۔
مزیدپڑھیں:’مہنگائی میں کمی ہو رہی ہے تو ایوان میں تنخواہوں میں اضافے کی کیا ضرورت ہے‘
ذریعہ: Daily Ausaf
کلیدی لفظ: دوسری شادی کا عندیہ ا غا علی نے اداکار نے انہوں نے کی تھی
پڑھیں:
افغانستان: غذائی قلت کا شکار بچے امریکی امداد کے بغیر موت کے خطرے سے دوچار
اسلام آباد (اُردو پوائنٹ ۔ DW اردو۔ 16 اپریل 2025ء) افغانستان کے دارالحکومت میں غذائی قلت کے علاج کے ایک مرکز میں بچوں کے رونے کی آوازیں اب نہیں آتیں کیونکہ امریکی امداد میں کٹوتی کی وجہ سے مریضوں کو واپس بھیج دیا گیا ہے اور طبی عملے کو فارغ کر دیا گیا ہے۔
مکمل طور پر واشنگٹن کی مالی اعانت سے چلنے والے اس منصوبے کو اس وقت بند کرنا پڑا جب امریکہ نے تمام غیر ملکی امداد منجمد کردی، ، جو حال ہی میں افغانستان میں سب سے زیادہ امداد فراہم کرنے والا ملک تھا۔
کابل کے مغرب میں کلینک کا انتظام سنبھالنے والی غیر سرکاری تنظیم ایکشن اگینسٹ ہنگر (اے سی ایف) کی کنٹری ڈائریکٹر کوبی رِیٹویلڈ نے کہا کہ اس مرکز میں بچوں کا اب علاج نہیں کیا جائے گا۔
(جاری ہے)
انہوں نے خبر رساں ادارے اے ایف پی کو بتایا، ''اگر ان کا علاج نہیں ہوا تو ان کی موت کا خطرہ بہت زیادہ ہے۔‘‘
نئی فنڈنگ کے بغیر، بچوں کے لیے کھلونوں اور دیگر اشیا کو ہٹا دیا گیا اور مارچ میں آخری مریض کے چلے جانے کے بعد فارمیسی کو بھی تالا لگا دیا گیا۔
چیف ڈاکٹر فرید احمد بارکزئی کے بقول، ''جب غذائی قلت کے مریض ہمارے کلینک میں آتے ہیں تو ہمارے عملے کے لیے یہ ایک بڑا چیلنج ہوتا ہے کہ وہ انہیں صورتحال کی وضاحت کریں اور انہیں بتائیں کہ انہیں مناسب علاج کے لیے کہیں اور جانا پڑے گا۔‘‘
اقوام متحدہ کے مطابق چار دہائیوں کی جنگ اور بحرانوں کے بعد افغانستان کو جنگ زدہ سوڈان کے بعد دنیا کے دوسرے سب سے بڑے انسانی بحران کا سامنا ہے۔
کلینک میں ہر ماہ اوسطاﹰ 65 بچوں کا علاج کیا جاتا تھا جو شدید غذائی قلت اور صحت کی پیچیدگیوں کا شکار ہوتے تھے۔
وہ اپنی ماؤں کے ساتھ کئی دنوں تک وہاں رہتے تاکہ نہ صرف انہیں کھانا کھلایا جا سکے بلکہ انہیں بیماری میں مبتلا ہونے سے بچایا جا سکے۔
ریٹویلڈ کے مطابق ''ہر انفیکشن جو ایک بچے کو ہو سکتا ہے، غذائی قلت کا شکار بچہ بھی اس کا شکار ہو جائے گا، جس سے مرنے کا خطرہ بڑھ جائے گا۔
‘‘ریٹویلڈ نے مزید کہا کہ عملے کے لیے، جو اپنے کام کے آخری دن مکمل کر رہا ہے''تکلیف دہ‘‘ ہے کہ ''انہیں ایسے مریضوں کو کہیں اور بھیجنا پڑتا ہے جہاں ان کے لیے خصوصی علاج موجود نہیں ہے۔‘‘
افغان آبادی غذائی قلت اور قحط کے دہانے پرافغانستان میں، جہاں 45 فیصد آبادی 14 سال سے کم عمر ہے، بچوں کی غذائی قلت سب سے اہم چیلنجوں میں سے ایک ہے کیونکہ یہ طویل مدت میں پوری نسل کو متاثر کرتا ہے۔
اقوام متحدہ کے مطابق پانچ سال سے کم عمر کے تقریبا 35 لاکھ بچے شدید غذائی قلت کا شکار ہیں۔
بالغ افراد بھی غذائی متاثر ہوئے ہیں اور 15 ملین افغان اس وقت غذائی عدم تحفظ کا شکار ہیں، جن میں سے 3.1 ملین پہلے ہی قحط جیسی صورتحال سے دو چار ہیں۔
گزشتہ ہفتے ورلڈ فوڈ پروگرام نے کہا تھا کہ امریکہ نے افغانستان میں اپنے کام کے لیے فنڈنگ بند کر دی ہے۔
(اے سی ایف) کی کنٹری ڈائریکٹر ریٹویلڈ کے مطابق، ''میرے دفتر میں لوگ رو رہے ہیں… ہم سنتے ہیں، مدد کی پیشکش کرتے ہیں، لیکن ہم انہیں نوکری نہیں دلا سکتے۔‘‘
ریٹویلڈ نے کہا کہ امریکی فنڈنگ کی بندش کے بعد، جو اے سی ایف کے مقامی بجٹ کا 30 فیصد بنتا ہے، یہ تنظیم ''تجاویز لکھنے کے عمل میں ہے‘‘ اور ''عطیہ دہندگان کے ساتھ تبادلہ خیال‘‘ کر رہی ہے: ''لیکن مجھے نہیں لگتا کہ دوسرے عطیہ دہندگان اس خلا کو پر کر سکتے ہیں۔‘‘
ادارت: شکور رحیم
پروفیسر اور طالبہ کا مکالمہ ‘چند مزید پہلو