خاتون مداح نے اربوں روپے کی جائیداد سنجے دت کے نام کردی
اشاعت کی تاریخ: 10th, February 2025 GMT
بالی وڈ اداکار سنجے دت کی خاتون مداح نے اربوں روپے کی جائیداد اداکار کے نام کردی۔
مداح اداکاروں کو اسٹارز بناتے ہیں اور مداح اپنے پسندیدہ اداکار سے ملنے کیلئے کچھ بھی کر گزرنے کو تیار ہوتے ہیں۔ مداحوں کی دیوانگی کئی بار اداکاروں کیلئے مشکل کھڑی کردیتی ہے لیکن اب ایک مداح کا ایسا عمل سامنے آیا ہے جس نے سب کو ہلا کر رکھ دیا۔
بھارتی میڈیا رپورٹس میں انکشاف ہوا کہ خاتون مداح مرنے سے قبل وصیت میں 72 کروڑ بھارتی روپے ( 2 ارب 29 کروڑ سے زائد پاکستانی روپے) کی جائیداد اپنے پسندیدہ اداکار سجنے دت کے نام کرگئیں۔
رپورٹس میں بتایا گیا کہ 2018 میں سنجے دت کے پاس خاتون مداح نشا پٹیل کے مرنے کے ایک دن بعد پولیس کا فون آیا اور بتایا کہ خاتون مداح نے اپنے بینک اکاؤنٹس اور جائیداد آپ کے نام کر رکھی ہے جس کی مالیت 72 کروڑ بھارتی روپے ہے۔
رپورٹس میں کہا گیا کہ نشا نے مرنے سے قبل وصیت میں ساری جائیداد میں سنجے دت کو نامزد کیا جس کی تصدیق اب ان کے وکیل نے بھی کردی ہے۔
ان کے وکیل نے بتایاکہ سنجے دت نشا کو نہیں جانتے اس لیے وہ اس جائیداد پر دعویٰ نہیں کریں گے اور بالکل بھی اس میں سے حصہ نہیں لیں گے۔
خیال رہے کہ سنجے دت 295 کروڑ بھارتی روپے مالیت کے اثاثے رکھتے ہیں، ان کے پاس ممبئی اور دبئی میں گھر ہیں اور ایک فلم کا 5 سے 8 کروڑ بھارتی روپے معاوضہ لیتے ہیں۔
ان کے پاس لگژری گاڑیاں بھی ہیں جن میں رولز روئس، رینج روور، فراری، اوڈی اور بی ایم ڈبلیو شامل ہیں جن کی مالیت کروڑوں میں ہے۔
ذریعہ: Daily Mumtaz
کلیدی لفظ: کروڑ بھارتی روپے خاتون مداح کے نام
پڑھیں:
گجرات میں اسکول پرنسپل نے ٹیچر پر تھپڑوں کی برسات کردی
بھارتی شہر گجرات میں ایک اسکول کے پرنسپل کی ٹیچر کو 18 بار تھپڑ مارنے کی سی سی ٹی وی سامنے آنے کے بعد وزارت تعلیم کے اعلیٰ حکام نے معاملے کا نوٹس لے کر تحقیقات شروع کر دیں۔
بھارتی میڈیا کی رپورٹ کے مطابق یہ واقعہ نویوگ اسکول میں پیش آیا جہاں پرنسپل نے استاد پ تھپڑوں کی بارش کردی، مبینہ طور پر یہ معاملہ ریاضی اور سائنس کے مضامین سے متعلق استاد کی کارکردگی کے حوالے سے شکایات سے پیدا ہوا تھا۔
پرنسپل نے استاد پر کلاس میں نامناسب رویے اور زبانی بدسلوکی کا الزام لگایا جب کہ استاد نے کہا کہ پرنسپل نے اسکول میٹنگ کے دوران غصے میں اس پر حملہ کیا۔
ویڈیو کے سوشل میڈیا پر وائرل ہونے کے بعد ڈسٹرکٹ ایجوکیشن افسر نے واقعے کی تحقیقات کا حکم دیا، کسی قسم کی کارروائی کرنے سے قبل ایجوکیشن انسپکٹر معاملے کے حوالے سے اپنی رپورٹ پیش کرے گا۔
رپورٹ کے مطابق میٹنگ کے دوران دونوں افراد نے ایک دوسرے پر الزامات لگائے، استاد نے دعویٰ کیا کہ پرنسپل نے طلبا سے اپنے پیروں کی مالش کرائی جب کہ پرنسپل نے الزام لگایا کہ استاد نے طلبہ کو اپنے گھر بلایا۔
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط