کراچی کے کوٹے پر دیگر صوبوں کے 100 سے زائد طلبہ کو داخلے دیے گئے: ترجمان ایم کیو ایم
اشاعت کی تاریخ: 10th, February 2025 GMT
اپنے بیان میں ترجمان ایم کیو ایم پاکستان نے کہا ہے کہ غیر قانونی کام کو قانونی بنانے کے لیے ضلع شرقی و دیگر اضلاع کے جعلی ڈومیسائل بنائے جا رہے ہیں، کراچی کا مستقبل پاکستان کا مستقبل ہے جسے سندھ کے متعصب حکمران تباہ کر رہے ہیں۔ اسلام ٹائمز۔ متحدہ قومی موومنٹ پاکستان کے ترجمان کا کہنا ہے کہ میڈیکل کالجز میں کراچی کے کوٹے پر اندرونِ سندھ، پنجاب اور دیگر صوبوں کے 100 سے زائد طلبہ کو داخلے دیئے گئے۔ ترجمان ایم کیو ایم نے اپنے بیان میں کہا ہے کہ ایک بار پھر کراچی کے طلبہ کے ساتھ کھلی زیادتی کی جا رہی ہے۔ اُنہوں نے بتایا کہ کراچی کے طلبہ کے لیے میڈیکل کالجز میں مخصوص کوٹہ اندرونِ سندھ کو دینے کا منصوبہ ہے۔ ترجمان ایم کیو ایم نے مزید بتایا کہ غیر قانونی کام کو قانونی بنانے کے لیے ضلع شرقی و دیگر اضلاع کے جعلی ڈومیسائل بنائے جا رہے ہیں۔
اُنہوں نے کہا کہ دیگر جامعات میں مقامی ضلع اور شہر کے طلبہ کو ترجیحی بنیادوں پر داخلے دیئے جاتے ہیں لیکن کراچی وہ واحد شہر ہے جہاں ترجیحی بنیادوں پر غیر مقامی طلبہ کو داخلے دیئے جا رہے ہیں۔ ترجمان ایم کیو ایم نے کہا کہ کراچی کا مستقبل پاکستان کا مستقبل ہے جسے سندھ کے متعصب حکمران تباہ کر رہے ہیں۔ اُنہوں نے مطالبہ کیا کہ چیف جسٹس کراچی کے طلبہ کو انصاف فراہم کرنے کے لیے سو موٹو ایکشن لیں۔
ذریعہ: Islam Times
کلیدی لفظ: ترجمان ایم کیو ایم کا مستقبل کراچی کے طلبہ کو کے طلبہ رہے ہیں کے لیے
پڑھیں:
عمرہ ویزے پر سعودی عرب میں داخلے کا آخری دن
سعودی عرب کی وزارت حج و عمرہ نے اعلان کیا ہے کہ 13 اپریل کو عمرہ زائرین کے سعودی عرب میں داخلے کا آخری دن ہوگا۔
یہ بھی پڑھیں:سعودی عرب کا حج ویزا کے بغیر مکہ شہر میں داخلے پر پابندی کا فیصلہ
اے پی پی نیوز سروس کے مطابق سعودی وزارت نے کہا ہے کہ یکم ذوالقعدہ بمطابق 29 اپریل 2025 کو عمرہ زائرین کی سعودی عرب سے روانگی کی آخری تاریخ ہوگی۔
وزارت نے واضح کیا ہے کہ اس تاریخ کے بعد سعودی عرب میں قیام غیر قانونی تصور ہوگا اور اس پر سزا لاگو ہوگی۔
وزارت نے افراد، عمرہ کمپنیوں اور اداروں پر زور دیا ہے کہ وہ مقررہ وقت پر زائرین کی روانگی کے لیے تمام ضوابط اور ہدایات کی پابندی کریں۔
وزارت نے خبردار کیا ہے کہ روانگی میں تاخیر خلاف ورزی تصور کی جائے گی۔ وزارت نے کہا ہے کہ اگر عمرہ کمپنیاں زائرین کی تاخیر کی اطلاع نہیں دیتیں تو ان پر ایک لاکھ ریال تک کا جرمانہ عائد کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آخری دن سعودی عرب عمرہ ویزا
ترجمان سندھ حکومت کا مریم اورنگزیب کے بیان پر ردعمل