چیمپیئنز ٹرافی؛ جسپریت بمراہ کی بھارتی اسکواڈ میں شمولیت سے متعلق اہم پیشرفت
اشاعت کی تاریخ: 10th, February 2025 GMT
کراچی:
چیمپیئنز ٹرافی 2025 کے لیے بھارتی ٹیم کے فاسٹ بولر جسپریت بمراہ کی اسکواڈ میں شمولیت سے متعلق اہم پیشرفت سامنے آگئی۔
کرکٹ کی سب سے بڑی ویب سائٹ کرک انفو کے مطابق انٹرنیشل کرکٹ کونسل (آئی سی سی) میں حتمی اسکواڈ جمع کرانے کی آخری تاریخ 11 فروری ہے۔ جسپریت بمراہ کی فٹنس سے متعلق صورتحال اب تک غیر یقینی ہے۔
کرک انفو کے علم یہ بات آئی ہے کہ حال ہی میں بنگلور میں بی سی سی آئی کے سینٹر آف ایکسی لینس میں جسپریت بمراہ کی کمر کا اسکین ہوا ہے جس پر میڈیکل اسٹاف کسی قسم کے فیصلے سے قبل سلیکٹرز اور بھارتی ٹیم منیجمنٹ کے ساتھ مشاورت کرے گا۔
مزید پڑھیں؛ چیمپئنز ٹرافی سے قبل انگلش ٹیم کو دھچکا لگنے کا خدشہ
بھارتی بورڈ نے 18 جنوری کو چیمپیئنز ٹرافی کے لیے 15 رکنی اسکواڈ کا اعلان کیا تھا جس میں فاسٹ بولر جسپریت بمراہ کو بھی شامل کیا گیا تھا لیکن انگلینڈ کے خلاف حالیہ ون ڈے سیریز میں بمراہ نے کوئی بھی میچ نہیں کھیلا۔
احمد آباد میں کھیلے گئے سیریز کے آخری ون ڈے میں امید ظاہر کی جا رہی تھی کہ بمراہ ٹیم کا حصہ بنیں گے لیکن فاسٹ بولر طبی معائنے کے لیے بنگلور چلے گئے۔
مزید پڑھیں؛ چیمپیئنز ٹرافی کے میچز دبئی جا کر دیکھنے والے شائقین کیلیے خوشخبری
چیمپیئنز ٹرافی کے لیے اگر جسپریت بمراہ کو شامل نہیں کیا گیا تو ان کی جگہ انگلینڈ کے خلاف دو ون ڈے میچز کھیلنے والے ہرشیت رانا کو اسکواڈ کا حصہ بنایا جا سکتا ہے۔
واضح رہے کہ گواسکر بارڈر ٹرافی کے آخری ٹیسٹ میچ کے دوران جسپریت بمراہ انجری کا شکار ہوگئے تھے۔ انہوں نے گواسکر بارڈر ٹرافی کے بعد اب تک کوئی میچ نہیں کھیلا۔
.ذریعہ: Express News
کلیدی لفظ: جسپریت بمراہ کی چیمپیئنز ٹرافی ٹرافی کے کے لیے
پڑھیں:
جدید ہتھیاروں سے لیس چوتھے جنگی جہاز ’’یمامہ‘‘ کی بحری بیڑے میں شمولیت
کراچی+اسلام آباد(سٹاف رپورٹر+خبر نگار خصوصی) پاک بحریہ کے چوتھے آف شور پٹرول ویسل پی این ایس ’’یمامہ‘‘ کو بحری بیڑے میں شامل کر لیا گیا۔ جناح نیول بیس اورماڑہ میں ایک پْروقار تقریب میں چیف آف دی نیول سٹاف ایڈمرل نوید اشرف نے بطور مہمان خصوصی شرکت کی۔ پی این ایس یمامہ رومانیہ کے دامن شپ یارڈ میں تیار کیا گیا ایک کثیرالمقاصد جنگی جہاز ہے، جو جدید سٹیلتھ خصوصیات، جدید ترین کمانڈ اینڈ کنٹرول سسٹم اور انتہائی مؤثر ہتھیاروں و سینسرز سے لیس ہے۔ یہ جہاز اس سیریز کا چوتھا یونٹ ہے جس کی شمولیت سے پاکستان بحریہ کی سمندری دفاعی صلاحیت، بحری تجارتی راستوں کے تحفظ اور سمندر میں نظم و ضبط قائم رکھنے کی استعداد میں نمایاں اضافہ ہو گا۔ سی پیک سمیت دیگر اہم بحری انفراسٹرکچر کا تحفظ یقینی بنایا جا سکے گا۔ مہمان خصوصی نے کہا سمندری سرحدوں کے تحفظ‘ امن و سلامتی کے قیام کے عزم کو مزید تقویت ملے گی۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا