بلوچستان: پولیو مہم اختتام پزیر، 99 فیصد ہدف حاصل
اشاعت کی تاریخ: 10th, February 2025 GMT
بلوچستان میں سات روزہ انسدادِ پولیو مہم اختتام پذیر ہو گئی ہے۔
ایمرجنسی آپریشن سینٹر کے مطابق اس مہم کے دوران صوبے میں 99 فیصد ہدف حاصل کیا گیا۔
مہم کے دوران 26 لاکھ سے زائد بچوں کو پولیو سے تحفظ کے قطرے پلانے جانے کا ہدف مقرر کیا گیا تھا۔
اس دوران پولیو ٹیموں کی سیکیورٹی کے لیے سخت انتظامات کیے گئے تھے، اور خوش قسمتی سے کسی بھی ناخوشگوار واقعے کی اطلاع موصول نہیں ہوئی۔
خیال رہے کہ بلوچستان میں گزشتہ سال پولیو کے 27 کیسز رپورٹ ہوئے تھے۔
.ذریعہ: Jasarat News
پڑھیں:
لاہور، سی پی اے ایشیا اور جنوب مغربی ایشیاء کانفرنس اختتام پذیر
خطے میں مستحکم ترقی کے نام سے اختتامی سیشن میں قائم مقام صدر سید یوسف رضا گیلانی نے کہا ہماری عوام بالحصوص پسماندہ اور کمزور طبقات کی امنگوں کی تکمیل کیلئے ناگزیر ہوگی، اس فورم کے ذریعے ایک بار پھر حقیقت کو تسلیم کیا کہ پارلیمنٹ صرف قانون سازی کے ادارے نہیں بلکہ تبدیلی کے مراکز بھی ہیں۔ اسلام ٹائمز۔ سی پی اے ایشیا اور جنوب مغربی ایشیاء کانفرنس اختتام پذیر ہوگئی۔ اختتامی سیشنز میں ماحولیاتی تبدیلیوں، اے آئی اور فیک نیوز پر قانون سازی پر سیر حاصل گفتگو کی گئی، جبکہ خطے میں مستحکم ترقی کے اختتامی سیشن سے قائم مقام صدرمملکت یوسف رضا گیلانی نے خطاب کرتے ہوئے کہا کہ یہ کانفرنس پسماندہ اور کمزور طبقات کی امنگوں کی تکمیل کیلئے نا گزیر تھی۔ پنجاب اسمبلی میں دو روزہ ایشیاء اور جنوب مغرب ایشیاء کامن ویلتھ پارلیمنٹ ایسوسی ایشن کانفرنس اختتام پذیر ہو گئی۔ اختتامی سیشن میں شریک رہنماؤں نے خطے کے اہم چیلنجز جیسے کہ موسمیاتی تبدیلی، معاشی عدم مساوات، اور تیزی سے بدلتی ہوئی ٹیکنالوجی کے پیش نظر مشترکہ قانون سازی اور باہمی تعاون کی ضرورت پر زور دیا۔ اس کے علاوہ پارلیمانی ڈپلومیسی کو خطے میں امن اور تعاون کی بنیاد قرار دیا گیا۔
سینئر صوبائی وزیرمریم اورنگزیب کا کہنا تھا پاکستان موسمیاتی تبدیلیوں کے اثرات والی فہرست میں شامل ہے، موسمیاتی تبدیلی کے نقصانات سے نمٹنے کیلئے پالیسیاں بنانا ضروری ہے۔ کانفرس کے دوسرے سیشن میں ڈیجیٹل گورننس اورسوشل میڈیا ریگولیشن اور جدید قانون سازی کیلیے اقدامات پر تبادلہ خیال کیا گیا۔ خطے میں مستحکم ترقی کے نام سے اختتامی سیشن میں قائم مقام صدر سید یوسف رضا گیلانی نے کہا ہماری عوام بالحصوص پسماندہ اور کمزور طبقات کی امنگوں کی تکمیل کیلئے ناگزیر ہوگی، اس فورم کے ذریعے ایک بار پھر حقیقت کو تسلیم کیا کہ پارلیمنٹ صرف قانون سازی کے ادارے نہیں بلکہ تبدیلی کے مراکز بھی ہیں۔
اختتامی کلمات میں سپیکر پنجاب اسمبلی نے چارٹر آف لاہور پیش کرتے ہوئے کہا ہم جامع ترقی کو فروغ دینے اور خطے میں پائیدار ترقی کیلئے کام کریں گے، جبکہ مقامی حکمرانی کے ڈھانچے کو مظبوط بنانا ضروری ہے تاکہ عوامی خدمات یقینی بنائی جا سکیں۔ قائم مقام صدر یوسف رضا گیلانی اورسپیکر پنجاب اسمبلی ملک محمد احمد خان نے تمام ملکی اورغیرملکی شرکا کا شکریہ ادا کیا، جبکہ بین الاقوامی پارلیمینٹرینز نے حکومت پاکستان اور خاص طور پر سپیکر پنجاب اسمبلی اظہار تشکر کیا۔
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط