ہانیہ عامر بالی ووڈ سے کام کی پیشکش قبول کریں گی لیکن کس شرط پر؟
اشاعت کی تاریخ: 10th, February 2025 GMT
پاکستانی باصلاحیت، مایہ ناز اور معروف اداکارہ ہانیہ عامر کا کہنا ہے کہ اگر انہیں بالی ووڈ سے کام کرنے کی پیشکش ہوئی تو وہ ضرور اس پر سوچیں گی۔
ہانیہ عامر نے حال ہی میں لندن میں ایک فنڈ ریزنگ پروگرام میں شرکت کی، جہاں انہوں نے حاضرین کے مختلف سوالات کے جواب بھی دیے۔ ایک مداح نے دورانِ پروگرام اداکارہ سے سوال کیا کہ اگر بالی ووڈ اور خاص طور پر کرن جوہر کی جانب سے انہیں فلم کی پیشکش ہوئی تو کیا وہ اس پیشکش کو قبول کریں گی؟
یہ بھی پڑھیں: صائم ایوب سے اداکارہ ہانیہ عامر کی خوشگوار ملاقات، ویڈیو سوشل میڈیا پر وائرل
ہانیہ عامر نے اس کا جواب دیتے ہوئے کہا بالکل! اگر پیشکش آتی ہے اور پراجیکٹ اچھا ہوا تو وہ ضرور کام کریں گی۔ واضح رہے کہ اس سے قبل ماورا حسین، ماہرہ خان اور فواد خان جیسے پاکستانی ستاروں نے بالی ووڈ میں اپنے کام سے ہندوستانی ناظرین کو متاثر کیا۔
View this post on Instagram
A post shared by Faridoon Shahryar (@ifaridoon)
مانچسٹر میں منعقدہ تقریب میں ہانیہ عامرسے جب پوچھا گیا کہ کیا وہ کبھی بالی ووڈ فلموں یا میوزک ویڈیوز میں کام کریں گی۔ تو انہوں نے جواب دیا کہ ’جب بھی یہ سوال پوچھا جاتا ہے، ایسا لگتا ہے جیسے یہ کرنا کچھ غلط ہے۔ لیکن یہ فن ہے، اور مجھے اس سے کوئی مسئلہ نہیں ہے۔ اور مجھے یہ محسوس ہوتا ہے کہ میں اس میں اچھی کارکردگی کا مظاہرہ کر سکتی ہوں، تو کیوں نہیں؟‘۔
یہ بھی پڑھیں: ہانیہ عامر کو حلوہ کردار دیں گے تو وہ محنت نہیں کرے گی، اداکارہ ثانیہ سعید
ہانیہ عامر پاکستانی شوبز انڈسٹری کا ایک مشہور نام ہیں۔ انہوں نے اپنے کیرئیر کا آغاز 2016 میں فلم ’جانان‘ سے کیا اور پھر ڈرامہ ’عشقیہ‘ میں اپنی اداکاری سے بڑے پیمانے پر انہیں پہچان ملی۔ اس کے بعد انہوں نے ’میرے ہمسفر‘ اور ’مجھے پیار ہوا تھا‘ جیسی مشہور سیریز میں اداکاری کی، جس نے نہ صرف پاکستان بلکہ ہندوستان میں بھی بے پناہ مقبولیت حاصل کی۔
ان کے حالیہ ڈرامے ’کبھی میں کبھی تم‘ نے انہیں شہرت کی بلندیوں پر پہنچا دیا، اس ڈرامے میں فہد مصطفیٰ کی 10 سال بعد ٹیلی ویژن پر واپسی ہوئی، اور اس کو ہندوستان میں بے پناہ محبت ملی۔ ڈرامے میں جاوید شیخ، بشریٰ انصاری، عماد عرفانی، اور نعیمہ بٹ نے بھی مرکزی کردار ادا کیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ کرن جوہر ہانیہ عامر.ذریعہ: WE News
کلیدی لفظ: بالی ووڈ کرن جوہر ہانیہ عامر ہانیہ عامر بالی ووڈ انہوں نے کریں گی
پڑھیں:
پی ٹی آئی کو پھر مذاکرات کی پیشکش۔عمران خان کا وکیل گرفتاری کے بعدرہا
لاہور/راولپنڈی(مانیٹرنگ ڈیسک)حکومت کی جانب سے ایک بار پھر پی ٹی آئی کو مذاکرات کی پیش کش کی گئی ہے۔اسپیکر قومی اسمبلی سردار ایاز صادق نے واضح الفاظ میں پاکستان تحریک انصاف کے ساتھ مذاکرات سے متعلق بات کی ہے۔ انہوں نے کہا کہ ہم نے کبھی مذاکرات کے لیے دروازے بند نہیں کیے۔پنجاب اسمبلی میں صحافیوں سے غیر رسمی گفتگو کرتے ہوئے اسپیکر قومی اسمبلی سردار ایاز صادق نے کہا کہ ہم نے تو پی ٹی آئی سے مذاکرات کے لیے کمیٹی بھی تحلیل نہیں کی۔ تحریک انصاف کی پہلے اندر سے منظوری آجائے تو پھر ہمارے پاس بھی آ جائیں گے۔انہوں نے کہا کہ تحریک انصاف سے رابطے منقطع نہیں ہوئے، وہ آج بھی ہمارے ساتھ رابطے میں ہیں۔سردار ایاز صادق کا کہنا تھا کہ بانی پی ٹی آئی عمران خان ایک سخت آدمی ہیں۔ دوسری جانب پی ٹی آئی کے وکیل فیصل چودھری کو اڈیالہ جیل کے باہر سے گرفتار کیا گیا اور دوگھنٹے بعد رہا بھی کردیا گیا۔ذرائع کے مطابق فیصل چودھری کو گزشتہ روز جیل افسر عمران ریاض کو گالیاں دینے پر گرفتار کیا گیا، اڈیالہ جیل میں داخلے سے روکنے پر انہوں نے جیل اہلکار سے تلخ کلامی کی اور گالیاں بھی دیں۔اس سے قبل فیصل چودھری نے اڈیالہ جیل کے باہر گفتگو کرتے ہوئے کہا کہ میرے ساتھ جو کل ہوا وہ اندرونی گیٹ پر ہوا اس پر آج نوٹس ہوگیا ہے، عدالتی احکامات جیل سپرنٹنڈنٹ کو واٹس ایپ پر بھجوا دیے تھے۔وکیل تحریک انصاف کا کہنا تھا کہ میرا قصور یہ ہے کہ میں بانی پی ٹی آئی کی گفتگو باہر بیان کرتا ہوں۔واضح رہے کہ گزشتہ روز اڈیالہ جیل میں داخلے سے روکنے پر بانی پی ٹی آئی عمران خان کے وکیل فیصل چودھری غصے میں آگئے تھے، ان کی جیل اہلکار سے تلخ کلامی ہوئی اور انہوں نے گالیاں بھی دیں۔
اسلام آباد (نمائندہ جسارت) پاکستان تحریک انصاف کے جنرل سیکرٹری سلمان اکرم راجا نے کہا ہے کہ آج صرف صوابی میں جلسہ ہوگا، ہمارا انتشار اور ٹکراؤ کا کوئی ارادہ نہیں۔انسداد دہشت گردی عدالت اسلام آباد میں کیس کی سماعت کے موقع پر جوڈیشل کمپلیکس میں میڈیا سے گفتگو کرتے ہوئے پی ٹی آئی رہنما سلمان اکرم راجا نے کہا کہ ہماری ضمانتیں چلتی رہتی ہیں یہ ایک تلوار انہوں نے لٹکائی ہوئی ہے۔انہوں نے کہا کہ ہم مقابلہ کرتے رہیں گے، یہ جھوٹے کیسز ہیں۔ کل ہم صوابی جائیں گے ہر یونین کونسل میں لوگ احتجاج کریں گے۔ ہمیں امید ہے، قوی گمان ہے کہ مولانا فضل الرحمن عوام کیساتھ کھڑے ہوں گے۔ مولانا فضل الرحمن نے 26ویں ترمیم میں ووٹ دیا یہ ان کی سیاست ہے، ہم نے ترمیم کی مخالفت کی آج بھی کرتے ہیں۔ انہوں نے کہا کہ جہاں ہمارا تعاون ہو سکتا ہے وہاں مولانا کا تعاون لیں گے۔ ہمارا موقف واضح ہے ہم ہر صورت جمہوریت اور انسانی حقوق کا ساتھ دیں گے۔ ہر حملہ جو عدلیہ پر ہوگا اس کی مخالفت کریں گے جو جہاں تک ساتھ دے سکتا ہے وہ دے۔یاد رہے کہ پی ٹی آئی کی جانب سے آج مینار پاکستان پر جلسے کی اجازت کے لیے درخواست دی گئی تھی، تاہم ڈی سی کی جانب سے جلسے کی اجازت نہیں دی گئی۔ حکام کا کہنا ہے کہ آج ایک بین الاقوامی کانفرنس اور کرکٹ میچ ہے۔ اس کے علاوہ بھی اہم پروگرام ہیں، جن کے لیے ہزاروں کی تعداد میں سیکورٹی اہل کار تعینات کیے جا رہے ہیں۔
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط