سابق کرکٹرہربھجن سنگھ اور شعیب اختر میچ کے دوران ایک بار پھر آمنے سامنے ،ویڈیو وائرل
اشاعت کی تاریخ: 10th, February 2025 GMT
لاہور(نیوزڈیسک)چیمپئنز ٹرافی 2025 کے آنے سے شائقین کرکٹ کا جوش و خروش بڑھ رہا ہے۔ اسی سلسلے میں بھارت کے سابق کھلاڑی ہربھجن سنگھ اور پاکستان کے لیجنڈری فاسٹ بولر شعیب اختر ایک بار پھر آمنے سامنے آئے جس کی ویڈیو سوشل میڈیا پر وائرل ہو رہی ہے۔
وائرل ویڈیو میں شعیب اختر اور ہربھجن سنگھ کو دبئی کے انٹرنینشل کرکٹ اسٹیڈیم میں موجود دکھایا گیا، ویڈیو میں دیکھا گیا کہ ہربھجن سنگھ کے ہاتھ میں پلاسٹک کا بیٹ موجود ہے اور شعیب اختر ان کے سامنے آتے ہیں
View this post on InstagramA post shared by Meer Media Productions (@meermediaproductions)
ان کے ہاتھ میں بول ہوتی ہے اور وہ اس سے مارنے کا اشارہ کرتے ہیں اور مذاق میں ایک دوسرے سے مختصر جھگڑا کرتے ہیں جیسا کہ ماضی میں دونوں کھلاڑیوں کو کرکٹ کے میدان میں دیکھا جاتا تھا۔دونوں سابق کرکٹرز کا فیس ٹو فیس دیکھ کر سوشل میڈیا صارفین یہی کہتے دکھائی دئے کہ انہوں نے ایسا کر کے ماضی یاد دلا دیا۔
واضح رہے کہ چیمپئنز ٹرافی 2025 میں بروز اتوار 23 فروری کو دبئی میں بھارت کا مقابلہ پاکستان سے ہوگا۔ پاکستان ٹورنامنٹ کی میزبانی کرنے کے باوجود بھارت پاکستان کا سفر کرنے سے انکار کرنے کے بعد اپنے تمام کھیل نیوٹرل مقام پر کھیلے گا۔
سہ ملکی سیریز: جنوبی افریقا کا نیوزی لینڈ کو جیت کیلئے 305 رنز کا ہدف
ذریعہ: Daily Ausaf
پڑھیں:
گوردوارہ جنم استھان، بیساکھی میلہ کی تقریب، آتشبازی، مذہبی رسومات ادا
ننکانہ صاحب +لاہور(نامہ نگار+خصوصی نامہ نگار) سکھ مذہب کے عظیم مذہبی تہوار بیساکھی میلے کی مرکزی تقریب گوردوارہ جنم استھان ننکانہ صاحب میں ہوئی، جس میں دنیا بھر سے آئے سکھ یاتریوں سمیت اعلیٰ حکومتی و سیاسی شخصیات نے بھرپور شرکت کی۔ وفاقی وزیر مذہبی امور و بین المذاہب ہم آہنگی سردار محمد یوسف، وزیر مملکت کھیل داس کوہستانی، صوبائی وزیر اقلیتی امور سردار رمیش سنگھ اروڑہ، سینئر جوائنٹ سیکرٹری مذہبی امور مرزا علی مسعود ، ایڈیشنل سیکرٹری شرائن سیف اللہ کھوکھر، ڈپٹی سیکرٹری شرائن عمر جاوید اعوان، برطانوی ہائی کمشنر مسٹر بین، رکن پنجاب اسمبلی مہر کاشف رنگ الٰہی، پاکستان سکھ گوردوارہ پربندھک کمیٹی کے عہدیدا بھارت سمیت دنیا بھر سے سکھ رہنما و یاتری شریک ہوئے۔ سردار محمد یوسف نے وزیر اعظم شہباز شریف کی جانب سے سکھ برادری کو مبارکباد کا پیغام دیا اور کہا کہ پاکستان نے بیساکھی کے موقع پر ریکارڈ ویزے جاری کیے۔ جبکہ یاتریوں کو ہر ممکن سہولیات فراہم کی گئیں۔ گوردوارہ جنم استھان میں عالمی معیار کے ایک سو نئے کمرے تکمیل کے آخری مراحل میں ہیں اور بند مذہبی مقامات کی بحالی کے منصوبے پر کام تیزی سے جاری ہے۔ صوبائی وزیر سردار رمیش سنگھ اروڑہ نے کرتار پور راہداری کو ایک خواب کی تعبیر قرار دیا۔ سردار بشن سنگھ نے کہا کہ بھارت میں سکھوں کے ساتھ امتیازی سلوک کیا جا رہا ہے اور خالصتان سکھوں کی ضرورت بن چکا ہے۔ انہوں نے ضلعی انتظامیہ بالخصوص ڈی سی اور ڈی پی او ننکانہ صاحب کو بہترین انتظامات پر شاباش دی۔ صوبائی وزیر کی جانب سے شرومنی گوردوراہ پربندھک کمیٹی کے جتھہ لیڈر ینگ بہادر سنگھ، دہلی گوردوراہ مینجمینٹ کمیٹی کے جتھہ لیڈر دلجیت سنگھ، جگجیت سنگھ پلڑ، سرنجیت سنگھ، جہیندر کور، رویندر سنگھ، سردارمہیش سنگھ، سردار بیشن سنگھ، بھگت سنگھ، تارا سنگھ اور ممبران پاکستان گوردوراہ پربندھک کمیٹی کو سروپے پہنائے گئے۔ تقریب کے شرکاء نے مذہبی رسومات جیسے متھا ٹیکی، شبد کیرتن، ارداس اور نگر کیرتن ادا کیں اور حکومت پاکستان کے انتظامات کو سراہا۔ ضلعی انتظامیہ کی جانب سے 10 منٹ تک شاندر آتشبازی کا مظاہرہ کیا گیا۔ تقریب میں شندرہ ضعیب، رمیش سنگھ ارکان اسمبلی میڈیا کے نمائندے دیگر شریک ہوئے۔ سکھ یاتری مختلف شہروں کے گورودواروں کی یاترا کر کے 19 اپریل کو اپنے وطن واپس روانہ ہوں گے۔ سکھ یاتریوں نے کہا پوری دنیا سکھ پاکستان کو اپنا دوسرا گھر سمجھتے ہیں۔ وزیر مملکت کھیل داس کوہستانی نے کہا کہ حکومت پاکستان اقلیتوں کی خوشحالی کے لیے ہر ممکن اقدامات کر رہی ہے۔ بھارت سے آئے دہلی گورو دوارہ پر بندھک کمیٹی کے دلجیت سنگھ سرنا نے دورہ پاکستان کے موقع پر اظہار خیال کرتے ہوئے کہا ہے کہ بھارت سمیت دنیا بھر سے آنے والے سکھ پاکستان میں اپنے گورو دوارہ صاحبان کے درشن کر کے بہت خوش ہیں۔ تقریب کے شرکاء نے پاکستان زندہ باد سکھ مسلم دوستی زندہ باد کے نعرے لگائے، جبکہ آخر میں سکھ رہنماؤں کی طرف سے وفاقی وزیر سمیت دیگر شرکاء میں خصوصی تحائف تقسیم کیے گئے۔
نائب تحصیل دار کی گاڑی پر بارودی مواد کا دھماکہ