ژوب اور گرد و نواح میں زلزلے کے جھٹکے
اشاعت کی تاریخ: 10th, February 2025 GMT
کوئٹہ:
ژوب اور گرد و نواح میں زلزلے کے جھٹکے محسوس کیے گئے۔
ایکسپریس نیوز کے مطابق بلوچستان کے علاقے ژوب میں زلزلے کے جھٹکے محسوس کیے گئے۔ ابتدائی اطلاعات کے مطابق زلزلے کے جھٹکے ژوب اور اس کے گرد و نواح کے علاقوں میں محسوس کیے گئے ہیں۔
زلزلہ پیما مرکز کے مطابق زلزلے کی شدت 3.4 اور اس کی گہرائی 70 کلومیٹر ریکارڈ کی گئی۔
زلزلے کا مرکز ژوب کے قریب تھا۔ زلزلے کے بعد کسی قسم کے جانی یا مالی نقصان کی اطلاع نہیں ملی۔
.ذریعہ: Express News
کلیدی لفظ: زلزلے کے جھٹکے
پڑھیں:
امریکی جزیرے کیریبین میں 7.6 شدت کا زلزلہ، سونامی وارننگ جاری
نیویارک ( نیوز ڈیسک )امریکی مانیٹرنگ ایجنسیوں نے بتایا کہ ہفتے کے روز کیمین جزائر کے ساحل سے تقریباً 130 میل (209 کلومیٹر) دور بحیرہ کیریبین میں 7.6 شدت کے زلزلے نے ہلچل مچا دی، حکومت نے سونامی وارننگ جاری کردی
امریکی جیولوجیکل سروے نے کہا کہ زلزلہ کم گہرائی میں آیا۔امریکی بحرالکاہل سونامی وارننگ سینٹر نے کہا کہ تمام دستیاب اعداد و شمار کی بنیاد پر اس زلزلے سے سونامی کا خطرہ ختم ہو گیا ہے اور اب کوئی خطرہ نہیں ہے۔
اس سے قبل سونامی وارننگ سسٹم نے کہا تھا کہ کیوبا کے کچھ ساحلی علاقوں میں تقریباً 10 فٹ (تین میٹر) تک اونچی لہریں اٹھ سکتی ہیں، جب کہ تین فٹ تک کی لہریں ہونڈوراس اور کیمن جزائر سے ٹکرا سکتی ہیں۔جزائر کیمن کی حکومت نے اپنی ویب سائٹ پر ایک پیغام میں ساحلی علاقوں کے رہائشیوں کو اندرون ملک منتقل ہونے کی تنبیہ کی تھی۔
سونامی کے خطرے کی ابتدائی وارننگ میں ایک درجن سے زائد ممالک شامل تھے۔زلزلے کے تقریباً تین گھنٹے بعد، امریکی حکام نے خبردار کیا کہ 30 سینٹی میٹر (11.8 انچ) تک سمندر کی سطح میں معمولی اتار چڑھاؤ اب بھی ہو سکتا ہے، لیکن یہ کہ کوئی سنگین خطرہ گزر چکا ہے۔
امریکی سونامی وارننگ سینٹر نے بتایا کہ میکسیکو کے مشرقی ساحل پر واقع اسلا مجیرس میں سونامی کی پیمائش کرنے والے گیج نے زلزلے کے بعد چار سینٹی میٹر (0.1 فٹ) کی زیادہ سے زیادہ اونچائی والی لہر کی پیمائش کی۔
سعودی عرب کا یوم تاسیس، حکومت کا20 اور 22 فروری کو عام تعطیل کا اعلان
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط