’لگتا ہے وکلاء چاہتے ہیں لوگ قید میں سڑتے رہیں‘ ملٹری کورٹس کیس کی سماعت کل تک ملتوی
اشاعت کی تاریخ: 10th, February 2025 GMT
سپریم کورٹ میں ملٹری کورٹس کیس کی سماعت ہوئی تاہم وکیل سلمان اکرم راجہ کے نہ پہنچنے سے سماعت کل تک ملتوی کی گئی۔
کیس کی سماعت جسٹس امین الدین خان کی سربراہی میں سات رکنی آئینی بنچ نے کی۔
معاون وکیل رانا وقار نے عدالت کو بتایا کہ سلمان اکرم راجہ ٹریفک کے سبب عدالتی کارروائی میں نہیں پہنچ سکے، سپریم کورٹ آنے کیلئے صرف ایک ہی راستہ مارگلہ روڈ والا کھلا ہے۔
یہ بھی پڑھیے: ہوسکتا ہے مجھے رینجرز اہلکاروں کے قتل کیس میں گرفتار کرکے ملٹری کورٹ لے جایا جائے، سلمان اکرم راجہ
اس پر جسٹس جمال خان مندوخیل نے کہا کہ خواجہ حارث صاحب اور باقی لوگ بھی پہنچ گئے۔
ان کا کہنا تھا کہ اگر آدھا گھنٹہ پہلے نکل آتے اس وقت سپریم کورٹ ہوتے، لگتا ہے وکلاء چاہتے ہیں لوگ قید میں سڑتے رہیں۔
جسٹس جمال خان مندوخیل نے برہمی کا اظہار کرتے ہوئے کہا کہ ٹھیک ہے وکلاء نہیں چاہتے تو کیا کیا جاسکتا ہے۔
بعد میں کارروائی کا حکمنامہ بھی جاری کیا گیا جس کے مطابق کیس سماعت کیلئے پکارا گیا تاہم سلمان اکرم راجہ عدالت میں موجود نہیں تھے، سماعت کل تک ملتوی کی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
military courts case سلمان اکرم راجہ ملٹری کورٹس.ذریعہ: WE News
کلیدی لفظ: سلمان اکرم راجہ ملٹری کورٹس سلمان اکرم راجہ ملٹری کورٹ
پڑھیں:
ہمارے لب سی دیے گئے لیکن میری زبان بولے گی، شیر افضل مروت کی صوابی جلسے میں للکار
پاکستان تحریک انصاف (پی ٹی آئی) میں کی جانب سے سائیڈ لائن کیے گئے سینیئر رہنما شیر افضل مروت صوابی جلسہ عام میں پھٹ پڑھے۔
وزیراعلیٰ خیبرپختونخوا علی امین گنڈاپور جب اسٹیج پر تقریر کے لیے آئے تو شیر افضل مروت بھی ان کے ساتھ اسٹیج پر پہنچے اور اپنے مختصر خطاب میں کہاکہ ہم برے لوگ ہیں برے وقتوں میں کام آتے ہیں۔ اچھے وقتوں میں اچھے لوگوں نے ہمارے لب سی دیے ہیں لیکن میری زبان بولے گی۔
واضح رہے کہ پارٹی سیکریٹری جنرل سلمان اکرم راجا کے خلاف زبان کھولنے پر پارٹی نے شیر افضل مروت کو شوکاز نوٹس جاری کیا تھا۔
شیر افضل مروت نے شوکاز نوٹس کا جواب دیتے ہوئے کہا تھا کہ سلمان اکرم راجا جیسے لوگوں کی وجہ سے پارٹی کو نقصان ہورہا تھا۔
شیر افضل مروت نے بانی پی ٹی آئی عمران خان سے ملنے کی بھی کوشش کی تھی تاہم سابق وزیراعظم نے ان سے ملنے سے انکار کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پھٹ پڑے سلمان اکرم راجا شوکاز نوٹس شیر افضل مروت صوابی جلسہ علی امین گنڈاپور عمران خان للکار وی نیوز
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط