ٹرائی نیشن سیریز، نیوزی لینڈ کا آج جنوبی افریقہ سے سامنا ہوگا
اشاعت کی تاریخ: 10th, February 2025 GMT
ٹرائی نیشن سیریز میں آج جنوبی افریقا اور نیوزی لینڈ کے درمیان میچ کھیلا جائے گا۔
گزشتہ روز مقابلے کی تیاریوں کیلئے جنوبی افریقہ کرکٹ ٹیم نے قذافی اسٹیڈیم میں پریکٹس سیشن میں حصہ لیا جبکہ پاکستان کو شکست دینے کے بعد نیوزی لینڈ کے زیادہ تر کھلاڑیوں نے آرام کو ترجیح دی، کچھ کھلاڑی آپشنل ٹریننگ سیشن میں شریک ہوئے۔
جنوبی افریقی کی ٹیم نے قذافی اسٹیڈیم میں تین گھنٹے تک بھرپور پریکٹس سیشن میں حصہ لیا، وارم اپ سیشن کے بعد بیٹرز نے نیٹ اسپن بولرز کے خلاف جم کر میں پریکٹس کی۔
دوسری جانب نیوزی لینڈ کے کچھ کھلاڑیوں نے آپشنل ٹریننگ میں حصہ لیا جبکہ زیادہ تر کھلاڑیوں نے آرام کو ترجیح دی۔
جنوبی افریقہ کے کپتان ٹیمبا باووما نے ٹرافی کے ساتھ تصاویر بنوائیں، پریس کانفرنس میں ان کا کہنا تھا کہ پاکستان میں کھیلنے کا اچھا موقع ہے، یہاں نوجوان کھلاڑیوں کوخود کو دکھانے کا موقع مل رہا ہے۔
انہوں نے کہا کہ اینرخ نورکیے کا انجرڈ ہونا بدقسمتی ہے، ان کی جگہ کاربن بوش کو اسکواڈ شامل کیا گیا ہے۔
.ذریعہ: Daily Mumtaz
کلیدی لفظ: نیوزی لینڈ
پڑھیں:
کراچی میں نیشنل پیڈل چیمپئن شپ کا کامیاب انعقاد، نوجوان کھلاڑیوں کی شاندار پرفارمنس
کراچی:پاکستان پیڈل فیڈریشن کے زیرِ اہتمام نیشنل پیڈل چیمپئن شپ 11 سے 13 اپریل تک کراچی کے ایک نجی پیڈل کورٹ میں منعقد ہوئی۔ تین روزہ ایونٹ میں ملک بھر سے کھلاڑیوں نے بھرپور جوش و خروش کے ساتھ شرکت کی اور پیڈل کھیل کی مقبولیت کا بھرپور مظاہرہ کیا گیا۔
مردوں کے مقابلوں میں کراچی سے تعلق رکھنے والے عدیل اللہ والا اور ہشیش کمار نے شاندار کارکردگی دکھاتے ہوئے چیمپئن شپ جیتی۔ خواتین کے زمرے میں بھی کراچی کی ثنا طابہ اور ناتالیا زمان نے ٹائٹل اپنے نام کیا۔ مکسڈ ڈبلز کی کیٹیگری میں اسلام آباد کے سامی زیب اور سارہ منصور فاتح قرار پائے۔
اختتامی تقریب میں پاکستان پیڈل فیڈریشن کے سینئر نائب صدر جناب مسرر رزاق آرائیں نے کھلاڑیوں میں انعامات اور ٹرافیاں تقسیم کیں۔ اس موقع پر اُنہوں نے پیڈل کھیل کی بڑھتی ہوئی مقبولیت کا ذکر کرتے ہوئے کہا کہ کراچی، لاہور اور اسلام آباد جیسے بڑے شہروں میں یہ کھیل تیزی سے مقبول ہو رہا ہے۔
پیڈل کو عام طور پر ٹینس اور اسکواش کا امتزاج سمجھا جاتا ہے۔ اس کے بیشتر قوانین ٹینس سے مشابہت رکھتے ہیں، تاہم چند اصول اسکواش سے بھی مستعار لیے گئے ہیں جو اس کھیل کو منفرد اور دلچسپ بناتے ہیں۔
نیشنل چیمپئن شپ کے کامیاب انعقاد کو پاکستان میں پیڈل کے فروغ کی جانب اہم قدم قرار دیا جا رہا ہے اور مستقبل میں مزید ٹورنامنٹس اور تربیتی پروگرامز کی توقع کی جا رہی ہے۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار